Бүген өлкәннәр бәйрәмен табын артында дәвам иттеләр.Бакча һәм мәктәп балалары аларга концерт номерлары әзерләп күрсәттеләр.Без аларны тагын бер тапкыр бәйрәм белән котладык.

Хөрмәтле укытучыларыбыз! Без сезне Укытучылар көне белән чын йөрәктән котлыйбыз! Сезгә шушы авыр, әмма мактаулы эшегездә тазалык,тынычлык, сабырлык, гаилә бәхете телибез. Һәрвакыт шулай сабыр, олы йөрәкле, чибәр булып калыгыз.

Йөрәк түрләреннән урын алып

Гомер буе сине озата бара.

Уңыш, ялгышларны күзләп тора

Укытучы – бар дөньяга “Ана”.

Без әби-бабаларыбызны Өлкәннәр көне белән чын күңелдән котлыйбыз! Сезгә ныклы сәламәтлек, чиксез шатлык, балаларыгызның, оныкларыгызның игелен күреп яшәвегезне телибез. Бәйрәм белән , сезне, Өлкәннәребез!

Һәр көн сезне котлап кояш чыксын

Сезне назлап җилләр иссеннәр

Яшәү матурлыгы, яме булып

Көн артыннан көннәр үтсеннәр

Күңел күге һәрчак аяз булсын

Читләп узсын сагыш- борчулар

Ныклы сәламәтлек юлдаш булсын

Аннан кадерлерәк нәрсә бар?

Әйдә, гомер үтсен, чәч агарсын

Ә йөрәккә кырау төшмәсен

Килер көннәрегез тазалык һәм

Гел шатлыклар гына өстәсен

Теләкләрнең кайсын теләсәк тә

Аз булыр күк сезнең хөрмәткә

Аяз булсын мәңге күңел күгегез-

Без калабыз шушы теләктә!

Көзге уңышларны җыяр чак, дип бакчага җыйналдык.Кишер һәм чөгендер уңышына сөенерлек тә,сокланырлык та булган. Бик уңган бездә быел яшелчә!

Без барчабыз бергә "Милләтләр кроссы"на чыктык.Укучылар белән укытучылар зур канәгатьлек алып кайттылар.