Туган телләр көне уңаеннан  китапханәдә балалар китаплары күргәзмәсе оештырылды. 

Туган телләр көнендә (21 нче февраль) башлангыч сыйныф укучылары, татар теле турында шигырьләр өйрәнеп, мәктәп күләмендә шигырь кичәсе үткәрделәр. Укучылар телебезнең тәмен тоеп, саф татар телендә сәнгатьле итеп матур-матур шигырьләр сөйләделәр.Телебезнең нинди аһәңле, тәэсирле, хисле һәм бай тел  икәнлегенә төшендерделәр.

Туган телебез-татар теленә багышланган зур сәнгать бәйрәме үткәрдек. Анда халкыбызның дәртле биюләре  башкарылды, моңлы җырлары яңгырады, гыйбрәтле һәм тирән эчтәлекле шигырьләр сөйләнде. Һәр сыйныфтан да укучылар бик теләп һәм актив катнаштылар. Авыл  мәдәният йорты сәхнәсе гөрләп торды. Телебез мәңге яшәсен!

 Туган телләр көне уңаеннан сыйныфларда Туган телләргә багышланган тәрбия сәгатьләре узды. Алар үзара фикер алышу, әдәби-музыкаль балалар иртәсе, телләр тарихына багышланган лекцияләр формасында оештырылды. Гомумән, укучыларга  телләр турында бик күп мәгълүмат җиткерелде, укучылар үзләре дә матур һәм үтемле татар телебездә шигырьләр сөйләделәр, җырлар башкардылар. Туган телебезне яратыйк, аны саклыйк һәм баетыйк!

Аксу урта мәктәбендә чираттагы гомуми ата-аналар җыелышы булды. Җыелышның темасы: “Бала тәрбияләү-үзенчәлекле һәм җаваплы эш”.

Көн тәртибе:

1.Доклад: “Бала тәрбияләүдә гаилә һәм мәктәпнең роле”.

2.Мәктәптә уку-укыту һәм тәрбия эшчәнлегенең барышы.

3.ЕГЭ, ОГЭ, ГВЭ мәсьәләләре.

4.Гаиләне һәм мәктәпне борчыган сорауларны хәл итү.

5.Балалар тормышында Интернет куркынычсызлыгы мәсьәләләре.

6.Ата-аналарны ВПР, имтиханнар расписаниесе, укучыларны аттестацияләү формалары белән таныштыру.

7.Башлангыч һәм урта сыйныф укучыларын ПМПК тикшеренүенә алып бару мәсьәләсе белән таныштыру.

Укучылар төрле уен-бәйгеләрдә бик теләп катнашалар. Һәр елны үткәрелә торган “Русский медвежонок” уен-бәйгесендә быел да шактый гына укучыларыбыз катнашты. Араларында җиңүчеләр дә бар. Башлангыч сыйныф укучылары Әлфинә һәм Язилә быелгы уен-бәйге җиңүчеләре булды. Алар җиңүче дипломнары һәм истәлекле бүләкләр алдылар.

Хәрби-патриотик айлык һәм Туган телләр ункөнлеге кысаларында “Муса Җәлилнең батырлыгы” дигән темага мәктәп күләмендә батырлык дәресе булды. Барлык укучылар да линейкага тезелеп, 7 нче сыйныф укучылары әзерләгән чараны тыңладылар. 7 нче сыйныф укучылары Муса Җәлилнең батырлыгы, үлемсезлеге турында сәнгатьле итеп  шигырьләр  сөйләделәр; М.Җәлилнең гомере мәңгелек маяк булуы турында аңлаттылыр; аңардан үрнәк алырга, шигырьләрен өйрәнергә чакырдылар.

17 февраля на базе СОШ № 1 проходила 15 районная научно – практическая конференция им. Л.Н. Толстого. Учащийся нашей школы Шарафутдинов Айнур защищал свою исследовательскую работу. Он занял 1 место в номинации «Поэзия и проза»

Татар әдәбияты буенча муниципаль этапта җиңү яулаган 9 нчы сыйныф укучысы Нәргизә Казанда республика этабында катнашып кайтты.

Халыкара Туган телләр көненә карата  үткәрелә торган  чаралар планы.

Февраль, 2017 года