Зурлар төркемендә бик матур Чыршы бәйрәме үтте.

Җилкәсенә капчык асып,

Кыш бабай килеп керде.

Төрле кызык сүзләр әйтеп,

Бүләк өләшеп йөрде.

Бүген бәйрәмне нәниләребез гөрләтте.Бәйрәмгә алар Куянны да, Клоунны да, Аюны да чакырганнар иде.Нәни кенә булсалар да Кыш бабайга шигырьләр сөйләделәр, биюләр биеделәр.

Яңа елга бүләк алып

Кыш бабай килде.

Бакчадагы һәр балага

Бүләкләр бирде.

Кар кызы да яңа елга

Кунакка килгән.

Кыш бабай бездә икәнен

Ул каян белгән

Уйнап — биеп яңа елны

Каршы алабыз.

Яңа елда матур теләк

Теләп калабыз.

Бүген башлангыч мәктәп укучылары өчен Чыршы бәйрәме үтте. Бәйрәмгә балаларның әти-әниләре генә түгел, әби-бабайлары, нәни балалар да килгән иде.Укучылар өчен бик сөенечле көн булды бүген. Алар Кыш бабай белән рәхәтләнеп бәйрәм иттеләр. Олы кунагыбызга үзләренең шигырьләрен сөйләделәр, бик матур биюләрен биеделәр, чыршы тирәли әйләнеп җырлар җырладылар.Бәйрәмгә Шүрәле, Убырлы, Ут та кунакка килгән. Яңа ел котлы булсын! Дөньялар тыныч булсын! Табыннарыбыз мул, күңелләребез көр булсын! Авылларыбыз яшәсен! Мәктәпләребез гөрләп торсын!

Котлыйбыз барчагызны

Яңа ел бәйрәме белән.

Каршы алыйк Яңа елны

Бәхет- шатлыклар белән.

Быел Кыш бабабыз бүләкләрен алданрак җибәргән. Күчтәнәчләр хат белән бергә юлланган иде.

Мин Кыш бабай, Суык бабай,

Балаларны яратам.

Яңа ел белән котлап

Бүләкләр дә таратам.

Рәхмәт сиңа, Кыш бабай!Тәмле күчтәнәчләрең, матур бәйрәмнәрең, күңелле уеннарың, җем-җем карларың өчен рәхмәт!

Көчле, күркәм, җирән арыслан ул

Муенына яллар аскан ул.

Алып кайтып фанераны,

Ясап куйдык Кар бабай!

Менә, малай, бабай инде —

Бар бабайларга бабай!

Көнкүреш электр приборларыннан башка яшәвебезне күзаллап та булмый.Ә менә көндәлек кулланылган, күнегелеп бетелгән электр җиһазларының куркынычлыгын без аңлап бетермибез кебек шул.Бүген безнең коллективта директорыбыз Рәҗәп Фәтхетдинович электр куркынычсызлыгы буенча укулар үткәрде.Электорны аңлап куллану һәм кеше организмына электр тогының тәэсире турында аңлатылды,электр тогы белән зарарланучыга беренче ярдәм күрсәтү һәм куркынычсызлык кагыйдәләре белән янәдән таныштырылды, искә төшерелде,инструктажлар үткәрелде.Укытучы һәм тәрбиячеләргә әлеге теманы үз эченә алган әңгәмәләр, өйрәтүләр үткәрү йөкләнде.

Кәҗә - кәҗә - мәкәрҗә,

Керә безнең бакчага.

Ярата кишерен дә,

Ярата суганын да,

Кәбестәсен, барчасын –

Ярата ул барын да.