Бөтенрәсәй олимпиадасының муниципаль турында татар теленнән 3нче урынны алган 7нче сыйныф укучысы Нигматов Аязны чын күңелебездән котлыйбыз.Киләчәктә дә укуында зур уңышлар телибез!

15 декабрь көнне мәктәптә "Безнең тормышыбызда яктылык" дигән темага класс сәгатьләре узды. Монда энергияны һәм ресурсларны саклау поблемалары күтәрелде.

       Мәктәпләрдә “Янәшәдә ветеран “ акциясе дәвам итә. Шул уңайда  бүген мәктәбебезнең  5 сыйныф укучылары  сыйныф  җитәкчеләре Давлетшин Н.И.  һәм педагог  - оештыручы Мансурова Э.В. белән берлектә  тыл ветераны Шакирзянова Корбанбикә апа  янында булып кайттылар.  Ветеран аларны җылы каршы алды. Укучыларның   үз куллары белән ясаган Яңа ел открыткасы  ветеранның күңеленә хуш килде. Корбанбикә апа балаларны кабат кунакка чакырып, рәхмәт хисләре белән озатып калды.

    Бөтенроссия олимпиадаларының муниципаль турлары дәвам итә. 7 нче сыйныф укучысы Нигъмәтов Аяз география фәненнән иң күп балл җыеп, 1 нче призлы урынга лаек булды. Аны әлеге җиңүе белән чын күңелдән котлыйбыз!

4 нче   декабрьдән 10 нчы декабрьгә  кадәр мәктәпләрдә  бөтенроссия күләмендә   код сәгатьләре акциясе  үткәрелә.Бүген  мәктәбебезнең физика һәм информатика укытучысы Миләүшә Мулламухаметовна башлангыч сыйныфларда код сәгате үткәрде.

Инвалидлар ункөнлеге бара. 8нче сыйныф укучысы Мөбәрәкҗанов Айрат район күләмендә шушы уңайдан үткәрелгән  шашка бәйгесендә I нче урынны яулады.  Мәктәбебездә исә  “Дөньяга елмаю бүләк ит” исеме астында рәсемнәр конкурсы оештырылды.

Бу көннәрдә мәктәбебездә “Күңелле стартлар”да катнашучы команда физик тәрбия бирүче укытучы Замир Вагыйзович белән  әзерлек эшләре алып баралар. 5 декабрь көнне алар Лесхоз зонасында катнашучы көндәшләре белән очрашачаклар. Уңышлар телибез сезгә.

3 нче декабрь көнне Саба сәләтле балалар мәктәбендә 5-7 сыйныф физик кимчелекләре булган балалар арасында шашка ярышы үтте. Юлбат мәктәбеннән Мубаракзянов Айрат беренче урынны яулады.