18 нче март көнне ИП “Гилмуллин” призына хоккей ярышлары үткәрелде. Мәктәбебез егетләре бу ярышта ветераннар белән көч сынаштылар. Егетләребез 4 урында калдылар.

16 нчы март көнне 5-11 класслар өчен гомуми җыелыш үткәрелде. Җыелышта укучылар 3 нче чиректә эшләгән эшләренә нәтиҗә ясадылар, укучылар өчен кагыйдәләр, каникул планы белән таныштылар. Җыелышта балигъ булмаган балалар белән эшләүче муниципаль инспекторлары Накипова Раушания Ленар кызы һәм Назипова Ләйлә Фәргат кызы катнаштылар. Алар үз чиратындаукучыларга хокук бозган очракта нинди җәзалар каралганы турында аңлатып киттеләр, үз киңәшләрен бирделәр.

21 март көнне 5,6,7,8,10 нчы сыйныфларда ата-аналар җыелышы үткәрелде. Һәр сыйныфта класс җитәкчеләре “Путь к успеху” программасы буенча чыгышлар ясадылар, 3 чирек нәтиҗәләре белән таныштырыдылар.

17 нче март көнне Балтач мәдәният йортында “Без бергә”-республикакүләм конкурсының муниципаль этабы булып узды. Укучыларыбыз матур чыгыш ясап көч сынаштылар.

16 нчы март көнне башлангыч сыйныфларда ГАИ хезмәткәрләре тәрбия чарасы үткәрделәр. Укучыларга юлда сак булу, үз-үзенне тоту кагыйдәләре турында кабат искәртелде.

20 март көнне башлангыч сыйныфларның әти-әниләр җыелышы булып узды. Көн тәртибендә 3 чирек нәтиҗәләре, каникул планы белән таныштыру,куркынычсызлык кагыйдәләре буенча инструктаж үткәрү каралган иде. Һәр сыйныф җитәкчесе “Гаиләдә ата-ана белән бала арасындагы каршылыклар һәм аларны хәл итү юллары “ темасы астында чыгыш ясап фикерләр алыштылар.

16 нчы март көнне 10 нчы сыйныф укучылары физика һәм җәмгыять белеменнән ABBYY мониторинг эшләделәр.

16 нчы март көнне һәр класста “Законнар һәм җазалар”дигән темага тәрбия сәгатьләре булып узды. Укучыларга РФ, РТ законнары, законнарны бозган очракта нинди җинаятьләр каралганы аңлатылды.

15 нче март көнне 1 нче сыйныф укучыларының иң зур бәйрәмнәренең берсе “Әлифба бәйрәме” булып узды. Укучыларыбыз һәряклап үзләренең осталыкларын күрсәттеләр.Бәйрәм төрле уеннар , җыр-биюләр белән үрелеп барды. Беренче сыйныфларга һәм аларга белем бирүче беренче укытучылары Шафигуллина Лилия Әсхадулла кызына матур бәйрәм оештырган өчен зур рәхмәтебезне белдерәбез.

14 нче март көнне мәктәбебездә матур бәйрәм тантана булып узды.Озак еллар технология һәм башлангыч хәрби хезмәте дәресләре укыткан ихтирамга лаеклы шәхес Шакиров Наил Нури улының 70 яшьлек юбилеен, тәрбия эшләре директор урынбасары , татар теле һәм әдәбияты укытучысы булып эшләгән Мифтахова Гөлнур Ильяс кызының 60 яшьлек юбилей кичәләрен билгеләп үттек. Юбилярларга карата матур сузләр, котлаулар яңгырады...