Лагерьда "Очкын" һәм "Дуслык" төркемнәре тупланды. Һәр төркем үзенең почмагын ясады. "Очкын" төркеменнән Сәлимгәрәев Ильмир, Алтынбаева Илүзә, Галимҗанова Энҗе, "Дуслык" төркеменнән Нәҗипова Гөлназ, Нәҗипова Илзидә, Карамова Рәзинә, Ибатуллина Филизә бигрәк тә актив булдылар. Молодцы!

Сабада " Күн туп" призына уздырылган  район ярышында безнең мәктәп укучылары кече группада I урын алдылар. Молодцы!

25 май көнне 7 нче сыйныф укучылары үзләре шефлыкка алган Изгеләр чшмәсе территориясенә чәчәкләр утырттылар, чистарттылар, сулар сиптеләр (сыйныф җитәкчеләре - Нуруллина З.Ф.)

Быел да һәр елдагыча мәктәп тирәсендәге чәчәклекләрдә кызу эш гөрли. Һәр сыйныф үзенә бүлеп бирелгән участокны башкалардан яхшырак итәргә тырыша. Бүген, ягъни 25 май көнне 5 нче сыйныф укучылары сыйныф җитәкчеләре Нурия Әлхәмовна белән бергәләп чәчәкләр утырттылар.

24 май көнне 12 чыгарылыш сыйныф укучысы өчен соңгы кыңгырау  чыңлады. Мәктәп залында бу тантаналы вакыйга уңаеннан әдәби-музыкаль кичә уздырылды. Килгән кунаклар чыгарылыш сыйныф укучыларына үзләренең изге теләкләрен җиткерделәр, истәлекле бүләкләрен тапшырдылар. Хәерле юл сезгә!

21 май көнне 5-6 нчы сыйныф укучылары сыйныф җитәкчеләре Нурия Әлхәмовна һәм Гөлфинә Ринатовна белән бергәләп изге Болгар шәһәрлегенә экскурсиягә бардылар. Тарихи Болгар җире, сакланып калган биналар, сарайлар, манаралар, туган ягыбызның гүзәл табигате  укучылар күңелендә матур тәэсирләр калдырды.

18 май көнне мәктәбебездә эшләп килүче "Шатлык" берлеге үзенең йомгаклау сборын үткәрде. Педагог-оештыручы Гүзәл Рәшитовна укучыларга җәй көне бергәләп уйнау өчен яңа уеннар өйрәтте, пионерия туган көн тарихыннан мәгълүматлар белән таныштырды.

16 май көнне безнең мәктәп укытучыларына да ноутбук тапшырылды. Алар эш процессында нәтиҗәле кулланылыр дип ышанып калабыз.

12 май көнне Казан шәһәренең 149 нчы татар-төрек лицеенда Татарстан һәм татар халкы тарихы буенча V республика конкурсының II туры булып узды. Анда I турда уңышлы чыгыш ясаган Тимершык урта мәктәбенең 7 нче сыйныф укучысы Фазылова Зәринә (укытучысы - Фазылова Г.Җ.), Завод-Нырты урта мәктәбенең 8 нче сыйныфы укучысы Сәфәргалиева Минзилә (укытучысы - Гобәйдуллина Ч.Х.), Шәмәрдән лицееның 10 нчы сыйныфы укучысы Гарифуллина Энҗе (укытучысы – Галиуллина Э.И.) катнашты. Алар конкурс таләпләре буенча фәнни эшләрен яклап чыгыш ясадылар, 9-11 нче сыйныфлар БДИ биремнәре тибындагы тест эшләделәр. Фазылова Зәринә “Ил елъязмасында минем гаиләм тарихы” номинациясендә I урынга лаек булды, Сәфәргалиева Минзилә кызыксындыру призы белән бүләкләнде. Барлык укучыларга да грамоталар, исәлекле бүләкләр тапшырылды.  Котлыйбыз!

Март аенда укучыларыбыз мәдәният йортына бию түгәрәгенә йөри башладылар. 9 май көнне бәйрәм концертында без аларның беренче чыгышларын карадык. Кече группа, уртанчы һәм өлкән группа - һәрберсе берәр бию өйрәнгән. Тамашачылар аларның чыгышларын көчле алкышлар белән бүләкләде. Җитәкчеләре Илназ Рәисович Фазылҗановка чын күңелдән рәхмәт белдерәбез. Молодцы, уңышлар сезгә!