21 нче февраль – һәр милләт, һәр халык өчен бәйрәм көн, чөнки бүген Халыкара туган тел көне билгеләп үтелә. Гимназиядә туган тел көненә карата күп кенә чаралар узды. Укучылар өчен төрле бәйгеләр, викториналар оештырылды. Көн дәвамында радиодан туган тел турында матур шигырьләр һәм җырлар яңгырады.

Туган телләр көненә карата “Тылсымлы әкият иле” рәсем бәйгесе үтте. Укучылар бик теләп татар һәм рус халык әкиятләренә иллюстрацияләр ясадылар.

Бүген 8 нче Б сыйныфы укучылары "Пушкин картасы" буенча “Чемпион мира” фильмын карап кайттылар. Әлеге фильм дөнья чемпионы А. Карпов турында иде.  

Гражданлык-патриотик тәрбия бирү айлыгы кысаларында, укучыларны спорт һәм физик тәрбия чараларына тарту һәм сәламәт яшәү рәвешен пропагандалау максатыннан, гимназиядә волейбол уеннары буенча ярышлар уза. Бүген спорт залында 7 нче һәм 8 нче сыйныф укучылары очраштылар. Уеннар бик мавыктыргыч үтте. Һәр команда үзенең ярышларга тиешле дәрәҗәдә әзерлеген күрсәтә алды.

Психологик сәламәтлек атналыгы кысаларында 1 нче В сыйныфында “Яхшы сүзләр агачы” акциясе узды. Укучылар гимназия психологы белән бергә ясаган яфракларга матур сүзләр язып, аларны агачка элделәр.

Берничә көннән Ватанны саклаучылар көнен билгеләп үтәчәкбез. Шул уңайдан, бездә күптөрле чаралар уздырыла. Шушы көннәрдә урта сыйныфлар арасында “Строевая подготовка” ярышы узды.  Укучылар төрле командалар үтәлеше, аларның төгәллеге буенча көч сынаштылар.

Гражданлык-патриотик тәрбия бирү айлыгы кысаларында, гимназиядә “Күңелле стартлар” ярышлары уза. “Күңелле стартлар” – балаларны хәрәкәт активлыгына җәлеп итүнең иң кызыклы варианты. Кызыклы эстафеталарда укучылар бик теләп спорт буенча үзләренең осталыкларын күрсәттеләр. Алар скакалкада сикерү, аркан тарту һәм башка спорт уеннарында көч сынаштылар.

Хәзерге балалар компьютер уеннары белән бик күп мавыга. Аларның кирәгеннән артык компьютер артында утырулары өлкәннәрне хафага сала. Укучыларны компьютерга бәйлелектән кисәтү максаты белән, гимназиядә “Компьютерга бәйлелек проблемалары” дип аталган темага сыйныф сәгате үтте. Укучылар интернет челтәренең файдалы һәм тискәре яклары турында фикер алыштылар. Шулай ук укучыларга компьютер, интернет һәм аннан алган мәгълүмәт белән дөрес куллану буенча киңәшләр бирелде.

9 нчы Б сыйныфында “Киләчәккә караш яки нинди һөнәр сайларга?” дип аталган түгәрәк өстәл узды. Түгәрәк өстәл укучыларда тормышка җаваплы караш формалаштыру, яңа төр һөнәрләр белән таныштыру, заманча һөнәр белгечләре ия булырга тиешле сыйфатлар белән таныштыру, һөнәр сайлауның уңай мотивациясен булдыруга юнәлдерелгән иде. Түгәрәк өстәл нәтиҗәле һәм файдалы үтте.

Бүген 2 нче В сыйныфында “Психологка ышаныч сәламләүдән башлана” дип аталган сыйныфтан тыш чара узды. Укучылар алдан әзерләнгән тамгалар ярдәмендә исәнләшү чарасын сайладылар һәм йә биеп, йә кул биреп яки матур сүзләр әйтеп исәнләшеп күрсәттеләр. Чара бик кызыклы үтте, барлык укучылар да чарада актив катнаштылар.