"Учитель-мастер" гранты җиңүчесе - биология укытучысы Халиуллина Р.Р. 5-8 нче сыйныф укучылары белән проект эшчәнлегенең чираттагы дәресен үткәрде. Укучылар 2 төркемгә бүленеп, 1 нче төркем "Гөлләр үстерү", 2 нче төркем "Гөлләрне тукландыру" темаларына мастер-класс күрсәтергә әзерләнделәр. 

1-11 нче сыйныфларда "Көзге һәм кышкы чорларда сулыклар янында балаларның куркынычсызлыгы" темасына тәрбия дәресләре үтте  һәм укучыларга  инструктажлар үткәрелде. 

Югары Симет "Ромашка" балалар бакчасы тәрбиячеләре өчен 1 нче сыйныфта рус теле, математика, әйләнә-тирә дөнья фәннәреннән ачык дәресләр күрсәтелде. Дәресләрне Гарифуллина  Дилә  Гамилевна үткәрде.

Бүген "Нур" драма түгәрәгенә йөрүче укучылар, Ш.Биктимеров исемендәге V ачык балалар театр сәнгате конкурсында катнашу өчен,  Юныс Сафиуллинның "Идегәй" спектакленнән өзекне видеотасмага яздырдылар. Җитәкчеләре - өстәмә белем бирү педагогы Гатауллина З.Р.

Бүген мәктәпкә психологик десант килде. Психолог   Нигматуллина Л.К.    9,11 нче сыйныф укучылары белән "ОГЭ һәм ЕГЭга психологик әзерлек" темасына тренинглар үткәрде, аерым укучылар белән эшләде.Логопед   Габдрашитова Ф.М.  башлангыч сыйныф укучылар белән шөгыльләнде.  

Сәламәт тәндә - сәламәт акыл. Көзге каникул дәвам итә. Бүген 6,7,10 нчы сыйныф укучылары , сыйныф җитәкчеләре белән берлектә, "Нарат" спорткомплексына бозда шуарга бардылар, сәламәтлекләрен ныгыттылар.  

1-11 нче сыйныф укучыларының әти-әниләре өчен индивидуаль җыелышлар үтте. Һәр укучының әти-әнисе укытучылар янында булып, баласының тәртибе, укуы, билгеләре, дәрескә нинди әзерлек белән йөрүе турында танышты.