Кичә Олы Кайбычта мәктәпләр катнашында “Көз нигъмәләре-2014” ярминкәсе булды. Башка мәктәпләр белән беррәтттән безнең мәктәп тә үз нигъмәтләрен тәкъдим итте. Ассортименыбыз мул иде. Ярминкәгә хәзерлек эшләрендә укытучылар, укучылар белән бергәләп әти-әниләребез дә зур булышлык күрсәтте.

Шуңа да сату гөрләп барды дисәк тә һич арттыру булмас. Без тәкъдим иткән товарларны халык бик теләп һәм яратып алды.

Шул уңайдан мәктәптә төрле чаралар үтә. Бүген 1 нче сыйныфта укытучы Вилданова Д.Р. балаларның юл йөрү кагыйдәләрен үзләштерүләрен, юл билгеләрен “укый” белүләрен ачыклау максатыннан  “Могҗизалар урамы”дигән темага ачык сыйныф сәгате үткәрде. Сыйныф сәгатендә барлык башлангыч сыйныф укучылары катнашты. Дәрескә кунаккка Кирлемән белән Шәвәли дә килде.  Балалар  юл билгеләрен Убырлыга да аңлаттылыр, Белмәмеш биремәрен дә үтәделәр: төрле юл билгеләрен төзеделәр, светофор турында шигырьләр сөйләделәр, табышмакларга җаваплар таптылар. Дәрес “Мактанчык үрдәк” җыры белән тәмамланды. Сыйныф сәгате бик җанлы, кызыклы һәм файдалы булды.

Бүгенге көндә кешелекне борчыган җитди мәсьәләләрнең берсе – сәламәт яшәү рәвеше проблемасы. Саулык – кешенең иң зур байлыгы. Аны акчага сатып алып булмый. Югалган сәламәтлекне кайтарып алуы да авыр. Көчле, җитез, түзем, эшкә сәләтле булу өчен даими рәвештә физик эш, физкультура һәм спорт белән шөгыльләнергә кирәк.

Физкультура хәрәкәтен киң массаларга тарату, авыл халкында физик культура белән даими шөгыльләнүгә кызыксыну тудыру һәм республиканың “Татарстан кроссы – 2014” ярышлары кысаларында бүген Кошман авылы җирлегендә  “Милләтләр кроссы–2014” дип аталган спорт бәйрәме үтте.  Бу чарада мәктәп коллективы белән бергәләп авыл җирлеге хезмәткәрләре дә катнашты. Йөгерү 4 этапта үтте.  Җиңүчеләрне бүләкләү дүшәмбе көнне иртәнге линейкада булачак.

Имән Бүксыманнар семьялыгына керүче агач. Ул уртача климатлы өлкәләрдә үсә. Бу агачның 20 ләп төре бар. Россиядә исә бер генә төр - сабакчалы имән үсә.

Быел бу имәндә чикләвек уңышы зур. Шуңа да урманчылар, бу  форсаттан файдаланып, имән орлыгын күп итеп җыеп калырга ашыгалар.

Бу эштән безнең мәктәп укучылары һәм укытучылары да читтә калмады. Ике көн эчендә урман хуҗалыгына шактый күләмдә имән чикләвеге җыеп тапшырдык.

Имән чикләвеге күп булган елны кыш җылы килә һәм алдагы җәйдә туклык була, ди халык сынамышы. Әмин, шулай булсын!

Янгын куркынычсызлыгын кагыйдәләрен  искә төшерү, янгын куркынычсызлыгын профилактикалау максатыннан бүген мәктәптә эвакуация булды. Эвакуация  оешкан төстә узды.

16 нчы сентябрь – Халыкара озон катламын саклау көне. Шул уңайдан мәктәптә Чисталык дәресләре үтте. Бу дәресләрнең максаты – экологик белемнәрне тарату, балаларда табигый ресурсларга һәм әйләнә-тирәгә сакчыл караш тәрбияләү иде. Дәресләрне география укытучысы Насретдинов Илсур һәм биология укытучысы Сабирова Гөлшаһидә үткәрделәр. Алар укучылар белән җанлы әңгәмәләр оештырдылар, презентацияләр күрсәттеләр.

Бүген мәктәп Кайбыч үзәк больницасыннан, балаларга медицина күзәтүе үткәрү өчен, бертөркем медицина хезмәткәрләре килде. Алар балаларның сәламәтлек төркемнәрен билгеләделәр, башка төрле тикшеренүләр үткәрделәр.

Мәктәптә бу көнне   Татарстан Варислары Берлегенең туган көненә багышланган тантаналы сбор булды. Сборда 5 нче сыйныф укучылары варислар сафына кабул ителде. Бу сафларга кабул ителгәнче, укучылар төрле сынауларны уңышлы үтеп, варис законнарын белүләрен күрсәтеп, үзләренең варис булырга лаек дип таныттылар. Галстуклар бәйләп, значоклар таккач, педагог-оештыручы Кадырова А.С. аларга варис таныклыгы тапшырды һәм бүләкләр бирде.

Мәктәптә бу атнада сыйныфларда сәламәтлек темасына дәресләр үтте. Дәресләрдә башлангыч сыйныфларда шәхси гигиена турында сүз алып барылса, өлкән сыйныфларда  начар гадәтләрне булдырмау  турында күбрәк сөйләнелде. Мәктәпкә фельдшерлар Шәрәфиева Рузилә һәм Әхмәтов Ирек килделәр. 2 нче һәм 3 нче сыйныф укучылары яңа ачылган ФАПка экскурсия ясадылар.

Бу әйтем безнең мәктәп бакчасында үскән кишер һәм чөгендер уңышына бигрәк тә кагыла. Бу яшеләчәләрдән уңыш кыш буе ашарга да, ә артыгы сатарга җитә.