10 нчы сыйныф укучысы Галиәхмәтова Дилә "Замечательный вожатый" бәйгесенең муниципаль этабында катнашып, "Признание коллег" дигән грамота белән бүләкләнде. Әлеге бәйгедә укучылар үз осталыкларын, вожатый күнекмәләрен һәм лидерлык сыйфатларын күрсәттеләр. 

Чыгарылыш сыйныф укучыларының ата-аналары барлык таләпләргә туры китереп, бердәм дәүләт имтиханы тапшырып карадылар. 

5 - 6 нчы сыйныфлар өчен бүген тарих битләре ачылды: алар чын пионерлар белән таныштылар. Мәктәбебез укытучылары - пионер оешмасы әгъзалары укучыларга хәтирәләрен сөйләделәр, пионер оешмасының эшчәнлеге белән таныштырдылар һәм җырларын җырлап шаккаттырдылар. 

Республика олимпиада үзәге базасында экология министрлыгы тарафыннан оештырылган А. М. Терентьев исемендәге XXIII Идел буе фәнни экология конференциясендә 10 нчы сыйныф укучысы Галиәхмәтова Дилә уңышлы чыгыш ясап, 3 урынга лаек булды. Әлеге җиңүгә аны биология укытучысы Гыйззатова Айсылу Рафиз кызы әзерләде. 

Хоккей өчен җан атмаган малай бармы икән? Бигрәк тә безнең мәктәптә! Укучыларыбыз дәресләрдән соң шугалакка ашыгалар һәм моның нәтиҗәсе дә бар. Егетләр арасында булып узган XI спартакиадада да безнең егетләр командасы беренче! Афәрин, егетләр!

9 нчы сыйныф укучылары өчен дә катлаулы ел. Алар 4 фәннән ТДИ тапшыралар. Шуның икесе математика һәм рус теле, ә калган икесе сайлап алу фәннәре. Чыгарылыш сыйныф укучыларының имтиханга әзерлекләрен тикшерү максатыннан сайлау фәннәреннән имтихан алдык. 

Татар теле һәм әдәбияты укытучысы Сөнгатова Гөлнара Зөлкаровна 8 нче сыйныф укучылары белән ачык дәрес күрсәтте. Алар Кәрим Тинчуринның "Сүнгән йолдызлар" драма әсәренә анализ ясадылар.

Икенче яртыеллыкның беренче директор яны киңәшмәсе балалар бакчасын һәм 6 нчы сыйныфларда уку һәм тәрбия тырышын өйрәнүгә багышланган иде. Балалар бакчасы тәрбиячесе Гатауллина Рафия укытучыларны бакча эшчәнлеге, андагы режим үтәлеше һәм укыту методикасы белән таныштырды. Киңәшмә барышында бакча һәм мәктәп арасында булган элемтәне ныгыту өчен яңа бурычлар куелды. Шулай ук утырышта тәрбия эшләре буенча директор урынбасары Гыйззатова Айсылу Рафизовна "Сәбәпсез һәм сәбәпле дәрес калдыру" темасына чыгыш ясады, дәрес калдырмауны булдырмауны сыйныф җитәкчеләренә максат итеп куйды.

Мәктәбебездә яшь укытучылар семинары узды. Әлеге семинарда биология укытучысы Гыйззатова Айсылу Рафизовна 10 нчы сыйныфлар белән, ә тарих укытучысы Хәкимҗанов Фәнис Хәбирович 5 нче сыйныф укучылары белән ачык дәрес күрсәттеләр. Шулай ук килгән укытучылар түгәрәк өстәл артында яшь укытучыларны борчыган сорауларга җавап эзләделәр. 

Укучыларыбыз укуда да,иҗатта да сынатмый. Шулар арасында җырчылар, рәссамнәр,кул эшләре белән шөгелләнүчеләр шактый. 8 нче сыйныф укучысы Мөһәммәдиев Айнур мәктәптә хәтта шәхси күргәзмәсен булдырды.