Хөрмәтле тәрбиячеләребез! Сезне чын күңелебездән һөнәри бәйрәмегез - Тәрбиячеләр көне белән котлыйбыз! Тәрбияче хезмәте – авыр һәм фидакарь хезмәт. Ул даими рәвештә һөнәри яктан камилләшү, көч-энергия һәм бик зур сабырлык сорый. Һөнәри бурычыгызга тугъры калуыгыз һәм балаларга күрсәткән игътибарыгыз өчен рәхмәт. Көчегез төкәнмәвен, эшләү дәрте сүрелмәвен, балалар белән үзара аңлашу һәм һөнәрегезгә тугрылык телибез. Һәрвакытта һәм һәркайда уңышлар юлдаш булсын!

                                                                        Без телибез сезгә олы бәхет,

                                                                        Озын гомер, бетмәс шатлыклар.

                                                                        Барыр юлларыгыз озын булсын,

                                                                        Ашыкмасын килер картлыклар.

                                                                        Йөрәкләрдән чыккан назлы сүзләр

                                                                        Күңелләрдә булган саф хисләр,

                                                                        Озын гомер, якты тыныч тормыш –

                                                                        Безнең сезгә әйтер теләкләр.

           Бер агачтан, бер агачка

           Нәфис җепләр эленә.

           Көзнең матурлыгы безгә

           Мул уңышта күренә.

Кичә, бүген бакчада эш гөрләде.Көзнең мул уңышына сөенеп, бик тырышып эшләдек.

Бакчабызда гөлләр үсә

Шау чәчәккә күмелеп,

Шул бакчада гөлләр кебек

Без үсәбез гөр килеп.

 Гөлләребезне яңа балчыкка күчереп утырту эшендә һәммәбез бик тырыштык.Киләсе язны без шау чәчәкле гөлләр белән каршы алырга исәплибез.

Бакча балалары, өйрәнгән  юл билгеләрен ныгыту максатыннан, авыл урамнарына экскурсия үткәрделәр.Юл йөргән һәркем, җәяүлеме, транспорт йөртүчеме, сак булыйк! Юл кырындагы билгеләргә игътибар итик, кагыйдәләрне бозмыйк!

Куркынычсызлык айлыгына зур әзерлек белән эшкә керештек.Әлеге айлыктан бер генә кеше дә читтә калмаячак.