Атналыкның 6 нчы көне экология елына багышланган иде. Бу уңай белән Сарман гимназиясе укучылары инде шактый эш башкарырга өлгерделәр. Район үзәгендә барган төзекләндерү эшендә укучылар да активлык күрсәттеләр. Шушы көннәрдә генә алар көче белән Ленин урамында чистарту эшләре башкарылды. Киләчәгебезне матур итеп күрәсе килгән һәр кеше изге эштән читтә калмасын иде.

Сарман гимназиясе укытучылары район мәдәният йортында оештырылган «Күңелләрдә якты эз» дип исемләнгән концерт программасында катнаштылар. Шуны әйтеп үтәбез: Мөхәмметдинова Гөлнара Рәисовна, Таҗетдинова Рузилә Илгизаровна, Хакова Алсу Мәҗитовналар алдагы чыгышларында ук районыбыз тамашачыларының мәхәббәтен яуларга өлгерделәр инде

 

27нче сентябрь көнне 8Б сыйныфы укучылары иртәнге якта психолог белән әңгәмә

уткәрделәр. Эңгәмә толерантность темасына багышланган иде.

27 нче сентябрь көнне Сарман гимназиясенең татар теле һәм әдәбияты укытучылары методик берләшмә утырышында катнаштылар. Алар “ФДББС шартларында бүгенге көн татар теле һәм әдәбиятын укытуның актуаль проблемалары һәм четерекле мәсьәләләре” темасы буенча фикер алыштылар.

27 нче сентябрь көнне Сарман гимназиясенең береенче сыйныф укучыларын җәяүлелеәр сафына кабул итү тантанасы булды. Анда ГИБДД хезмәткәрләре дә чакырулы булып, укучыларга юл йөрү кагыйдәләре турында искәрттеләр, укучыларга бүләкләр өләштеләр.

 Кичә Бөтендөнья татар конгрессы Башкарма комитеты “Ак калфак” хатын-кызлар иҗтимагый оешмасының Сарманда күчмә утырышы булып үтте. Анда илкүләм проблемалар белән бергә, актив эшчәнлек алып баручыларга Рәхмәт хатлары да тапшырып киттеләр. Шунысы куанычлы: безнең Сарман гимназиясеннән дә әлеге зур бүләккә ия булучы бар. Миннуллина Наҗия Исхак кызының хезмәтен искә алып, татар халкының телен, мәдәниятен үстерүдә, гореф-гадәтләрен саклап калуда башкарган зур эше өчен Бөтендөнья татар конгрессы Башкарма комитетының Рәхмәт хаты белән бүләкләде. Изге эш дәвамлы булсын, татар милләтен үстерүдә өлеш кертүчеләр саны тагы да артсын иде.