С 1 сентября 2020 года в России запущена совместная горячая линия Общероссийской общественной организации «Народный фронт «За Россию» и Минпросвещения России. С момента начала работы горячей линии было получено более 17 000 обращений, из которых сформированы более 6 500 жалоб. Поступившие жалобы рассматриваются в том числе на оперативных штабах Министерства просвещения Российской Федерации по организации горячего питания. Минпросвещения России информирует, что в связи с технической необходимостью изменился номер телефона для приема сигналов по школьному питанию.

Бүген 2 нче сыйныфның ата-аналар комитетыннан Мирзагитова Айсылу ашханәдә укучыларның туклануы белән танышты.

Яңа Әлем мәктәбендә ачылган "Үсеш ноктасы" үзәгенең Талантлар Университеты белән эшчәнлек алып бару буенча килешү төзелгән иде. Декабрь башында мәктәп директоры Илназ Илшат улы белән Талантлар Университетының проеклар иҗат итү лабораториясе координаторы Рөстәм Айрат улы эшчәнлекне арттыру буенча күрешеп сөйләштеләр. Бүген исә 7-9 сыйныф укучылары Талантлар Университетының төп юнәлешләре белән, укуда һәм укудан тыш вакытта кулланып була торган чаралары, төрле бәйгеләр турында видеоочрашуда таныштылар. Үзләренең лидерлык сыйфатларын, сәләтләрен үстерәсе килгән, проект эшчәнлеге белән шөгыльләнәсе һәм фәннәр буенча белемнәрен арттырасы килгән укучылар өчен бу менә дигән мөмкинлек!

Мәктәптә Яңа елга әзерлек бара. Шул уңайдан, укучыларыбыз класс җитәкчеләре, әти-әниләр белән берлектә, бәйрәмгә багышлап, стендгазеталар чыгардылар.

Кайвакыт акча өчен түгел, ә йөрәк кушуы буенча файдалы нәрсә эшләргә телисең. Мондый мотивацияле кешеләрне волонтерлар дип атыйлар. Безнең мәктәптә дә волонтерлар бик күп. Бу атнада мәктәбебез волонтерлары мобилизацияләнгән авылдашыбызның әнисенә ярдәм иттеләр.

16 декабрь көнне Яңа Әлем төп гомуми белем бирү мәктәбенең "Үсеш ноктасы" үзәгендә 5-9 сыйныф укучылары өчен "Тормыш өчен болыт сервислары. Саклау һәм эшкәртү" темасына цифр дәресе уздырылды. Дәресне физика һәм информатика укытучысы Шәрипов Илназ Илшат улы үткәрде. Бу дәрестә укучылар челтәрнең нәрсә икәнен, болыт технологияләре төшенчәсенә нәрсәләр керүен һәм аларның ничек эшләвен, Интернет барлыкка килүне, ничек үсеш алганын, болыт тылсымының нәрсә икәнен һәм җыелган мәгълүматны ничек сакларга икәнен белделәр. Бу технологияләр белән эшләүче кешеләрнең һөнәрләре белән таныштылар. Шулай ук, 2022 елда Актаныш районында беренчеләрдән булып Яңа Әлем авылында ВОЛС каналы буенча югары тизлекле Интернет барлыкка килүе турында да белделәр.

Ата-аналар белән эшчәнлекне көчәйтү максатыннан, 13 нче декабрь көнне 3 нче сыйныфта "Ачык ишекләр" көне үткәрелде. Монда әти-әниләр ачык дәресләр карадылар. Үз балаларының белемнәрен бәяләделәр. Дәресләрдән соң сыйныф җитәкчесе Нургалиева Лениза Зәки кызы ата-аналар белән әңгәмә уздырды. Аларны кызыксындырган сорауларга җавап бирде. Дәрес-җыелыш бик уңышлы үтте.

Әгәр дә син бу дөньяда бөтен кешенең дә бәхетле булуын теләсәң, әйләнә-тирәңә әйләнеп кара да, кимендә бер кешегә булса да, яхшылык эшлә. Бу вакытта Җир шарында бөтен кеше дә бәхетле булачак. "Актаныш технология техникумы"нда мобилизацияләнгән райондашларыбызга һәм аларның гаиләләренә ярдәм җыю ноктасы ачылды. Безнең мәктәптән укучылар, әти-әниләр, укытучылар актив катнашып, үзләреннән өлеш керттеләр. Үз изгелекләрегез үзегезгә меңе белән әйләнеп кайтсын! Дөньяларыбыз тыныч, илләребез имин булсын!

13 нче декабрьдә, Казанда Бәшир Рәмиев исемендәге ИТ-паркта «Яңа мәсьәләләр - цифрлы икътисад өчен кадрлар әзерләү» Бөтенроссия форумы уздырылды. Форум эшендә Татарстан Республикасы Премьер-министры урынбасарлары Ләйлә Фазлыева һәм Роман Шәйхетдинов, Татарстан Республикасы мәгариф һәм фән министры Илсур Һадиуллин, Татарстан Республикасы дәүләт идарәсенең, мәгълүмат технологияләренең һәм элемтәсенең цифрлы үсеш министры Айрат Хәйруллин, Россия Федерациясе Мәгариф министрлыгының Мәгариф инициативалары үзәге директоры урынбасары Роман Ершов, мәктәп, көллиятләр һәм югары уку йортлары, эре эш бирүчеләр, дәүләт корпорацияләре вәкилләре һәм башкалар катнашты.

12 декабрь - Россия Федерациясе Конституциясе көне. Класс сәгатьләрендә шул турыда сөйләштеләр.