10.04 көнне мәктәптә “Ихлас” психологик үзәк хезмәткәре Ләйсән Шәйхетдинова укучылар белән очрашты. 1 – 4, 5 – 6, 7 – 8, 9 класслар белән гаилә темасына кагылышлы сораштыру уздырды һәм рәсем ясатты.

6.04 көнне Актаныш чаңгы трассасында кышкы сезонны ябу ярышлары үтте. Бу ярышларда безнең мәктәптән 8нче класс кызлары Гәрәева Фирүзә,Галиева Азалия, егетләр арасында 6нчы класс укучысы Ахметов Раушан, 9нчы класс укучысы Миргалимов Илфат катнашты.Ахметов Раушан 1нче, Миргалимов Илфат 3нче урынны яуладылар. 5нче класс укучысы Ахметов Ильмир шәхси беренчелектә 5нче урынны яулады. Мәктәп командасы 2нче урынга лаек булды.Әфарин!

Бүген технология техникумында районкүләм чарада “Ел укытучысы-2018”, “Ел тәрбиячесе - 2018”, “Ел сыйныф җитәкчесе – 2018”, “Ел педагог- оештыручысы –2018”, “Ел өстәмә белем бирү педагогы – 2018” ,“Ел педагог- психологы – 2018” Республикакүләм бәйгенең муниципаль этабы җиңүчеләре, лауреатлары бүләкләнде. Бәйрәмгә белем һәм тәрбия бирү учреждениеләре җитәкчеләре, аларның урынбасарлары катнашты.Безнең мәктәп укытучысы Ахметов Рәмзил Хуҗагали улы “Ел сыйныф җитәкчесе – 2018”конкурсында- 3нче урын,“Ел ОБЖ укытучысы-2018” конкурсында районда 1нче урынны, зонада  3нче урынны яулаган өчен Мактау грамоталары белән бүләкләнде. Әфарин!

8нче класс укучылары Әбүдәрова Зилә һәм Гәрәева Фирүзә Бөтенрәсәй яшь язучыларының "Илһам" бәйгесенең муниципаль этабында җиңүчеләр булып 2.04 көнне Яр Чаллы шәһәрендә үтә торган зона этабына бардылар һәм 300 катнашучы арасында үзләре язган проза әсәрен яклап уңышлы чыгыш ясадылар. Нәтиҗәләре соңрак билгеле булачак. Җитәкчеләре -татар теле һәм әдәбияты укытучысы Хәбирова Мәйсәрә Фаис кызы.

29 - 31 нче март аралыгында 8 нче класс укучылары Гараева Фирүзә, Галиева Азалия, Абударова Зиләләр “Самостоятельные дети” проекты буенча Казан шәһәренең “Костер” лагерында булып кайттылар. Төрле эшлекле уеннарда, проект төзүдә катнаштылар.

“Бүләк” чаңгы трассасында 1 апрель көнне якташыбыз, Татарстан Республикасы Дәүләт Советы депутаты Ирек Салихов призына “Көчлеләр бәйгесе” үтте. Анда безнең мәктәпнең 6нчы класс укучысы Ахметов Рушан катнашты һәм уңышлы чыгыш ясап 2нче урынны, 5нче класс укучысы Ахметов Ильмир 3нче урынны яулады .Әфарин!

29-31.03 көннәрне Республиканың "Костер" исемендәге балаларга белем бирү - сәламәтләндерү үзәгендә наркотикка каршы "Самостоятельные дети" проектының профиль сменасы үтте.Анда безнең мәктәпнең 8нче класс укучылары Әбүдәрова Зилә, Гәрәева Фирүзә, Галиева Алмазия булып кайттылар.

30нчы март көнне район мәдәният йортында уку алдынгыларын бүләкләү тантанасы үтте.Фоеда укучылар проект эшләрен тәкъдим иттеләр. Кичә концерт номерлары белән аралашып барды. Бәйрәмгә район башлыгы,мәгариф министрлыгыннан вәкилләр килгән иде. Алар укучыларны, укытучыларны бәйрәм белән котлады.Республика фән олимпиадаларында призлы урыннар алган укучылар һәм аларның укытучылары Рәхмәт хаты һәм премия белән бүләкләнде. Безнең мәктәп район олимпиадаларында 2нче урын (2+5)яулаган өчен шулай ук бүләкләнде. Әфарин!

28,29 март көннәрне район башлыгы призына көрәш ярышлары үтте. Безнең мәктәпне узган ел тәмамлаган Хуҗин Фарис Фәрит улы техникум командасында 75кг нан югары авырлык категориясендә 1нче урынны яулады. Молодец!