3 көн буе яңа ел бәйрәмнәре үтте бездә.Рәхәтләнеп күңел ачтык, Кыш бабайны каршы алдык,шигырьләр сөйләдек, матур җырлар җырладык, әкиятләр күрдек,бер-беребезне яңа ел белән котладык.                                                                                                     

                                                                                                            Ап-ак карларга уралып                                                                                                                                                            

                                                                                                            Син киләсен Яңа ел!

                                                                                                             Ак карлардай ак бәхетле,

                                                                                                             Булсын безнең яңа юл.

                                                                                                             Хуш киләсең, Яңа ел!

                                                                                                             Табыныбыз мул булсын,

                                                                                                             Якыннарыбыз, дус-ишьләребез,

                                                                                                             Табын турендә торсын!

                                                                                                             Яңа ел барыбызга

                                                                                                             Китерсен бәхет, шатлык.

                                                                                                            Сәламәтлек юлдаш булсын!

                                                                                                             Кирәкми башка затлык.

                                                                                                             Тынычлык булсын илдә,

                                                                                                             Елмайсын йөзләр гел дә!

                                                                                                             Күк йөзендә кояш безгә,

                                                                                                            Нурларын сипсен гел дә!

                                                                                                             Эшьләребез уң булсын,

                                                                                                             Тик шатлыклы минутлардан

                                                                                                             Безнең гомерләр торсын!

                                                                                                             Яңа ел котлы булсын!

 Яңа ел бәйрәмнәре якынлашканда безнең тирә- як матур кар сыннары белән бизәлә.Ел саен менә шулай салкын карны да җанландырабыз.Үз көчебез белән  төрле әкият геройлары, юмарт Кыш бабай һәм сөйкемле Кар кызы, җәнлек- җанварлар терелә. Барлык кар сыннары үз яннарына дәшеп тора, балачак иленә алып кайта, кәефне күтәрә. Безне Кыш бабай, Кар кызы каршы ала,  тауда бала- чага шуа, җәнлекләр сәлам бирә. Яңа елның ак карлары сөенеч, шатлык, уңышлар алып килсен.

Чыршы, чыршы кил безгә, яңа ел бәйрәменә, - дип чакырасы да юк, чөнки чыршы безнең ишегалдында гына үсә.Ел да без аны үзебез ясаган уенчыклар белән бизибез, матурлыйбыз.Чыршыбыз быел тагын да үскән, тәрбияче апаларның да буйлары җитәрлек түгел.Шулай да бик тырыштык, бәйрәмгә купшыкаебызны бизәндердек. Ишегалдыбыз бигрәк матурланды! 

Сагынып көткән кыш җитте, җиргә йомшак кар төште.Әй рәхәтләндек бүген!Көне дә йомшак,яңа яуган кары да мамык диярсең.Беребез дә читтә калмадык, бик тырышып кар шарлары әвәләдек.Һәрберебезнең шарларын бер урынга җыйнагач, ишегалды серле кыш дөньясына чумды. Әйтерсең кар шарлары әкият геройларына әвереләчәк. Әлбәттә, бу көнгә ерак калмады. Бик тиздән безнең ишегалдында кар бабай кунаклары,матур сыннар пәйдә булачак.Яңа елга әзерлек кенә дә бик рәхәт,бик күңелле!

Зурлар төркеме, әниләр  көне уңаеннан, Ачык ишекләр көне үткәрде.Тәрбияче апалар да,балалар да кунакларны ачык йөз белән каршы алды. Шөгыль дә гади генә түгел иде , концерт номерлары белән үрелеп барылды. Бәйрәм тантанасы әниләр өчен бик кызыклы үтте.Балаларының уңганлыкларын күп яктан күрергә дә мөмкин булды.

Безнең Әдиләбез бик тырыш укучы. Ул фән нигезләрен төпле үзләштерә.Әдилә мәктәп буенча математика фәненнән үткәрелгән ярышта югары нәтиҗәләр күрсәтте.Бүген район мәктәпләре арасында үткәрелгән олимпиадада катнашып кайтты.Без аңа уңышлар телибез.

Ана! Әни! Нинди бөек исем! Дөньяда әниләрдән дә газиз, изге зат юктыр.Безнең бакча балалары "Минем яраткан әнием" исеме астына әниләренең портретларын ясап куйдылар.

                                                                                                                                                                                                                               Әнием – син минем бердәнберем,

                                                                                                                                                                                                                               Мин сине бик тә яратам.

                                                                                                                                                                                                                               Синең күзләреңә карыйм да

                                                                                                                                                                                                                               Барлык борчуларым таратам.