16 февраль көнне мәктәпнең җыелма командасы районда "Вперед Юноармейцы !" ярышында катнашты. Укучылар уңышлы чыгыш ясадылар . 11 сыйныф укучысы Сәмитова Алия АК-74 автоматын җыю буенча беренче , противогаз кию буенча команда 2 нче урынны яулады . Укучыларга грамоталар һәм бүләкләр тапшырылды.

1979 елда башланып, 10 елга кадәр сузылган бәрелеш, 1989 елда Советлар Союзының 15 мең кешесен югалту белән тәмамлана. Әлеге коточкыч сугыш безнең куңелләргә дә тирән уелган. Әфган сугышында катнашкан   безнең авылдашларыбыз да бар. Һәр елның 15 февралендә Совет гаскәрләренең Әфган җиреннән чыгарылуы көне уңаеннан мәктәбебездә сыйныф сәгатьләре  үтә . 

Мәктәбебезнең иң күп китап укучыларыннан төзелгән "Тапкырлар ", "Дуслык ", "Зирәкләр " командалары "Китап - саекмас чишмә"  дигән тема астында КВН күрсәттеләр . Китап турында мәкальләр әйтеп , табышмакларга җаваплар табып , сорауларга җаваплар биреп ,әсәрләрнең геройларын танып, матур- матур шигырьләр сөйләп , җырлар башкарып көч сынаштылар . КВН бик кызыклы ,җанлы ,укучыларның актив эшчәнлеге белән үтте . Ахырда "Дуслык" командасы җиңде . Китапларны яратыгыз , аларны куп укыгыз !

10 февраль көнне мәктәбебезнең югары сыйныф укучылары белән берлектә Парламент дәресе кысаларында  “Татарстанның 2030 елга кадәр  социаль-икътисади  үсеш стратегиясе” программасы өйрәнелде. Программа буенча эшләү укучыларда кызыксыну уятты.

Информация

по проведенным мероприятиям в МБОУ «Аксунская СОШ Буинского муниципального района РТ» в рамках  Парламентского урока-2016

-Конкурс детских рисунков –учащиеся начальных классов,Сабирзянова Язиля,Самитова Алиня,Сабирзянова Азалия,Ахметова Альфиня,шарафутдинова Алсиня.

-Конкурс творческих работ, посвященный теме «Закон и законодатели»-Шакирова Камиля, ученица 7 класса.

-Конкурс эссе на тему «Татарстан-2030: мои предложения в Стратегию развития» - ученица 10 класса , Камалиева Лилия

-10 февраля в школе был проведён единый Парламентский урок с участием депутатов  местного сельского совета, где учащиеся делились своими мнениями о Программе Стратегия-2030.

1 нче сентябрь иртәсендә генә  мәктәп бусагасын тәүге мәртәбә атлап кергән нәниләр беренче җиңүләрен бәйрәм иттеләр . Аларга хәрефләр тану , хәрефләрдән иҗекләп сүзләр төзү , укырга өйрәнү җиңел булмады. Тик балалар югалып калмадылар ,тырыштылар.

Аксу авылы мәдәният йортында Казан шәһәре югары уку йортларында белем алучы студентлар белән очрашу булып үтте . Очрашуга килгән студентлар уку йортлары турында , уку йортына кабул итү шартлары турында сөйләделәр . Соңыннан концерт һәм дискотека булды. 

23 январьдан 23 нче февраль чикләрендә мәктәптә хәрби патриотик тәрбия айлыгы үтә . Айлык вакытында күп төрле уеннар ,тәрбия сәгатьләре , очрашулар планга кертелде . 

  11 нче сыйныф укучылары 24 нче гыйнвар көнне рус теленнән  РМО укытучылары  тарафыннан махсус әзерләнгән КИМнар буенча тест эшләре башкардылар. Өч укучы да тырышып үз КИМнары биремнәрен үтәделәр. Нәтиҗәләр әйбәт булсын, дип телибез.

  9 нчы сыйныф укучылары белән психологлар профориентация буенча тест  үткәрделәр. Укучылар һөнәрләр өлкәсенә караган төрле сорауларга җаваплар бирделәр. Барлык укучылар да актив эшләде.

19 нчы январьда мәктәбебезгә психологлар килде. Алар 1, 5, 9 нчы сыйныф укучылары белән төрле характердагы психологик  күнегүләр эшләделәр.1 нче сыйныф укучылары белән  төсләр аша сорауларга җавап бирү формасында мониторинг үткәрделәр. 5 нче сыйныф укучылары  да сорауларга җаваплар бирделәр.