Безнең нәниләр төркемендә балаларыбыз бик хәрәкәтчән, тик тормаслар. Шөгыльләре арасында бергәләп уйнап, хәрәкәтләнеп алалар.

Хөрмәтле ир-егетләребез, әтиләребез! Сезне чын күңелебездән Ватанны саклаучылар көне белән котлыйбыз. Сезгә һәм гаиләләрегезгә тыныч күк йөзе, ныклы сәламәтлек, бәхет, муллык , һәр эшегездә уңышлар телап калабыз.

Сез безнең күңелгә мәңгелек ышаныч!

Сез көчле ,сез батыр,сез—безнең куаныч!

Сез—алтын багана, гаиләдә сез --терәк !

Тынычлык-иминлек сагында сез кирәк !

Сезнең тормыш юлыгызда,

Очрамасын киртәләр.

Гел шатлыклар,гел бәхетләр

Алып килсен иртәләр.

Мәктәбебездә "Россия чаңгы юллары - 2016" үтте. Укучылар да, хезмәткәрләр дә әлеге чарада бик актив катнаштылар.

Бүген бездә 1 сыйныф укучылары өчен зур бәйрәм булды. Әле 1 сентябрь иртәсендә генә мәктәп бусагасын тәүге мәртәбә атлап кергән нәни дусларыбыз бүген беренче җиңүләрен бәйрәм иттеләр. Укучыларыбызз инде йөгерек укырга, язарга, матур итеп сөйләшергә, мисал-мәсьәләләр чишәргә, әдәпле булырга, өлкәннәрне һәм кечкенәләрне хөрмәт итәргә, акыллы, тәртипле булырга өйрәнделәр. Чын күңелдән котлыйбыз сезне, укучылар!

Күчкәнме бу залга - дөньяның бар яме.

Күңелләр түрендә әлифба бәйрәме.

Бу матур бәйрәмгә кушыл, дус, әйдәле

Дөньяны гөрләтсен Әлифба бәйрәме.

Чыпчык белән песнәк килде

Кичә куйган җимлеккә.

Әллә кышка сөенәләр,

Әллә инде җим күпкә.

Чыркылдашып сыйландылар,

Канатлар кага-кага.

Көн дә килегез, кошкайлар,

Онытмам җим салырга.