Бүген  "Бөек Җиңүнең 70 еллыгы мәктәбем тарихында" акциясе уздырылды. Барлык укучылар да флэш-мобта катнашып мәктәп территориясендә 70 символы ясадылар.

Балтач районы мәктәпләренең яшь инспекторлары арасында Бөек Җинүнең 70 еллыгына багышланган “Иминлек тәгәрмәче” конкурсы үтте.
Конкурста 20 мәктәптән 80 яшь инспектор катнашты. Ярышларда балалар үзләренең юл йөрү кагыйдәләрен ничек белүләре турында имтихан тотты. «Автошәһәрчек»тә велосипедта фигуралы йөрде, беренче медицина ярдәме күрсәтте.

Ел саен  район күләмендә уздырыла торган җиңел атлетика ярышларын быел Бөек Җиңүнең 70 еллыгына багышлап уздырдылар. Әлеге ярышта мәктәбебез командасы һәр ел саен катнашып килә.  Ярышка әзерләүче: физик тәрбия укытучысы – Валиев Р.Ш.

Бөек илем, бөек халкым быел - Бөек Җиңүнең 70 еллыгын каршылый. 1941 нче ел, 22 июнь . Тетрәндергеч , илем өстенә кара кайгы килгән бу көн, күпме кеше йөрәгенә тирән яра салган. Күпме аналар газиз улларын, яшь хатыннар сөекле ирләрен, гөнаһсыз сабыйлар яраткан әтиләрен югалткан шул сугыш аркасында. Күпме газап, ачы күз яшьләре белән үткән ул елларның ахыры куанычлы булган. 1945 нче ел, 9 май. Бөек Җиңү алып килгән бу көн, сагышлы да, шатлыклы да.
Күпме уллар башын җиргә салды.
Чәчәк кебек сулды кызлары.
Дүрт ел түзде илем бу хәсрәткә
Үлгәннәрне сагынып елады.
- Ә менә быел илебез шул истәлекле датаның тагы да истәлекле датасын билгеләп үтә. Быел Бөек Җиңүгә – 70 ел. Әлеге бәйрәмгә бары тик 5 кенә көн калды. Ур – ра, тиздән көтеп алган бәйрәм җитә!

Әйләнә-тирәне чүп-чардан арындыру буенча игълан ителгән айлык кысаларында, бүген  мәктәп тирәсендә өмә үткәрелде.

Мәктәп күләмендә бердәм  куркынычсызлык дәресе уздырылды. Класс җитәкчеләре укучыларга пожар куркынычсызлыгы кагыйдәләрен җентекләп аңлаттылар, укучыларның сорауларына җаваплар бирделәр. Шулай ук әлеге теманы яктырткан видеоязмалар һәм презентацияләр күрсәтелде.

29 нчы апрель көнне мәктәбебез укучыларның иҗат – отчёт концерты булып үтте. Уку елы буена эшләнгән эшләргә нәтиҗә ясап, барлык эшләнгән эшләребезнең уңышлары белән якыннан таныштырып алып бардылар концертны. Укучыларыбыз , Бөек Җиңүнең 70 еллыгын, зур Җиңү бәйрәмен ничек каршы алуларын да , үзләренең чыгышларында ачык күрсәтә алдылар. Тамашачылар һәрбер гамәлебезне куанып, бик җылы кабул иттеп көчле алкышларга күмделәр. Концерт башланыр алдыннан, мәктәп коллективы тарафыннан оештырылган ярминкә дә бик ошады авылыбыз халкына. Алар зур рәхмәтләрен белдерделәр. “ Ә инде ярминкәдән һәм концерттан кергән акчаларга без Бөек Җиңү бәйрәме уңаеннан сугыш чоры балаларына бәрәм табыны оештырып, алар хөрмәтенә бәйрәм тантанасы оештырачакбыз” – дип белдерде мәктәбебез директоры Гүзәл Галимулловна концерт ахырында. Һәм ул барлык әти – әниләргә, укучыларга изге хисләрен җиткерде, аларга зур рәхмәтләрен әйтте.

28 нче апрель көнне укучыларыбыз “Ветераннарны котла!” акциясенә чыктылар. Алар авылыбызда яшәүче сугыш һәм тыл ветераннарына, сугыш чоры балаларына үзләре ясаган котлау открыткалары бүләк итеп, бәйрәм белән котлап йөрделәр. Укучыларыбызның бу матур гамәле ветераннарыбыз күңеленә сөенеч китерде, бу минутларда алар шатлык һәм куанычлы мизгелләр кичерде. Алар укучыларыбызга изгелекләр теләп, рәхмәтләрен белдереп калдылар.

“Туган тел” айлыгында һәр ел саен  Тукай әсәрләре буенча кул эшләре күргәзмәсе оештырыла. Быелгы айлыкта да бу эш башкарылды. Укучыларның эшләре арасында Тукай әсәрләренең геройлары : Су анасы да, Шүрәле дә, Бала белән күбәләк тә, Кәҗә белән Сарык та һәм башкалар да бар. Күңел җылысын биреп ясаганга күрә, эшләр бик матур килеп чыккан. Аларга зур рәхмәтебезне белдерәбез.