Бүген, "Шәфкатьлелек аллеясы" көне уңаеннан, укучылар Кили мәдәният йорты хезмәткәрләре белән берлектә, авылыбыз уртасында челтерәп агучы чишмә буена агачлар утыртуда катнашты.

Исәнме, и мәктәп!

Сагынып беттеңме?

Син безнең килгәнне

Зарыгып көттеңме?

Бүгеннән безнең мәктәп гөрләп торачак,чөнки укучыларыбыз кабат безнең белән!Без ,укучылар һәм укытучылар, бер-беребезне сагынышканбыз.Барыбыз бергә бүгеннән тырышып белем алу эшенә керешәбез.Ә бу эштә сынатмабыз кебек, чөнки безнең укучылар бик тырышлар!Ә без аларга уңышлар һәм сәламәтлек телибез.

Ничә ел инде менә

Майның шушы көнендә,

Безнең матур бакчага

Мәктәптән хәбәр килә.

Безнең бакча балаларын

Укытучы апалары

Беренче сыйныфка дип

Укырга чакыралар!

Бүген менә аларны,

Бергә-бергә, әлбәттә,

Тантаналы рәвештә

Озатабыз мәктәпкә!

Кадерле балалар! Без сезне олы юлга – мәктәпкә озатабыз! Сезгә бәхет, шатлык, сәламәтлек, озын гомер, киләчәктә укуыгызда зур уңышлар телибез! Исән-сау булыгыз!

Укучыларыбыз башлангыч мәктәпне тәмамлады, алар бүгеннән сабый чаклары белән саубуллашып, үсмер чакларына аяк бастылар.

Хуш, башлангыч, сагынып сиңа килгәч,

Безнең күңел янә сафланыр.

Һәр бүлмәңдә, бер истәлек булып,

Эзләребез мәңге сакланыр.

Кадерле укучыларыбыз, без сезгә сәламәтлек, уңышлар, белем үрләрендә алга таба да зур уңышлар,тырышлык,сабырлык телибез.Алдагы уку елларында да сезне мәктәбебезнең горурлыгы булырдай укучылар булырсыз дип ышанып калабыз.Хәерле юл сезгә!

Бүген бакчабызда кызу эш кайнады.Түтәлләр ясадык, бәрәңге,суган утырттык, кишер, чөгендер чәчтек.

Бүген без табигатьнең иң матур җирләренең берсендә кунак булдык.Язгы табигатьнең гүзәллеге тикмәгә генә җырларга салынмаган шул! Бу матурлык үзәгендә дуслар белән булу икеләтә күңелле булды. Экскурсия ахырында бергәләп чәй эчү дә бик  тәмле булды.