10 апрель көнне Соснада үткән районкүләм “Помоги первокласснику!” конкурсы нәтиҗәләре буенча үткәрелгән йомгаклау тантанасында булып кайттты безнең укучыларыбыз. Әлеге конкурста Латыйпова Алсу сочинение язу буенча икенче урынга, ә 1 сыйныф укучысы Акбирова Нәфисә видеороликлар һәм 5 сыйныф укучысы Галиуллина Зөһрә рәсем ясау буенча өченче урыннарга лаек булдылар. Укучыларыбызга бу уңышлары өчен дипломнар һәм истәлекле бүләкләр тапшырганнар. Без дә аларны котлыйбыз! Әфәрин!

“Ветераннар саны сирәгәя,
Бик күпләре читтә
Мәңгелеккә ятып калганнар.
Онытмасын иде шуны яшь буыннар!”
Шушы девиз астында 9- класста укучы 18 укучы сугышта катнашкан бабайлары турында материал туплап, альбом эшләде.

Кешелек дөньясына кайгы-хәсрәт китергән Бөек Ватан сугышы тәмамлануга 70 ел вакыт үткән. Дөньяда яшәүче барлык кешенең бер теләге бар - туган илдә тынычлык булсын! Шул теләкләр белән башлангыч сыйныфларда "Җиңү дәресе" уздырылды.

Изге Болгар җиребезгә багышлап үткәрелгән рәсем конкурсының район этабында безнең укучыларыбыз матур гына уңышларга ирештеләр. 9 сыйныф укучысы Мостафина Алсу әлеге конкурста беренче , ә 5 нче сыйныф укучысы Гильмуллин Фәнис өченче урынга лаек булдылар. Әлеге укучыларыбызны бу уңышлары белән котлыйбыз!

8 нче апрель көнне башлангыч сыйныф укучылары Малмыж шәһәрендә үткәрелгән беренче әдәби-иҗат кичәсендә катнашып кайттылар. "Татар шагыйрьләре сугыш хакында" кичәсенең "Татар язучылары һәм шагыйрьләре әсәрләренә инсценировка" номинациясендә безнең укучыларыбыз беренче урынны яуладылар. Аларга грамоталар һәм истәлекле бүләкләр бирелде. Менә алар - җиңүчеләр: Вәлиев Асаф, Газизуллин Кәрим, Хөсәенова Зәринә, Базагутинова Диния, Шакиров Әмир, Галимов Әлфис, Корбангалиева Энҗе, Мөхәрләмова Динә. Афәрин!!! 

Зур Җиңүгә багышлана бүген
Илебездә бөтен уңышлар.
Бөек Җиңүне без каршы алыйк
Матур эшләребез белән дуслар.
9- класста үткәрелгән “Җиңү дәресе” шушы өндәмә белән башланып китте. Укучылар “Совет хатын – кызы батырлыгы” темасына, классташлары Адиләнең әбисе Нурҗиһан апа турында ясалган презентация карады һәм Адиләнең чыгышын тыңлады. Алдагы көннәрдә бу материаллардан альбом ясап, конкурска җибәрергә булдык

"Сәламәт тәндә – сәламәт акыл” диелә, шуңа да безнең укучыларыбыз өчен сәламәтлек көне аерым бер көн белән генә чикләнми. Ә алар көн саен сәламәтлек сәгате үткәрәләр. Һәр көн урамга, саф һавага чыгып гимнастик күнегүләр ясап, бер хәрәкәтләнеп, саф һава сулап керәләр. Азмы – күпме башлары ачылып, ял итеп ала аларның. Тормышта сәламәтлек иң зур байлык ул. Көн дә бер вакытта саф һавада булу, күбрәк хәрәкәтләнү беркемгә дә зыян итми.

Бөек Җиңүнең 70 еллыгына багышланган күргәзмәне укучыларыбыз кызыксынып күзәтәләр һәм укытучыларыбыз һәрдаим тулыландырып торалар

“Ветераннар саны сирәгәя, 
Бик күпләре читтә
Мәңгелеккә ятып калганнар.
Онытмасын иде шуны яшь буыннар!” 
Шушы девиз астында 9- класста укучы 18 укучы сугышта катнашкан бабайлары турында материал туплап, альбом эшләде.

2003-2004 нче елгы кызлар арасында үткәрелгән волейбол ярышларында мәктәбебез командасы 2 нче урынга лаек булдылар. Афәрин, кызлар!