Мәктәбебез укучылары һәм укытучылары Яңа 2017 нче елга әзерлек эшләрен башлап җибәрде. Барчабыз да тырышып кардан һәм боздан төрле фигуралар ясыйбыз. Әлеге эштә безгә әти-әниләр дә ярдәмлек күрсәтә. Рәхмәтебезне белдерәбез!

Бүген, 17 нче декабрь көнне мәктәбебез укучылары йөзү буенча район мәктәпләре арасында үткәрелгән ярышта катнашып кайттылар. Уңышларыбыз да бар: 9 нчы сыйныф укучысы Мутыгуллин Б. арка белән йөзүдә I нче, ирекле йөзүдә III нче урынны яулады, 8 нче сыйныф укучысы Садриев С. - ирекле йөзүдә II нче урынга лаек булды. Гомуми нәтиҗәләр буенча Кошман мәктәбе командасына II нче урын билгеләнде. Чын күңелебездән әлеге уңышларыгыз белән котлыйбыз, егетләр!

Бу атна дәвамында укучыларыбыз рус теле, математика, тарих, физика, химия фәннәреннән муниципаль контроль эшләрен башкардылар.

Безнең мәктәбебездә бүген кунакта Кошман авылында яшәүче Насретдинова Л. кунакта булды. Лилиянең мәктәпкә килүе беренче тапкыр гына түгел, шуңа күрә укучылар һәм укытучылар аны бик якын итәләр, үзенә дә өенә кунакка килгәлиләр. Әлеге мөлаем кыз барлык кешегә дә бик ачык, шунлыктан башкалар да аңа тартылып тора. Бүген ул 5 нче сыйныф кызлары белән хезмәт дәресен укыды. Дәрестә балалар төсле битләрдән аппликацияләр ясадылар. Лилиягә бездә бик ошады. Без аны мәктәбебездә тагын көтеп калабыз.

Бүген мәктәбебез укучылары педагог-оештыручы Кадырова А.С. җитәкчелегендә Фёдоровск авылындагы Картлар йортында үз көчләре белән әзерләнгән концерт тамашасын күрсәтеп кайттылар. Укучылар шигырьләр сөйләделәр, рус һәм татар телләрендә җырлар башкардылар, үзләренең матур биюләрен бүләк иттеләр. Өлкәннәргә әлеге тамаша бик ошады, алар чын күңелләреннән "Рәхмәт" сүзләрен җиткерделәр һәм киләчәктә тагын да яңа очрашуларга чакырып калдылар.

Бүген мәктәптә һәрвакыттагыча иртәнге линейка уздырылды. Линейка барышында узган атнада дежур торган сыйныфның отчеты тыңланылды һәм мәктәп күләмендә үткәрелеп килүче бәйге-конкурсларга йомгак ясалды, иң актив дип табылган укучыларга грамота һәм дипломнар тапшырылды.

9 нчы декабрь - Халыкара  коррупциягә каршы көрәш көне. Шул уңайдан кичә Казан шәһәренең IT - паркында әлеге темага карата түгәрәк өстәл утырышы булып узды. Утырыш  "2016-2017 нче елда коррупциягә каршы Милли планны тормышка ашыру чаралары" темасы астында үтте, анда бүгенгесе көндә бу өлкәгә кагылышлы булган кискен мәсьәләләр күтәрелде. Утырышта делегат буларак безнең мәктәп директоры Хәмидуллин И.И. та катнашты. " Коррупциягә каршы көрәш" темасы Кошман мәктәбендә укучылар арасында да киң яктыртыла, әлеге юнәлештә төрле профилактик чаралар: сыйныф сәгатьләре, рәсем һәм инша конкурслары, әңгәмәләр үткәрелә.

Бүген мәктәбебезнең 9 нчы сыйныф укучылары гражданлык-патриотик һәм рухи тәрбия буенча буенча оештырылган онлайн-мониторингта катнаштылар.

9 декабрь –  Россиянең истәлекле көннәре календаренда мөһим дата – һәр шәһәрдә, һәр авылда төрле елларда Ватанны саклап сугышларда каһарманлык, батырлык һәм кыюлык күрсәткән сугышчыларны искә алалар. Мондый бәйрәм өчен 9 декабрь очраклы гына сайланмаган. Екатерина II нәкъ менә бу көнне 1769 елда яңа бүләкне раслый. Ул Изге Георгий ордены була. Аның белән аерым батырлык күрсәткән сугышчылар бүләкләнгән. Илебездә бу көнне Георгий ордены кавалерларын хөрмәтлиләр. Россиядә бу көнне чын батырларны искә алып, алар турында хәтер яңарталар. Шул уңайдан безнең мәктәптә әлеге истәлекле датага багышланган сыйныф сәгатьләре үткәрелде. Шулай ук укучылар Бөек Ватан сугышы ветераны - Зиганшин Хәсән абый һәм Әфган сугышында катнашкан авылдашларыбыз белән дә очраштылар.

Бүген Чаллы дәүләт педагогик университетында республикакүләм ата-аналар җыелышы уздырылды. Әлеге җыелыш сәгать 17.00 дә интернет челтәре аша онлайн режимда үтте. Җыелыш "Ата-ана - остаз" темасы астында уздырылды. Әлеге чарада безнең мәктәп укытучылары һәм ата-аналар да катнашты.