12 нче июньдә лагерыбызда “машиналар һәм чәчәкләр” көне булып узды. Малайлар машиналар турында мәгълүматлар тупласа, кызлар чәчәкләр турында башваткычлар, шигырьләр алып килгәннәр иде. Һәр бала үзенең рәсемен булдырган, шул рәсемнәре турында сөйләделәр. Сәламәтлек минутында дөрес туклану турында сөйләшенде һәм көн ахырында балалар юл

Лагерьда бүген “Джунглилар чакыруы” уены көне иде. Балалар туп белән төрле уеннар уйнадылар. Сәламәтлек минутында шәфкать туташы балаларга күзләрне ничек сакларга кирәклеге турында сөйләде. Аннан соң укучылар дуслык турында җырлар өйрәнделәр, караоке җырладылар.

Шушы көннәрдә “Яндекс.Переводчик” системасында татар теле буенча махсус тәрҗемә сервисы барлыкка килде. Димәк, хәзер халык татар телендәге сүзләрне 47 телгә тәрҗемә итә яисә инде, киресенчә, чит телләрне татар телендә укый ала дигән сүз. 
Яндексның тәрҗемә сервисы 2011 елда ук барлыкка килгән иде. Хәзерге көндә аннан көненә якынча 500 мең интернет кулланучы файдалана. Яндекс вәкилләренең әлеге сервиска татар телен дә өстәве юкка түгел, билгеле. Бактың исә, интернетта татар теленә тәрҗемә ясау мөмкинлеге булу-булмау белән бик күпләр кызыксына икән. Мәсәлән, Татарстаннан әлеге тема белән аена якынча 40-50 мең интернет кулланучы (!) кызыксына ди. Башкортстан, Ульян өлкәсе һәм Кырымнан да мөрәҗәгатьләр шактый икән.
- Шунысы мөһим, әлеге төр сорауларның күбесе каникул чорында кискен кими. Шуңа күрә без әлеге мөрәҗәгатьләрнең күбесен мәктәп укучылары калдыра дип фаразлыйбыз, - диләр Яндекс компаниясе вәкилләре.

Бүген 10 нчы июнь. Көннәр арты көннәр үтсә дә, һәр көн күңелдә тирән эз уелып кала, күпме күңелле чаралар, нихәтле очрашулар, күпме бүләкләр. Бүгенге аяз, жылы матур көнебез нәрсә вәгъдә итә соң? Бүген лагерьда нинди могҗиза буласы сизелеп тора. Ни өчен, нәрсәгә микән балалар, вожатыйлар күп санда бантиклар тагып килгәннәр? Бүгенге көн, ләбаса, «Бантиклар көне» икән бит. Шулай ук отрядлар арасында викторина да булачак. Иртәнге аштан соң балалар мәйданга юнәлделәр. Вожатыйлар «Бантиклы агач » дип аталган рәсем ясау конкурсы оештырдылар. Җиңүчеләр кичке линейкада бүләкләнәчәкләр. Шулай ук иң фантастик проект – бантик ияләре дә линейкада билгеләнеп үттеләр. Көн бик күңелле үтте.

Кичә кич рус теле буенча БДИ нәтиҗәләре билгеле булды. Татарстанда әлеге фән буенча уртача күрсәткеч 3 баллга артып, 69 баллны тәшкил итте (2014 елда – 65,8), дип хәбәр итте “Татар-информ” мәгълүмат агентлыгына ТР Мәгариф һәм фән министрлыгы матбугат хезмәте җитәкчесе Алсу Мөхәммәтова.
Рус теле буенча бердәм дәүләт имтиханын 100 баллга 57 чыгарылыш сыйныф укучысы тапшырган (2014 елда – 69). Азга гына булса да чик бусагасын уза алмаучылар саны да кимегән: 34 укучы “икеле” алган. Бу – 0,19 процент (2014 елда – 0,2).
Искәртеп узыйк: рус теле буенча бердәм дәүләт имтиханын Татарстанның 18 мең 156 укучысы тапшырды. Бүген тагын бер мәҗбүри имтихан – математика буенча база дәрәҗәдәге БДИ нәтиҗәләре билгеле булыр дип көтелә. 14 июнь көнне исә, шул ук фәннең профиль дәрәҗәдәге имтиханы йомгаклары белән танышырга мөмкин булачак.
11 июньдә 5 мең 384 укучы физика буенча һәм 1 мең 620 укучы чит ил теле (язмача өлеш) буенча БДИ тапшыра.

9 нчы июнь көнне лагерыбызда “Көлке көне” булды. Көннең башында балалар кызыклы рәсемнәр ясадылар. Рәсемнәргә нәтиҗәләр ясалгач, балалар өчен күңелле эстафета уздырылды. Ә соңыннан һәрбер бала мәзәк сөйләде һәм күңелле тамаша күрсәтте. “ Көлке көне”ндә балалар күп көлделәр, күп шаярдылар. 3 минут көлү, 15 минут зарядка ясауны алыштыра.

1 нче июньнән «Могҗиза” исемле ял һәм хезмәт лагере эшли башлады. 18 көнгә исәпләнгән лагерьда барлыгы 20 бала ял итәчәк. Алар ял һәм хезмәтне бергә үреп алып баралар.
Укучыларыбыз, тырышып , куелган планнарын төгәл үтәп баралар. Бакчадагы һәр эшне теләп, зур кызыксыну белән башкаралар. Эш барышында, яшелчә һәм җиләк җимеш бакчаларында, укучылар авыл хуҗалыгы нигезләре – үсемлекләрнең үсеше, мул уңыш алу өчен кирәкле шартлар, туфрак һәм аны эшкәртү, орлык һәм аны чәчү, үсемлекләрне тәрбияләп үстерү, чүп үләннәренә каршы көрәш һ.б. белән танышалар, практик күнекмәләр алалар.
Хезмәт – куәтле тәрбия көче. Ул балаларда авыл хуҗалыгы хезмәтенә һәм аңа бәйле һөнәрләргә кызыксыну да уята. Тәрбиячеләр тарафыннан төрле күңелле чаралар, кызыклы әңгәмәләр дә оештырыла.
Яшелчәләрнең чүбен утау, су сибү, сирәкләү, чәчәкләр утырту, мәктәп яны тирәсен чистарту-барысы да укучылар көче белән башкарыла. Үзебезгә кышка витаминлы азык үстерәбез дип, куанып эшлиләр. Юкка гына халыкта “ Үзең эшләп тапкан икмәк кадерлерәк була” димиләр. Иң мөһиме–балалар ял да итәләр, сәламәтлекләрен дә ныгыталар, хезмәт чыныгуы алалар. Яңа уку елын күтәренке күңел белән каршылаячаклар алар.

5 нче июнь көнне лагерьда зур концерт булды. Бу көн - лагерь ачылышы көне иде. Һәр бала бу бәйрәмдә бик теләп катнашты. Күпчелек биеде, җырлады, ә кемнәрдер театр остасы буларак танылды.

Ә бүген лагерыбызда төсләр көне үзды. Балалар төрле төсләргә киенгәннәр иде. Үз киемнәрен, төсләрен балалар шигырьләр, җырлар белән тәкъдим иттеләр. Бик оста укучыларга бүләкләр дә эләкте.

Бүген балаларыбыз авылыбыздагы шәхси эшмәкәр Фазлыев Булат абыйларының "нәни" заводына экскурсиягә бардылар. Соңыннан башваткычлар чиштеләр, рәсем конкурсында катнаштылар.Җиңүчеләргә бүләкләр тапшырылды.