Бүген безнең мәктәбебезнең 4 сыйныф укучылары Норма мәктәбендә татар теленнән диагностик тест эшләделәр.Беренче тапкыр чирканчык алулары алдагыларын эшләү өчен этәргеч булып торсын.Укучыларыбыз югалып калмадылар, күтәренке кәеф белән мәктәпкә әйләнеп кайттылар.

Без төзибез- төзибез,

матур йортлар салабыз.

Шундый матур йортларда

Тыныч гомер итегез."- дип безнең балалар  кечкенәдән төзучеләр булабыз дип, фигуралардан төрле - төрле затлы йортлар төзеп уйныйлар.

Бар дөнья алтынга манылган.Ул агачлар дисеңме, йөрер юллар дисеңме!Көзнең бик матур мәле.Бүгенге шушы көнне безнең бакча балалары ялларын хезмәт белән аралаштырып үткәрделәр.И күңелле, рәхәт булды да соң!Тырыш хезмәт балаларның шатлыктан балкыган йөзләрендә, кызуланган хәрәкәтләрендә бүлмәгә кергәч тә сүрелмәде.Без бит хәзер зурлар, уен мәйданчыгыбызны яфраклардан җыештырдык, дип сөенештеләр балалар.

Бүген мәктәп - бакча яныбыз хезмәт гөрелтесе белән шаулап торды. Өмә оештырып мәктәп каршысында,койма буйларында үсүче картайган агачларны кистек. Намуслы хезмәтебез нәтиҗәсе булып, мәктәбебез тирәсе яктырды, матурланды. Өмәдә катнашкан әти-әниләргә без чиксез рәхмәтле. Алар көче белән башкарылган бүгенге өмәдән күңел канәгатьлеге алып таралыштык. Эшлисе эшләребез бик күп әле. Таянырдай, актив әти-әниләребез булганда, алда торган эшләрне җиңәрбез, дип ышана алабыз.Бары тик сәламәт булыйк.Мең рәхмәт сезгә ,әти-әниләребез!

Шимбә иртәсе ярминкә белән башланып китте. Өстән яңгыр төшкәләп торуына карамастан, халык ярминәгә агылды. Коллективыбыз көче белән үстерелгән кишер, суган, чөгендер һәм башка яшелчәләр тәкъдим иттек.

Ярминкәгә чакырабыз,

Рәхим итеп килегез,

Тәмле сыйлар, шәп товарлар

Сезне көтә, күрегез.

Яшәгез сез яшь булып

Туган йортыгызда ямь булып.

Сез булсагыз таза-сәламәт

Оныкларга булыр бик рәхәт.