Мәктәбебездә "Без бергә" Республика фестиваль - конкурсының мәктәп этабы башланып китте.   Бүген 1-11 нче сыйныф укучылары арасында "Нәфис сүз" номинациясе үткәрелде.Һәр сыйныфтан бер укучы катнашты, рус һәм татар телләрендә шигырьләр һәм чәчмә әсәрләрдән өзекләр башкардылар. Җиңүче укучы район этабында чыгыш ясаячак.

Бүген мәктәбебездә  «Мәгариф» журналының бүлек мөхәррире Таһир Якуп улы Сабирҗанов,  журналның иң актив авторлары – тарих фәннәре кандидаты, Татарстанның атказанган мәдәният хезмәткәре, озак еллар Ш.Мәрҗани исемендәге тарих институтында эшләгән, татар хатын-кызлары хакында бик күп китаплар авторы Тәэминә Әхмәт кызы Биктимерова һәм техник фәннәр кандидаты, Казан дәүләт энергетика университеты доценты, Татарстанның атказанган уйлап табучысы, шагыйрь Ринат Гали улы Нуруллиннар белән  бик кызыклы очрашу үтте.

Укучылар Тәэминә Әхмәт кызының иҗаты, татар мәгарифе тарихы, мәдрәсәләр ачкан күренекле татар  уллары һәм кызлары турындагы мәгълүматларны кызыксынып тыңладылар. Ринат Нуруллинның яшь уйлап табучылар турындагы бәйгеләр  хакында  сөйләве, табышмак – шигырьләре укучылар күңеленә хуш килде. Бүлек мөхәррире  Таһир Якуп улы “Мәгариф” журналы, кушымталары, үзләрендә үткәрелүче бәйгеләр белән таныштырды. Журнал белән укытучылар гына түгел, укучылар да кызыксынды.

Интернет, компьютер бөтен тормышыбызны биләп алган заманда тере шагыйрьләр, фән кандидатлары, журнал мөхәррирләре белән очрашу укучылар һәм укытучылар коллективы өчен  могҗизага тиң булды. Мондый очрашулар ешрак  булсын  иде  дигән теләктә калабыз. 

      На основании Приказа Министерства образования и науки Российской Федерации от 22.01.2014 года № 32 «Об утверждении Порядка приёма граждан на обучение по образовательным программам начального общего, основного общего и среднего общего образования» и Постановления Исполнительного комитета Сабинского муниципального рйаона РТ от 31.12.2016 года № 1605-п «О закреплении  общеобразовательных учреждений за конкретными территориями Сабинского муниципального района», приём заявлений в первые классы для детей, проживающих на территориях, закреплённых за общеобразовательными учреждениями, проводится с 1 февраля по 30 июня 2017 года . 
      Общеобразовательные учреждения, закончившие до 1 июля приём в первый класс всех детей, проживающих на закреплённой территории и имеющие свободные места, смогут начать приём остальных детей. 

Бүген үткәрелгән атналык линейкада тантаналы рәвештә , узган уку елы нәтиҗәләре буенча ГТО значоклары тапшырылды. 9 укучы көмеш, 16 укучы бронза билгеләргә ия булдылар. Котлыйбыз! Киләчәктә күбрәк укучыларыбызның зур нәтиҗәләргә ирешүен теләп калабыз.

Технология укытучысы Имамиев И.И. 6 нчы сыйныфта "Агач кыру станогында игәү сабы кыру" темасына ачык дәрес үткәрде.

Бүген , тәрбия дәресе вакытында, 10 нчы сыйныф укучылары класс җитәкчеләре белән берлектә Югары Симет авыл китапханәсенә экскурсиягә бардылар. Китапханәче Насирова Гүзәл апа китапханә тормышы, даими китап укучылар, яңа газета-журналлар белән таныштырды, яңа китапларга күзәтү ясады. 

25 гыйнвар – Россия студентлары көне. 

Мәктәбебезне төрле елларда тәмамлап, хәзерге вакытта студент булучы укучыларыбызны чын күңелебездән бәйрәм белән котлыйбыз!!! 

Мөстәкыйль тормышның беренче сабаклары, тәүге һөнәри белемнәргә төшенү, һичшиксез, студент еллары белән бәйле. Өмет-ышанычлар һәм романтик мавыгулар чоры гына түгел, җитди эшләр чоры да әле бу.
Вуз зачетлары һәм имтиханнарында гына түгел, тормыш юлыгызда, барлык башлангычларыгызда уңышлар, саулык-сәламәтлек, бәхет һәм иминлек телибез!

Бәйрәм белән!!!

20-21 нче гыйнвар көннәрендә укытучыларыбыз мәгариф хезмәткәрләренең кышкы Спартакиадасында актив катнаштылар, теннис, чаңгы, шорт-трек, тартылу, отжимание, аркан тарту төрләрендә көч сынаштылар. Педагог-оештыручы Миннуллина Н.Н. отжимание ярышында 2 нче урын, физик тәрбия укытучысы Шакиров Р.Ш. шорт-трек ярышында 2 нче призлы урыннар алдылар. Җиңүчеләрне чын күңелебездән котлыйбыз!!! 

Югары Симет мәдәният йортында Г.Кариев театры артистлары башкаруында , укучылар өчен Р.Корбанның "Керпе малае дуслар эзли" спектакле булды.

10 нчы сыйныф укучысы Шайхлиева Алия һәм 11 нче сыйныф укучысы Шакиров Илһам 19-23 нче гыйнвар көннәрендә Казан шәһәренең "Дуслык" үзәгендә геология фәне буенча республика олимпиадасына әзерләнәчәкләр. Укучыларыбызга белем үрләрен яулауда зур уңышлар телибез!