Бүген Сарман гимназиясендә Михаил Девятаевның тууына 100 ел тулу уңае белән зур чара үткәрелде. Чараны башлап йөрүдә музей директоры Дания Кашипованың роле бик зур. Укучылар белән әңгәмәгә Михаил Девятаев белән очрашырга насыйп булган райондашыбыз Әхмәдуллина Суфия Мөҗәһит кызы да килгән иде. Ул үзенең хатирәләре белән уртаклашты, фотосурәтләр күрсәтте.

Сарман гимназиясендә өлкәннәр көнен билгеләп үтү матур традициягә кереп китте. Быел да без аларны үзебезгә чакырдык, укучыларның чыгышын күрсәттек, чәй табыны әзерләдек.

Укытучылар көне уңае белән эшләрендә зур уңышларга ирешкән коллегаларыбызга мактау кәгазьләре тапшырылып китте. Сарман гимназиясеннән дә Гильфанова Г.М. белән Хакова А.М. шундый дәрәҗәгә ия булдылар. Аларга алга таба да уңышлар теләп калабыз.

Сарман гимназиясендә янгын куркынычсызлыгы һәм тормыш иминлеге нигезләрен өйрәнү максатында ачык дәрес булып үтте. Анда чакырылган кунаклар, фән укытучылары катнашты.

7 нче октябрь көнне Сарман гимназиясендә сәламәтлек көне булып үтте. Анда укучылар ГТО нормаларын тапшырдылар, төрле спорт уеннарында катнаштылар.

5 нче октябрь - Укытучылар көне. Ветеран-укытучылар да котлаусыз калмадылар. Гимназиябез укучылары аларны бәйрәм белән котладылар.

5 нче октябрь - Укытучылар көне. Шул уңай белән Сарман гимназиясе укучылары укытучыларны котлап өйләренә бардылар, чәчәк бәйләмнәре бүләк иттеләр.

"Укытучыңны котла!" акциясе кысаларында Сарман гимназиясе укытучылары ветеран укытучы  Рәзинә Котдусовнаның өендә булдылар, аны бәйрәм белән котладылар.

"Укытучыңны котла!" акциясе кысаларында Сарман гимназиясе укытучылары ветеран укытучы  Изалия Фаизовнаны кунакка чакырдылар, аны бәйрәм белән котладылар.