Бүген, иртә таңнан ,  бакчабызга  берсеннән – берсе матуррак бантиклар таккан кызларыбыз ашыкты,чөнки бүген без “Бантиклар” көнен бәйрәм итәргә булдык. Ерактан ук балкып торган төрле төстәге бантиклар күзләрне иркәлиләр,әйтерсен лә кызларның чәчләренә күбәләкләр кунган... Бәйрәм төрле сораулар,ярышлар белән үрелеп барды. Безнең янга  “Шамакайның” кунак булып килүе бәйрәмне   тагын да  күнелле мизгелләр белән баетты.Ул балаларга бантикның килеп чыгышы тарихын сөйләп, балалар белән күнелле уеннар уйнады. Бәйрәм ахырында бантиклар тотып биеп, “Шамакай”ны тагын кунакка чакырып калдык.

Күктә матур итеп кояш елмая! Ул бөтен җирне җылыта. Ә бүген кояш кая булган? (Болытлар артына качкан)  Кояшка эндәш әйтеп чакырып карадык.... Чыкмады...  Шуннан соң без  кояшны җәяүлеләр йөри торган  тротуарга  ясап куйдык. Узучы абый -апалар да безнең кояшлардан сокланып, җылылык алып,  кояшларыгыз өчен рәхмәт диеп узып киттеләр. Балаларның рәсемнәрен күреп кояш та үзен озак көттермәде. Матур итеп елмайды!!!

Төзүче һөнәре – җәмгыятьтә иң кирәкле, иң хөрмәтле һөнәрләрнең берсе. Аның хезмәт нәтиҗәсе белән ил, төбәк, шәһәр-авылларның кабатланмас йөзе, халыкның тормыш дәрәҗәсе билгеләнә. Төзүчеләр кулы белән салынган объектлар халыкның тормышын тагын да уңайлы итә. Бүгенге нәни төзүчеләр комннан шундый матур, ныклы корылмалар төзеде. Комны юеш булса гына эшләп булганын күрделәр, комның укмашуын, таралучан булуын тәҗрибәләр уздырып карадылар. 

Бакча – бала өчен әти-әни эштә чакта калып тору урыны гына түгел.

Биредә ул яңа кешеләр белән танышырга, яшьтәшләре белән аралашырга өйрәнә, билгеле бер норма һәм кагыйдәләрне үзләштерә, җәмгыятьтә яшәргә яраклаша. 

Балалар бакчасында эш әти-әниләр белән тыгыз элемтәдә,

Безнең тормыш бүген генә барлыкка килмәгән. Аның үткәне, борынгысы,  тарихы бар. Газета битләрендә язып, ә  телевидение экраннарында еш кына   кеше күрмәгән җирләрнең гүзәллеге турында берсеннән-берсе кызыклы тапшырулар күрсәтеп торалар.  Безнең Актанышта да   андый урыннар байтак. Без аларны күреп, тиешенчә бәяләп кенә бетермибез. Тарих битләренә күз салсак, халкыбыз тарихи чыганакларын, милли йолаларыбызны саклап, буыннан-буынга тапшырып килгәнлеген күрербез.  Әлбәттә,  аларны киләчәк буыннарга тапшыруда музейлар зур роль алып торалар. Музей... Монда нәрсә генә юк!  Күргән һәр экспонат күңелләрдә тирән  эз калдырды.

Бүген безгә Нижнекамск шәһәреннән "Птица счастья" дип аталаган театр труппасы кунакта булды.Алар безгә "Машенка неряшенька" исемле курчак театры белән шатландырдылар. Балалар вируслар турында мәгълумат алдылар.

Экологик аң, экологик мәдәният тәрбияләү өчен озак вакыт кирәк дибез, ләкин бу кеше олы яшькә җиткәч кенә табигатьне аңлый, аның белән тыгыз элемтәдә дигән сүз түгел. Нәни баланың матур чәчәккә, агач яфрагына, күбәләк очуына карап, кошлар сайравын тыңлап тәэсирләнүе, ягъни, соклану-сокланмавы, аның шул яшендә булган экологик аңы ни дәрәҗәдә булуы турында сөйли.

Шуннан чыгып, туган көннәрне кешеләрнекен генә түгел , ә җәнлекләрнекен дә уздырырга кирәк икән диеп уйладык. Безнең бакчада яшәүче ташбаканың түган көнен үткәрдек. Уеннар, җәнлекләр белән өчрашулар,җырлар, биюләр белән үрелеп барган туган көн кичәсе шәмле торт һәм “Ак калач” түгәрәк уены белән тәмамланды  

Бүген безнең  балалар бакчасы янынан узып баручылар бакча  балаларының шат авазларын ишетеп, туктап аларның уеннарын күзәттеләр.  Әйе, бүген бездә бик күңелле чара үткәрелде- “Балыкчы  шоу” дип аталган күңел ачу чарасында балалар төгәллек, игътибарлыкларын, түземле булу сәләтләрен,  балык тоту буенча осталыкларын күрсәттеләр. “Иң зур балык тотучы”  Лукманов Нуриман, “Иң кечкенә балык тотучы” Шарифзянов Нияз булдылар. 

Күзләре әйбәт күрүчеләр -  иң бәхетле кешеләр. Чөнки дөньяның бар матурлыгын, бар төсләре белән күргән кеше генә аның һәр сулышын тоя, сизә ала. Кызганыч, арабызда күз авырулары белән интегүчеләр дә шактый. Күзләр әйбәт күрсен өчен нәрсәләр ашарга кирәклеге, күзләр өчен нинди гимнастик күнегүләр ясауны, күзләр авыртмас өчен компьютер, телефон, телевизорларның зыяны турында безне оптикада эшләүче шәфкать туташлары  сөйләп, гимнастикалар ясап күрсәтеп файдалы мәгълумат бирделәр.

 Үсемлекләрдән башка бу дөньяны күз алдына да китереп булмый.Алар бөтен тереклек ияләренә суларга гына түгел, дәваланырга да булышалар. Кешеләр борынгы заманнарда ук хайваннарның кайбер үсемлекләргә игътибар иткәннәрен күргәннәр . Шуннан бу үсемлекләрне өйрәнә башлаганнар,аларның файдалы якларын ачканнар, китап итеп теркәгәннәр. Андый кешеләрне “үлән җыючылар” дип йөрткәннәр. Менә бездә бүген тузганак, тигәнәк, тукранбаш, көтүче сумкасы, бака яфрагы, юкә чәчәге, укроп кебек үләннәрне күзәттек.