Без бүген көз бәйрәменә – Уңыш бәйрәменә җыелдык. Көз.   Кемдер аның килүенә чын күңелдән шатлана, ә кемдер көенә. Чөнки көз ул моңсу, көз ул сагышлы. Ләкин ничек кенә булмасын, һәр ел фасылының да үз матурлыгы бар. Алтынга манылган урманнар, бакча тулы өлгергән яшелчә, җиләк-җимеш бары көздә генә! Без бүгенге бәйрәмебездә көзгә багышланган җырлар җырладык, шигырьләр сөйләдек, уеннар уйнадык, рәхәтләнеп ял иттек.Соңыннан 1 нче чирекне йомгаклап,әти-әниләр җыелышы үтте.

         Күңелләргә якты нур өләшеп,
         Шатлык өстәп һәрбер йөрәккә,
         Үз муллыгы белән көзләр килә,
         Йомгак ясап  җәйге хезмәткә. 

                                                                       Бүген бездә матур бәйрәм,

                                                                       Бүген бездә көзге бал.

                                                                       Бүген көзге байлык белән

                                                                       Бизәлгән безнең зал.

Октябр аенда, зурлар төркемендә, әти-әниләр белән проект эше гөрләде.Шушы көннәрдә әлеге зур эш төгәлләнде. Берсеннән - берсе матур, кызыклы маскалар тупланды. Оста куллы әти-әниләребезгә зур рәхмәт!

      Бу көнннәдә тәрбияче апалары белән бергәләп бакча балалары, аларның әти-әниләре бик тырышып "Көз" проекты өстендә эшлиләр.Әти-әниләрнең иҗади эшләреннән оештырылган күргәзмәдә ниләр генә юк!Көзнең мул байлыгыннан бик оста файдаланганнар алар. Хезмәтнең тире — ачы, җимеше — татлы, дип әйтүләре юкка түгел шул. Күп көч куеп ясаган эшләрне күреп сокланмаган кеше юк.

Без көн дә спорт белән шөгельләнәбез.Теләгебез - сәламәт булып үсү.Бакча балаларының бердәм спорт күнегүләренә без барыбыз да кушылабыз.Ә бездән сез калышмагыз.Тазалыгыбыз кем өчен кирәк соң? Бары тик үзебез өчен генә. Шулай булгач, дуслар, әйдәгез безгә кушылыгыз. Барыбыз да сәламәт булыйк!

                                                                                           Урам буйлап килә

                                                                                           Сөмбелә көлә-көлә,

                                                                                            Яфракларын сибә-сибә

                                                                                            Шаяра, уйный, көлә.

Сөмбелә кызының сибеп тутырган, алтын яфракларыннан ишегалдын арындырдык.Бергә-бергә эшләү бик күңелле булды.Тырышып эшләгән эшебезнең нәтиҗәсе ерактан ук күренә,әйләнә-тирәбез чистарып калды.