Бүген технологик техникумда уздырылган мәгариф учреждениеләре җитәкчеләренең чираттагы киңәшмәсендә "Иң яхшы мәктәп ашханәсе" конкурсының муниципаль этабында җиңүчеләрне бүләкләү булды. Үз эшенең профессионалларын район башкарма комитеты җитәкчесенең социаль мәсьәләләр буенча урынбасары Дилбәр Әнвәрова тәбрикләде. Ул рәхмәт сүзләрен җиткерде һәм аларның авыр һәм җаваплы эшләрендә уңышлар теләде. Мәктәбебез ашханәсе районда 2 урын яулады!

1812 елның 12 нче июнендә  француз армиясе сугыш игълан итеп тормыйча, Россиянең көнбатыш   чикләренә   үтеп  керә.   Рус  гаскәрләре французларга караганда өч тапкыр азрак була. 19 нчы гасыр башында Россия империясе һәм аның халыклары зур куркыныч алдында калалар. Франция императоры Наполеон Бонапарт, яхшы коралланган күпсанлы армия туплап, Европада басып алу сугышлары башлап җибәрә. Күп кенә дәүләтләрне үзенә буйсындырып, ул Россия чикләренә якынлаша.

25 ноябрь көнне, мәктәбебездә уздырылган "Татарча яз!" татар теленнән дөньякүләм белем тикшерү акциясендә укучылар, укытучылар, әти-әниләр катнашты. Акциянең максаты - татар теленә кызыксынуны арттыру, әдәби телдә дөрес сөйләм һәм дөрес язу күнекмәләрен үстерү, орфографик һәм грамматик хаталар ясамыйча язу теләге уяту.

18 ноябрьдә мәктәбебезнең 8-9 сыйныф укучылары өчен бердәм пенсия белеме дәресе үткәрелде. Дәресне Татарстан Республикасының Актаныш районы Пенсия фонды идарәсе җитәкчесе Булат Мөзәллиф улы Басыйров алып барды. Белем бирү кампаниясенең максаты: яшьләрдә пенсия культурасы төшенчәсен формалаштыру, шуның белән аларның социаль грамоталылыгын, социаль җаваплылыгын һәм хокукый культурасын күтәрү. Дәрес барышында укучылар булачак пенсия хокуклары, хезмәт пенсиясенең тупланма өлешен формалаштыру һәм идарә итү мөмкинлекләре, социаль түләүләр һәм пособиеләргә хокуклар турында белделәр, пенсия законнары һәм Россиядә пенсия белән тәэмин итү тарихы турында база белемнәрен алдылар. Тематик дәрес вакытында Булат Мөзәллиф улы барлык укучыларга Россия Пенсия фонды тарафыннан эшләнгән " Всё о будущей пенсии" дигән дәреслекләр таратты.

Яр Чаллы шәһәрендә "Бәхет йолдызы" дип исемләнгән республикакүләм фестиваль-конкурс үтте. Мәктәбебез укучылары Саттаров Илмир һәм Хаҗиева Алия "Хореография" номинациясендә чыгыш ясап, 1 нче дәрәҗә лауреат булдылар. Җитәкчеләре: Шарипова Ленара Фәвәдис кызы. Укучыларыбызга һәм Ленара Фәвәдис кызына киләчәктә дә уңышлар телибез!

2005 елдан башлап БМО Генераль Ассамблеясе тәкъдиме белән ноябрьнең һәр өченче якшәмбесе Бөтендөнья юл һәлакәтләре корбаннарын искә алу көне буларак билгеләп үтелә. Әлеге уңайдан Актаныш районының юл куркынычсызлыгын пропагандалау бүлеге җитәкчесе Ләйсән Мөхәммәтова Яңа Әлем мәктәбе укучылары, балалар бакчасы нәниләре белән әңгәмә үткәреп, юлларда исән-имин йөрергә чакырды.

Яр Чаллы дәүләт педагогика университетында «Авыл территорияләрендә мәгариф: тәҗрибә һәм үсеш юнәлешләре»дигән темага II Бөтенроссия фәнни-гамәли конференция булып узды. Анда Татарстанның 30 районыннан, шулай ук Башкортстан Республикасыннан һәм Ярославль өлкәсеннән педагоглар, Россия югары уку йортларының галимнәре һәм фәнни-педагогик хезмәткәрләре катнашты.Катнашучылар алдында аз комплектлы мәктәпләрнең үсеш перспективаларын бәяләү, авыл укучыларының үзенчәлекләре һәм мондый уку йортлары педагоглары алдында торган проблемалар турында сөйләү бурычы торды, дип сөйләде НГПУ ректоры Әлфинур Галиәкбәрова. Чара интенсив форматта узды: проект төркемнәренә берләшеп, укытучылар проблемаларны һәм аларны чишү юлларын билгеләделәр, проектлар әзерләделәр. 

11 нче ноябрь көнне мәктәптә "ФДББС шартларында тәрбия эшчәнлегендә актуаль мәсьәләләр" дип исемләнгән гомуми ата-аналар җыелышы үтте.
Җыелышта Актаныш районының юл йөрү куркынычсызлыгын пропагандалау бүлеге җитәкчесе Ләйсән Мөхәммәтова, мәктәп директоры И.И.Шәрипов, укыту-тәрбия эшләре буенча директор урынбасары З.В.Әхмәтгалиева, тәрбия эшләре буенча директор урынбасары А.И.Шакирова, китапханәче Г.Р.Хәмидуллина, класс җитәкчесе Ф.Д.Мәрдәнова чыгышлары тыңланды.

6 нчы сыйныф укучылары сыйныф җитәкчеләре Айсылу Илдус кызы җитәкчелегендә район китапханәсендә булып, андагы яңалыкка, матурлыкка сокланып кайттылар. Якты, заманча техника белән җиһазландырылган китапханә шәһәр китапханәләреннән бер дә ким түгел. Анда эшләүче хезмәткәрләр укучыларны якты йөз белән каршы алдылар. Укучылар анда уйнадылар да, викторинада катнашып сорауларга да җаваплар таптылар, яңа китаплар белән дә таныштылар. Бу очрашудан соң укучыларыбызның күңел байлыклары, китап уку теләкләре дә артты. Дәрестән тыш эшчәнлек бик файдалы булды.

Бүген 6 сыйныф укучылары, класс җитәкчесе Айсылу Илдус кызы җитәкчелегендә, район архив бүлегенә сәяхәт кылдылар. Архив тормышы, эшчәнлеге хакында архив җитәкчесе Айгөл Рәдис кызы таныштырды. Архивта 40 меңнән артык документлар махсус сумкаларда саклана. Шулай ук укучылар бик эчтәлекле фильм карадылар. Күп мәгълүмат тупладылар.