Ел да була торган дулкынландыргыч та, шатлыклы да, моңсу да бәйрәм көне килеп җитте.  Буген без бакчабыздагы иң акыллы, иң тәртипле балаларны мәктәпкә белем алырга озатабыз.

Бу  балалар әле кайчан гына кечкенә, сабый иделәр. Ә бүген инде алар мәктәп яшенә кадәр үсеп җиттеләр.  Безнен алар белән  шатлыкларыбыз да, борчуларыбыз да уртак булды. Бергә көлдек тә, еладык та, бергә   уйнадык та, шаярдык та.

Күңелле дә, ямансу да,

Сере нәрсәдә моның?

“Ромашка” бала очыра,

Истәлекле көн бүген.

Һәр ел саен май аенда балаларның ел буена алган  белем күнекмәләрен күрсәтү, тәрбияче эш тәҗрибәсе белән уртаклашу максатыннан 20-24 нче майларда бакчада коллектив күзәтүләр - йомгаклау шөгыльләре үткәрелде.  Белем бирү стандарты  юнәлешләре: 

-         Социаль – аралашу үсеше

-         Танып – белү үсеше

-         Сөйләм үсеше

-         Эстетик – сәнгать үсеше

-         Физик үсеш

буенча белемнәрен барладылар. 

23 май көнне, икенче кечкенәләр төркеменең ел буе эшләнгән эшкә нәтижә ясап, йомгаклау белем бирү эшчәнлеге  оештырылды. Бу чарага ата-аналар чакырылган иде. Ачык ишекләр көне әти-әниләребезгә  бик ошады. Киләчәктә яңа үрләр, эшләрендә зур уңышлар теләп калдылар.

15 май көнне, мәктәпкә әзерлек төркеменең ел буе эшләнгән эшкә нәтижә ясап, йомгаклау белем бирү эшчәнлекләре оештырылды. Бу чарага ата-аналар, район мәктәпләреннән укытучылар, район мәгариф хезмәткәрләре чакырулы иде.Шөгыль югары категорияле тәрбияче Мингазова Г.А. тарафыннан интегральләшкән (математика, танып белү, сөйләм үсеше, грамотага өйрәтү) эшчәнлеге белән башланып китте, шөгыльнең икенче өлешен 1 категорияле рус теле тәрбияче Ибрагимова А.Р. "портфель теремок" инсценировкасы белән дәвам итте,күңелле чарабыз инглиз теле укытучысы Гөлүсә Тагировнаның  инглиз телендә"Теремок" әкияте белән төгәлләнде. Педагог- психолог Ибрагимова А.Р. балаларның мәктәпкә әзерлекләрен тикшереп, әти-әниләр белән берлектә тест уздырды.  Ачык ишекләр көне әти-әниләребезгә, килгән кунакларга бик ошады. Киләчәктә яңа үрләр, эшләрендә зур уңышлар теләп калдылар.

11 нче май көнне Ромашка балалар бакчасында логопунктка йөрүче балалар белән ата-аналар өчен ачык шөгыль үтте.  Шөгыль артикуляция өчен гомуми күнегү эшләү белән башланып китте. Шулай ук кинезеологик күнегүләр, фонематик ишетүгә: "Авазны тот!", "Кайсы артык", "Мине төзәт" уены  уйналды. Шөгыль барышында физминутка ясадык. Йомгаклау итеп картина буенча сөйләм телләрен үстерү өстендә эшләдек. Бу шөгыльдә ел буена өйрәнелгән белемнәрне ныгыттык. Балалар бик актив булдылар. Ата-аналар бик кәнагәть калдылар.

Сугыш – нинди ачы сүз. Тыныч тормышта 73 ел яшибез, Аллага шөкер дип әйтәбез, башка беркайчан да кабатланмасын, бары тик киноларда, китапларда гына калсын ул. Әмма сугышка киткән, кире кайтмаган ир-егетләребезне, туганнарыбызны, авылдашларыбызны онытырга беребезнең дә хакы юк.

Шул уңайдан без узебезнең балаларыбызның дәү бабаларының, дәү әбиләренең фотоларын алып килдереп аларның батырлыклары турында сөйләштек.Һәрбер –бер әби -бабайның үз язмышы. Алар безнең киләчәгебез өчен көрәшкәннәр.Без аларны хөрмәт итергә һәм аларның батырлыкларын буынга буынга тапшырырга тиешбез.

        Без – балалар, киләчәкне төзүчеләр.Киләчәк безнең кулда.Ә киләчәк бүгеннән башлана.Сугышлар китереп чыгармабыз, барлык бәхәсләрне тыныч юл белән чишәрбез.Дөньядагы илләр арасында дуслык урнаштырырбыз.

Җиңү паркына экскурсия.

           Әдәбиятыбыз тарихында бай мирас калдырган Г. Тукайның татар балалар әдәбияты өлкәсендәге эшчәнлеге дә гаҗәеп дәрәҗәдә күпкырлы, әһәмиятле. Ул- әлеге тарихта зур хезмәтләр калдырган шәхес: талантлы балалар язучысы, тәрҗемәче, мөгаллим, мәктәп дәреслек - хрестоматия авторы, фольклорчы, тәнкыйтьче, сатира һәм юмор остасы, журналист.

Габдулла Тукай - балалар әдәбиятының гаять дәрәҗәдә ярлы булуын күреп, аңа "хәл дәрәҗәсендә" ярдәм итү, баету, хезмәтләре һәм әдәби әсәрләре аша дөрес тәрбия бирү омтылышы белән әлеге өлкәгә килгән шәхес. Балалар әдәбиятында ул, әлбәттә, иң элек шагыйрь буларак кадерле. Аның балалар өчен язган шигырьләре фикергә, образларга һәм хисләргә бай, кичерешләргә тирән. Шагыйрьнең зур күпчелек иҗаты халык поэзиясе белән сугарылган.

           26 апрель көнне, Тукай туган кон. Шул исәптән Актаныш районы мәдәният йортында шигырь бәйрәме уздырылды. Мәктәпкә әзерлек төркеме балалары зур әзерлек белән шул кичәдә катнашры. Габдулла Тукай үзенең әсәрләрендә балаларны эш сөяргә, зурларны хөрмәт итәргә, татар телебезне яратырга өндәгән. Без дә  татар булуыбыз белән, Тукай кебек бөек шагыйрь иҗатын белүебез белән горурланабыз.

   Һәр апрель аен - Тукай аен олы хөрмәт белән көтеп алабыз. Синең гомерең нәкъ умырзая чәчәге кебек кыска булды. Әмма иҗат иткән әсәрләрең  - мәңгелек! Синең алдыңда баш иябез, бөек Тукай!

"Тукай - безнең күңелләрдә" дигән тема астында балалар белән кичә оештырдык. Кичәнең максаты булып Г.Тукайның биографиясен искә төшерү, шагыйрь иҗатына кызыксыну уяту, аның әсәрләренә мәхәббәт тәрбияләү. Кичәдә Тукайның биографиясе белән таныштык,  шигырьләренә, әкиятләренә мультфильмнар карадык, әсәрләре буенча фикер алыштык. Балаларга кичә бик ошады. Үзләренә Г.Тукай турында күп яңалыклар алдылар. Тукай шигырьләрен өйрәнеп килгән балалар сайлап алу турында катнаштылар.  

Соңгы елларда тормышыбызда, яшәешебездә бара торган үзгәрешләрнең берсе — туган халкыбызның милли мәдәниятенә, рухи дѳньясына игътибар итү. Шуны искә алып, без дә балалар бакчасында халкыбызның матур сәньгате — театр белән балаларны таныштыруны,  шул матурлыкны тудырырга омтылыш уятуны тѳп бурычыбыз итеп куябыз. Театр нәниләрне сихри дѳньяга алып керә, аларның сәләтен ачарга ярдәм итә, иҗади фикерләү сәләтен , сѳйләм телен үстерә, актерлык осталыгына ѳйрәтә, эстетик һэм әхлакый тәрбия бирә. Театраль педагогика ысулларын куллану балаларның хәтерен, игътибарын, күзаллау сәләтен, сѳйләм чисталыгын, үзләренең тавышлары белән идарә итү мѳмкинлекләрен , шулай ук коллективта үз үзләрен тоту, кыюлык эшләү күнекмәләрен үстерергә ярдәм итә.Театрда катнашучы бала үзен иркен тота, аралашу күнекмәләрен үзләштерә, сѳйләм телен үстерә, тел байлыгы, иҗади активлыгы арта.Шул максаттан 5 нче апрель көнне  «Театр яктылыкка, нурга илтә»  балалар театр коллективларының район бэйгесендә  катнашып, тәрбиячебез  Мингазова Гөләндәм Әхмәтсафовна җитәкчелегендә  мәктэпкә әзерлек төркеме балалары   3 нче урынга лаек булдылар! Чын кунелдән котлыйбыз! Киләчәктә дә яңа үрләр яулавыгызны теләп калабыз!