Бүген без халкыбызның бөек шагыйре Г.Тукайның туган көне уңаеннан кичә үткәрдек.Кичәдә Тукайның шигырьләре яттан сөйләнде, җырлары җырланды. Викторина сорауларына җаваплар таптык.

Халык моңы синең җырың булды,

Халык күңеле –синең күңелең.

Ил гомере, халык гомере кебек,

Озын булыр, шагыйрь гомерең!

Бүген без китапханәдә булдык.Безне китапханәче апабыз, Миләүшә Вагыйз кызы, Тукай әсәрләрен кычкырып укырга чакырды. Миләүшә апа безне Габдулла Тукайның бик күп китаплары белән таныштырды.Тукайның әсәрләрен кычкырып укып кына калмадык, һәрберебез яттан да сөйләп чыктык.

Апрель җитсә исемеңне

Җырына куша тургай

Милләтемнең кояшы син

И моңлы, нурлы Тукай!

Бүген бездә Тукай дәресләре үткәрелде. Укучылар Габдулла Тукайның тормыш юлын өйрәнделәр, аның әсәрләре буенча фикер алыштылар ,. Бөтен күрсәтелгән дәресләрдә күренеп тора: укучылар Тукай иҗатын яратып өйрәнәләр, Тукайны яхшы беләләр.

Иң матур, моңлы җырларын

Халкына бирде Тукай.

Җырлары белән мәңгегә

Йөрәккә керде Тукай.

Тукай дәресләре балалар бакчасында да бик мавыктыргыч үтте. Безнең балалар Тукай турында бакчадан ук ныклы белем туплыйлар. Дәресләрдә алар бик актив, игътибарлы, кызыксынучан булдылар. Алар үзләренең чын Тукай оныклары булуларын күрсәттеләр.

Үткәннәрдән киләчәккә барып җитте Хәтер нуры,

Кабындырды өмет шәмен йөрәкләргә үтеп туры.

Г.Тукай иҗаты белән танышканнан соң, укучылар аның әсәрләре буенча рәсемнәр ясап алып килделәр.

Сыйныф бүлмәләрендә стендлар Габдулла Тукаебызга багышлап яңартылдылды.Кечкенә Апушны бөек шагыйрьгә әйләндергән тормыш юлларын ачык чагылдыра бу стендлар.

Биемичә ничек инде

Түзсен җаныбыз?!

И-и-их, биибез! Безнең әле

Шундый чагыбыз!

"Әле шундый чагыбыз" исеме астында әти-әниләр һәм коллектив көче белән әзерләнгән концерт программасы авыл халкына ошады. Әти-әниләрнең яшьләрчә җилкенеп биюләре, моңлы итеп җырлаулары артистлар чыгышыннан ким булмады.Залда яңгыраган көчле алкышлар авылдашларның олы рәхмәте булып иреште.