Бабай да солдат булган,

Әти дә солдат булган.

Зур абый да солдат булып,

Ил чикләрендә торган…

Кече абый солдат булып

Китте быел яз гына,

Мин үзем дә солдат булам,

Үсим әле аз гына.

Ватанны саклаучылар көне уңаеннан әтиләргә бүләкләр әзерләдек.Бик тырышып үз кулларыбыз белән ясаган бүләкләрне бәйрәм көнендә әтиләребезгә тапшырырбыз.

                                                                                                                    Бүген бәйрәм көнендә

                                                                                                                     Әтиләрне котлыйбыз.

                                                                                                                     Шатлык, бәхет, сәламәтлек

                                                                                                                      Һәммәгезгә телибез.

Матурлыгы өчен бу көннәрнең

Кемнәр генә корбан булмаган

Исемнәрен тарих безгә үзе

Саклап килә ерак еллардан!

Туган ил хакына, Туган җир хакына

Бабайлар башларын салдылар.

Безнең гомер өчен алар

Мәңгегә чит илдә калдылар.

Бөек җиңүнең 70 еллыгына әзерлек кысаларында укучыларга “Бөек җиңүгә 70ел” девизы астында сыйныф сәгатьләре үтә,китаплар күргәзмәсе оештырыла.

Әлеге сәламәтлек бәйрәме  бердәмлекне ныгытуга юнәлдерелгәнен күрсәтеп, бездә күңелле арганлык һәм онытылмаслык кичерешләр калдырды.

Авылыбыз китапханәсендә Бөек Җиңүнең 70 еллыгына багышланган, республика күләмендә үткәреләчәк нәфис сүз осталарын сайлап алу туры үтте.Чапшар башлангыч мәктәбеннән дә укучылар килде.Без ятлаган шигырьләребезне сөйләдек.Күрше авылдан килгән Тимофеев Алмазга ,шигырь сөйләү осталыгында, тиңнәр булмады.Безгә матур тормыш бүләк иткән,курку белмәс батырларыбызны әле күп тапкырлар барларбыз, аларга багышланган күп чараларда катнашырбыз.

Әй, мәктәбем белем учагы,Син гомернен иң гузэл чагы. Әйе, 2015 нчы ел мәктәп коллективы өчен аеруча истәлекле ел,20 еллык олы юбилеебыз безнең . 1995нчы елда без яңа бинага күчтек.Бу көннәрдә 20 еллык хатирәләрне яңартабыз без. Шушы еллар эчендә күпме балалар килде безнең бакчабызга, күпме укучылар укып чыкты! Без аларның һәрберсен  яратабыз, сагынабыз һәм хәтерлибез.

Бүген без авылыбыз китапханәсендә экскурсиядә булдык. Безне китапханәче апабыз Миләүшә Маннанова каршы алды. Миләүшә апа чыннан да үз һөнәренең остасы. Китапханәдән бөркелгән нур һәм җылылык үзенә тартып тора.Әйе, китапханәче Миләүшә апа белән аралашуы да үзе бер рәхәт.Китапханәчебез “Китап алсаң кулыңа- нур сибелер юлыңа” исеме астында библиографик дәрес үткәрде.Безгә дәрес бик охшады. Ул безгә китапның безне һәрчак яхшыга гына өйрәтүен һәм тормышыбызны нурлы итүен, белемле, әдәпле, акыллы киңәш бирүен, хезмәт сөючән, күркәм кеше булып үсәргә ярдәм итүен, туган илне сөяргә, хезмәт яратырга, авыр вакытта югалып калмаска өйрәтүен сөйләде.

Шундый матур кышкы  көннәр килде безгә! Үзебезнең апалар ясаган таудан көн саен чана шуабыз.Кыш бабай калдырган кар юрганы өстендә уйнавы бигрәк  бигрәк рәхәт шул !

Кыш килде, салкын урамда.

Ә без куркып тормыйбыз.

Чана-чаңгыларны алып,

Тауда шуып уйныйбыз.