Казан шәһәрендә уздырылган“Созвездие-Йолдызлык-2017” конкурсының йомгаклау этабында мәктәбебезнең 4 нче сыйныф укучысы Мухарлямова Динә бию коллективы белән матур чыгыш ясап диплом һәм медаль белән бүләкләнде. Динәне чын күңелдән котлыйбыз! 

“Илһам” Бөтенроссия яшь язучылар бәйгесендә безнең мәктәптән 11 нче сыйныф укучысы Нуретдинов Нияз, 4 нче сыйныф укучысы Корбангалиева Энҗе катнашып Татарстан Республикасы язучылар берлеге исеменнән диплом белән бүләкләнделәр. Әлеге укучыларыны әзерләгән укытучылар Нуретдинова Зөлфирә Зөфәровна һәм Гилмуллина Рамиля Шамилевнага зур рәхмәтебезне белдерәбез.

10 нчы сыйныф укучысы Латыпова Алсу Казан шәһәрендә уздырылган V Бөтендөнья олимпиадасында катнашып кайтты. Алсу үзенең белемнәрен татар теле буенча сынады һәм сынатмады. Ул призер булды һәм диплом белән бүләкләнде. Алсуны әзерләгән укытучылар Бариева Гүзәл Галимулловна һәм Нуретдинова Зөлфирә Зөфәровнага зур рәхмәтебезне җиткерәбез. Алсуга алдагы олимпиадаларда да уңышлар теләп калабыз. Афәрин Алсу!

23 нче апрель көнне Балтач спорткомплексында каратэ буенча ярышлар уздырылды. 2 нче сыйныф укучысы Базагутинов Әмир әлеге ярышта 1,2 урын алып диплом һәм медаль белән бүләкләнде. Әмирне бу зур җиңүе белән котлыйбыз, уңышлар теләп калабыз.

Мәктәбебездә тәҗрибә уртаклашу максатында ачык дәресләр дәвам итә. Бу атнада инглиз теле укытучысы Г.С.Мөхетдинова кышкы спорт төрләре темасына , презентацияләр кулланып 5- классларда матур дәрес күрсәтте. Хезмәттәшебезгә алдагы эшләрендә дә уңышлар, ә укучыларыбызга киләчәктә дә шундый актив булуларын теләп калабыз.

Туган тел айлыгы кысаларында башлангыч сыйныф укучылары арасында шигырь сөйләү конкурсы булып узды.Балалар Г. Тукай шигырьләрен яттан сөйләде. Конкурста барлык укучылар да актив катнашты.

Иртәнге линейкада дежур торган 7 нче сыйныф укучылары атналык эшкә нәтиҗә ясады. Нәтиҗәләргә килгәндә, “Иң яхшы укучы класс” – 11, 2 нче сыйныф танылды.”Иң чиста класс”-10 нчы сыйныф, “Шәфкатьле класс”-7 нче сыйныф,“Иң тәртипле укучылар ” - 11нче сыйныф билгеләнде.

25 нче апрель көнне Г.Тукайның иҗатына карата кул эшләре күргәзмәсе куелды. 7 нче сыйныф укучылары бик тырышканнар. Аларның хезмәтендә Шүрәле белән Былтырны да, Су анасын да,Кәҗә белән Сарыкны һ.б.геройларны да күрергә мөмкин.1 урын Файзрахманова Нәргизә, 2 урын Габидуллина Зәлидә, 3 урын Шарипова Фәйрүзә булды

Мәктәп буенча уздырылган “Иң матур сыерчык оясы”конкурсына йомгак ясалды һәм җиңүчеләр билгеләнде.

Мәктәп буенча уздырылган “Иң күп бөре җыючы”бәйгесенә йомгак ясалды һәм җиңүчеләр билгеләнде.