Уку елын уңышлы гына тәмамладык. Бераз ял да итсәк була ,дип бүген походка җыенып чыгып киттек. Табигать матурлыгына хозурланып, ел да килә торган, яраткан урыныбызга бик тиз килеп җиткәнбез. Мондагы әкияти матурлыкны күреп сокланмый мөмкин түгел. Безнең өчен иң истә калырлык күренеш кыр үрдәге күрү булды. Безнең өчен иң рәхәт көннәрнең берсе булды бүген.

Җир-анабыз, табигатең гүзәл,

Иксез-чиксез дала-кырларың.

Суларың саф булсын,һаваң чиста,

Шаулап торсын яшел урманың!

Инде менә 4 ел вакыт узган

Бусагаңны синең атлауга.

Хәзер инде без бурычлы сине

Күз карасы кебек сакларга .

26 нче май көнне мәктәбебездә дүртенче сыйныф укучылары өчен “Сау бул, башлангыч мәктәп” бәйрәме үтте. Бәйрәмдә башлангыч сыйныф укучылары, әти – әниләр, укытучылар катнашты. Тантанада 4 нче сыйныф укучыларын укыткан укытучылары, әти – әниләре котлады. Башлангыч мәктәпне уңышлы тәмамлау хөрмәтенә укучылар,киләчәккә матур теләкләр теләп шарлар очырдылар. Кадерле укучыларыбыз, алдагы уку елларында да без сезне мәктәбебезнең горурлыгы булырдай укучылар булырсыз дип ышанып, зур мәктәпкә озатабыз . Ә уңышларга ирешкәндә иң беренче чиратта иптәшләрең арасында дуслык , татулык булырга кирәклеген сез үзегез дә беләсез.Хәерле юллар сезгә, укучылар!

Бездә УМК киң кулланыла, ягъни, без ана телендә мультфильмнар карыйбыз, хикәяләр, әкиятләр укыйбыз һәм балалар белән бергә эчтәлеген сөйләп карыйбыз,сюжетлы-рольле, хәрәкәтле һәм түгәрәк уеннар уйныйбыз. Җырлар өйрәнәбез , шигырьләр ятлыйбыз. Картиналар буенча хикәяләр төзергә өйрәнәбез, эчтәлек буенча рәсемнәр ясыйбыз.

Тәшке аштан соң бакчага янәдән җыйналдык. Бүген без игътибарны бәрәңгегә юнәлттек. Көзгә уңышны мул бирсен дип, бик тырышып бәрәңге утырттык.

Тукай да бит сине җырга керткән,

Бабайлар да мактап сөйләгән;

Бер як та юк сине яратмаган,

Беркем дә юк сине сөймәгән.

Йодрык кадәрле.

Йомры гәүдәле,

Ак тәнле,

Ах, тәмле,

Бигрәк тәмле бәрәңге!

Бүген Бөек Ватан сугышы елларында һәлак булган авылдашларыбызга куелган обелиск янында митинг булды.

Матурлыгы өчен бу көннәрнең

Кемнәр генә корбан булмаган!

Исемнәрен тарих безгә үзе

Саклап килә ерак еллардан!

Туган җир хакына

Авылдашлар башын салдылар,

Безнең гомер өчен алар

Мәңгегә чит илдә калдылар.