Яңа ел алды... Үзе мәшәкатьле, үзе сөенечле, үзе серле, ямьле һәм тәмле. Шуңа да бик тиз үтеп китә инде бу әкияти бәйрәм. Чыршы бәйрәме чын әкият дөньясына дәште зурлар һәм мәктәпкә хәзерлек төркеме балаларын. Алар янына кунак булып урман һәм җылы як җәнлекләре, цирк артистлары да, әкият каһарманнары да килгән иде. Бәйрәмдә җыр, бию көйләре яңгырап торды. Балалар рәхәтләнеп күңел ачтылар, Кыш бабай һәм Карчәчәчк алып килгән уеннарда көч сынаштылар. Бәйрәмнән балалар күчтәнәчләр белән таралышты, ә бакча коллективына әти-әниләрдән бик күп рәхмәт сүзләре ирештерелде. 

Яңа бәхет, зур уңышлар

Алып килсен Яңа ел.

Шатлык белән үтсен һәр көне,

Котлы булсын Яңа ел!

Яңа ел бәйрәмен каршыларга бакчабызга поездга утырып Кыш бабай белән Карчәчәк  һәм аларның дуслары килде. алар барыбызны да әтәч кебек кыю, эшчән, тапкыр булырга чакыралар. Бакчага килгән һәр кеше үзен әкият илендә күк хис итә. Аларны капка төбеннән үк әкият каһарманнары, ә бакчаның керү верандасында һәр төркемнең әкияткә нигезләнеп кул эшләре күргәзмәсе каршы ала. Бу сихри матурлыкны, Яңа ел рухын хәзерләүдә әти-әниләрнең, әбиләрнең зур өлеше керде. Киләсе елларда да шулай бердәм булыйк. 

Кечкенәләр төркеме балалары "Кыш килде" проекты кысаларында кар бөртекләре ясадылар.

Бакчабызда "Туган ягыбызга кыш килде" проектын башлап җибәрдек. Зурлар төркемендә тәрбияләнүче балалар тәрбиячеләре Раилә Мөхәммәтфатих кызы белән кышкы табигатьнең матурлыгын күзәтәләр. "Нәфес-нәфасати" белем бирү өлкәсенең кисеп ябыштыру эшчәнлегендә бияләй бизәделәр.

Бүген бакчабызда зур бәйрәм чарасы үткәрелде. 30 әти безнең бакчада кунакта булдылар. Мәүлед ае башлану уңаеннан, балалар әтиләргә үзләренең җырга-биюгә осталыкларын күрсәттеләр. Җәлил хәзрәт һәр балага үзенең изге теләкләрен теләп, күчтәнәчләр өләште.

Безнең якларда кышлаучы кошларны танырга, кошлар өчен азык сайларга өйрәтү,  кошларга ярдәм итү максатыннан, ел саен  салкыннар башлангач, бакчада җимлекләр эләбез.

Җимлекләргә җимне һәр көн бер вакытта салырга тырышабыз һәм сыйланырга килгән кошкайларны читтән генә күзәтеп торабыз. 

Тимәгез кошларга, сайрасын,

Бетерсен зарарлы кортларны.

Кыш көне җимлекләр ясагыз,

Саклагыз канатлы дусларны!

Балтач муниципаль районы "Наз" социаль яклау бүлеге үткәргән "Минем әнием" фото конкурсында катнашып Габдрахманов Ансар, Гилмуллин Ильяс сертификатка ия булдылар. 

Кадерле әзниләребезне котларга, аларны ничек итеп яратканыбызны, хөрмәт иткәнебезне белдереп, кунакка дәштек; шигырьләребезне, җырларыбызны, үзебез ясаган чәчәкләрне бүләк иттек. Әниләребез бәйрәм кичәсендә көч сынаштылар. Үзләренең бар яктан булган икәнлекләрен исбатладылар.

Җир йөзендәге барлык әниләрне бәйрәм белән котлыйбыз. Аларның борчу-мәшәкатьсез яшәүләрен телибез.

Бүген нәниләр төркемендә әниләр көне уңаеннан бәйрәм иртәсе үткәрелде. Бәйрәмгә килгән әниләргә нәниләр үзләренең осталыкларын күрсәттеләр, бәйрәм белән  котладылар. 

Әни ул - җылы кояш,

Әни ул - матур чәчәк,

Әни белән яшәү

Шундый матур балачак.

Яратыйк, кадерлик, хөрмәтлик яраткан әниләребезне. 

Мәктәпкә хәзерлек һәм зурлар төкемендә тәрбияләнүче балалар Әниләр көне уңаеннан үз кадерлеләрен нәни куллары белән ясаган бүләкләре белән сөендерделәр.