Бүген мәктәп-бакчабызда "Ирекле ит,туган телем белән бәхетле ит " исеме астында әдәби ярыш үткәрелде.Укучылар үзләренең әдәбият өлкәсендә белемнәрен сынадылар.

И,туган тел, и матур тел

Әткәм -әнкәмнең теле.

Дөньяда күп нәрсә белдем

Син туган тел аркылы.

Мәктәп-бакчабызда "Туган тел" айлыгы старт алды.

Дизайнер булырга үскәч 

Мин күптән хыялланам.

Безнең бакча балалары кечкенәдән үк үзләренә максат куеп,мавыгып уйныйлар.

Ак чәчәкләр,күк чәчәкләр

Күп чәчәкләр бар монда.

Без исемен белми торган

Чәчәкләр дә бар анда.

Безнең бакча балалары гөлләр тәрбияләргә бик яраталар.Алардагы кечкенә генә үзгәрешләрне дә алар хәзер күреп ала.

Суган ничек үсә икән?

Көн дә шулай карыйбыз.

Бергәләшеп,куанышып,

Кыякларын саныйбыз.

Безнең бакча балалары тәҗрибәләрне бик кызыксынып үткәрәләр.Һәр үзгәрешне түземсезлек белән көтәләр.

Бүген кояш нурын сибә-сезнең өчен,

Тамчылар тама-сезнең өчен,

Кошлар сайрый-сезнең өчен,

Без дә шат елмаябыз-сезнең өчен!

Хөрмәтле әниләр,дәү әниләр,укытучы апалар,сөйкемле кызлар!Сезнең барыгызны да бәйрәм белән тәбрик итәбез.

Мин бәхетле гаиләм белән,

Яшимен әти - әнием белән!

Татулык гаиләбез нигезе!

Әби- бабам - иң кадерле кеше!

Бүген безнең мәктәптә гаилә бәйрәме гөрләде.Бала һәм гаилә.Бу ике сүз тыгыз бәйләнгән,баланы гаиләсез,гаиләне баладан башка күз алдына китерүе кыен.Тату гаилә ил терәге,гаилә өчен иң кирәге.

Гел шатланып типсен йөрәкләр,

Гаиләдә бәхет,муллык,сәламәтлек булсын,

Кабул булсын әйткән теләкләр.

Бүген бакчабызның зурлар төркемендә  "Безнең гаилә- тату гаилә" исеме астында гаилә бәйрәме булып узды.Гаиләләр көч сынашып,күңелле итеп ял иттеләр.Ә соңыннан бергәләшеп , чәй  табыны артында сыйландылар. 

Районыбыз сәхнәсендә "Созвездие-Йолдызлык"фестиваленең зонаара сайлап алу этабы бара.Безнең  бакчабыздан Галипов Ислам һәм Хайруллина Нәргизә үзләренең моңлы тавышлары белән тамашачыларны таң калдырдылар.