Кечкеләр төркемендә балалар легоны бик яратып уйныйлар.

Балалар белән  бик күп әкиятләр карадык, аларның эчтәлеген искә төшердек, үзебезгә ошаган әкиятләрне сәхнәләштердек.  Әкиятләр балаларны кыю, батыр булырга, зурларның сүзләрен тыңларга, хезмәтне яратырга, кеше әйберен рөхсәтсез алмаска, дус һәм тату яшәргә өйрәтә.              

Елның иң матур фасылы. Тирә-юньдә чәчәкләр хуш исе. Ничек бүлмәләрдә түзеп ятмак кирәк! Без 1 нче кечкенәләр төркеме тәрбиячесе Ибраһимова Альбина Рашитовна белән якындагы паркка сәяхәт кылдык. Агачларның нинди генә юк!  Үсемлекләрнең шифасы турында да сөйләштек. Сәяхәтебез әнә шулай күңелле һәм файдалы узды.

"Ромашка" балалар бакчасына кечкенәләр төркеменә балаларны кабул итә башладык

Закирҗанова Л.Р.:

Әкиятләр тыңлап, сөйләп,

Телләребез ачыла!

"Су анасы", "Шүрәлеләр"-

Безнең дуслар барсы да!

Туган телдә әкиятләр карадык! Әкияләр безне бары тик яхшылыкка һәм матур гадәтләргә генә өйрәтә!

Закирҗанова Л.Р.:

Җылы көннәрне сагынып көтеп алабыз! Берсен дә заяга уздырмаска тырышабыз! Палатка корып, "учакта" чәй кайнаттык! Куркынычсызлык кагыйдәләрен ныгыттык! Балалар бик шатландылар!

Закирҗанова Л.Р.:

Балаларны юл йөрү кагыйдәләре белән даими таныштырып торабыз! Шулай да махсус специалист килеп аңлату эшләре алып барганда балаларга тагын да кызыграк! Балалар өчен нәфис фильмнар карадык, "Сорау-Җавап" уены уйнап белемнәребезне арттырдык!

Закирҗанова Л.Р.:

Табигать кочагында яшәү, аны күреп тору, аның белән сөйләшү- бәхет”.Без шул бәхеткә төренеп яшибез,чөнки без барыбыз да табигать балалары. Яшел урманнарның шавы,чишмәләрнең челтерәгән агышы, күлебезнең сихри зәңгәрлеге күңелләргә сихәт бирә. Табигать безне туендыра,рухландыра, яшәү өчен дәрт бирә, көч-күәт өсти,матурлата,илһамландыра.Ул бит безнең ярдәмгә мохтаҗ. Без табигатьне күз карасы кебек якларга,усаллардан сакларга тиешбез.Табигатьне пычратучылар белән көрәшне бүгеннән ук башларга кирәк! Шуны истә тотып 2 нче кечкенәләр төркеме паркка барды, паркны чүптән арындырды, чистартты.  

Лотфуллина Л.Г.: Гәүдәнең тотрыклы халәтен, дөрес торышын саклый белү күнекмәләре формалаштыру. Куллар һәм аякларны үзара көйле, иркен хәрәкәт иттереп, бер-береңә бәрелмичә йөрергә һәм йөгерергә өйрәтү. Күрү ориентирларына таянып, билгеле бер юнәлеш буенча бергәләп хәрәкәт итәргә, барганда һәм йөгергәндә, педагог күрсәтмәсе буенча, хәрәкәт итүнең юнәлешен һәм рәвешен үзгәртергә өйрәтү. Шуышырга, үрмәләргә, туп белән төрлечә эш итәргә (тотып алу, тотып тору, күчерү, кую, ыргыту, тәгәрәтү) өйрәтү. Алга хәрәкәт ясап, ике аяк белән урында сикерергә, ике аяк белән урыннан этелеп озынлыкка сикерергә өйрәтү.

«Сәнгати-эстетик үсеш сәнгать (сүз-тел сәнгате, музыкаль, сынлы сәнгать) әсәрләрен, табигать дөньясын кыйммәт-мәгънә ягыннан кабул итү һәм аңлау алшартлары үсешен; әйләнә-тирә дөньяга карата эстетик мөнәсәбәт барлыкка килүне; сәнгать төрләре турында элементар күзаллаулар формалашуны; музыканы, матур әдәбиятны, фольклорны аңга кабул итүне; әдәби әсәрләр персонажларының кичерешләрен уртаклашуны стимуллаштыруны; балаларның мөстәкыйль иҗади (сурәтләү, конструкцияләү-модельләү, музыкаль һ.б.) эшчәнлеген гамәлгә ашыруны күздә тота» ФГОС куйган максатларны истә тотып  шундый бәйрәмнәр дә оештырабыз. Балалар, ата-аналар да  бик сөенделәр