Бүген районда үткәрелгән «СОЗВЕЗДИЕ - ЙОЛДЫЗЛЫК - 2017» фестивалендә 2 нче сыйныф укучысы Хайруллина Нәргизә катнашты. Ул җырларга бик ярата.Шуңа да да районыбыз сәхнәсендә үзенең яраткан җырын башкарды.Без Нәргизәгә уңышлар телибез.

Кыш бабай белән Кар кызын каршы алырга әзерлек эшләре дәвам итә.Ясаган сыннарыбызны мәктәп-бакчабыз тирәсенә урнаштырдык.Әкият бакчасына әверелгән ишегалдыбыз һәркемне үзенә дәшеп тора.

9 ДЕКАБРЬ- “ Ватан геройлары” көненә багышланган сыйныф сәгатьләре үтте . Бөек Ватан сугышы һәм тыл батырларына ихтирам,хөрмәт тәрбияләнде.Тыныч тормышта да батырлык эшләүчеләр белән таныштырылды. Тормыш дәвам итә,батырлыклар эшләү дә дәвам итә. Һәркем җирдә тынычлык,күгебез аяз,йөзебез якты,күңелебез тыныч булуын тели.

Кыл яхшылык кешеләргә-

Кеше булыйм дисәң.

Авыр булыр, өсләреңә

Гөнаһ туны кисәң.

Кирәк булса коткарырга

Батып баручыны

Кулың суз да коткар сагыш-

Моңга таручыны

Кеше булып яшим дисәң,

Бул син кешелекле.

Бәхетле көн итим дисәң,

Бул син игелекле.

Бу көннәрдә бездә Яңа ел бәйрәменә әзерлек бара. Һәр укытучы, тәрбияче, хезмәткәр, әти-әниләр фанерадан әкият геройлары ясау белән мәшгуль.

Бүген безнең мәктәп-бакчабызда бик матур очрашу кичәсе үтте. Кичәбез әниләр көне уңаеннан, әти-әниләребезнең әниләре, хөрмәтле дәү әниләребезгә багышланган иде. Ак яулыклы дәү әниләребезгә матур җырлар да, күңелле уеннар да, биюләр дә, кыскасы, оныклары үзләренең осталыкларын булдыра алганча күрсәттеләр. Кичәбез чөй табыны артында да бик матур дәвам итте.

Сез барында ямь бар җирдә, сез булганга тәм дә бар.

Сез булганга дәрт бар җирдә, көч куәт тә тәндә бар.

Дәү әни дә, әби дә сез, сөйкемле әни дә сез,

Сез булганга дөнья ямьле, ашларыбыз да тәмле.

2 нче сыйныф укучылары технология дәресләрендә ясаган эшләреннән күргәзмә оештырдылар.

Кадерле, газиз әниләребез! Сезне бәйрәмегез белән чын йөрәктән котлыйбыз. Сезгә ныклы сәламәтлек, озын гомер телибез. Балаларыгызга картайган көннәрегездә дә терәк булып, ә сезгә, гомер буе алар янәшесендә, кадер – хөрмәттә яшәргә язсын.

Балагызның берәве сез,

Гаиләнең йөрәге сез.

Иминлекнең терәге сез.

Һәркемнең иң кирәге сез.