Районыбызның белем бирү оешмаларын соңгы араларда департамент хезмәткәрләре тикшерде. Анда уку планнары, эш программалары, дәреслекләр, дәресләр һ.б. бик күп кенә эшләребез энә күзеннән үтте. Инде барысы да артта, нәтиҗәләр яхшы булыр дигән өметтә калабыз.

Үзәк хастаханә тарафыннан оештырылган "Донор көне"нә безнең укытучылар да битараф калмады. Салихова Алсу Нисбәт кызы әле чарада ел саен катнашып килә. "Башкаларның сәламәтләнә алуына үзеңнән өлеш кертә алу - үзе бер бәхет бит ул", - ди Алсу Нисбәтовна

Сарман гимназиясе укучылары каникул чорында да төрле чараларда катнашырга җитешәләр. Буа шәһәрендә үткәрелгән "Шәҗәрәләр - нәсел агачы" регионара конференциядә 7 нче сыйныф укучылары катнашты һәм өченче урынга лаек булдылар.

Сарман гимназиясе укытучылары Түбән Кама шәһәренең педагогия көллиятендә "Система работы учителя с одаренными детьми", "двент - календарь как средство организации внеклассной работы" темаларына мастер-класслар карадылар.

Кичә Түбән Кама шәһәрендә сәләтле балалар слеты булып үтте. Анда Сарман гимназиясеннән дә укучылар катнашты. Укучылар сертификат, бүләкләр алдылар, бәйрәм тамашасы карадылар.

Кичә Түбән Кама шәһәрендә оештырылган сәләтле балалар слеты кысаларында укучылар өчен КВН ярышлары булып үтте. Әлеге ярышта барлыгы 9 команды катнашты. Шулар арасында Сарман гимназиясе командасы уңышлы чыгыш ясап, 2 нче урынга лаек дип табылды.

Сарман гимназиясе укытучылары Түбән Кама шәһәрендә узган "Выявление и сопровождение одаренных учащихся в условиях реализации ФГОС" региональ семинарында катнаштылар, мастер-класслар карадылар.

Сарман гимназиясе укучылары фән олимпиадаларының мәктәп турында белемнәрен сыный башладылар. Алда аларны район һәм республика турлары көтә. Укучыларга уңышлар теләп калабыз.