“Бозда сак бул” исеме астында узган рәсем конкурсының муниципаль этабында 4 нче сыйныф укучысы Насретдинов Алмаз 1 нче урынны алды (җитәкчесе Хәмидуллина М.С.) һәм район мәгариф бүлегенең грамотасы белән бүләкләнде. Калган катнашучыларга сертификатлар бирелде.

9 нчы сыйныф  укучысы Әхмәтшин Илнур татар теле һәм әдәбияты буенча 4 нче халыкара олимпиадада катнашып сертификат алды (җитәкчесе Нәфыйкова Р.М.). Афәрин, балалар!

Кичә Фёдоровское урта мәктәбенә  район мәктәпләре командалары  географик КВН га җыелды. Анда безнең мәктәпнең дә география укытучысы Насретдинов Илсур җитәкчелегендә “Бриз” командасы катнашты. Алар  бу КВН да актив катнашып грамотага лаек булдылар, ә "Үзең эшлә" номинациясендә 1 нче урынны алдылар. Молодцы!

  Соңгы елларда милләттәшләребезнең  шәҗәрәләрне өйрәнә башлавы күркәм күренешкә әйләнде. Шул максаттан чыгып, Кошман авыл китапханәсе һәм Кошман төп гомуми белем бирү мәктәбе бергәләп авылыбызның нәсел тарихын, тамырларын барлау өчен “Җиде бабаңны беләсеңме?” дигән бәйге игълан иткән иде. Кичә “Нәсел җебе-шәҗәрә” дип аталган бәйрәмдә бу бәйгегә нәтиҗә ясалды. Җиңүчеләр грамоталар һәм китаплар белән бүләкләнде.

Нәтиҗәләр түбәндәге номинацияләр буенча ясалды

“Иң озын буынлы нәсел агачы”:  Хикмәтуллина Кадрия – 5 сыйныф ( 7 буын), Гыйрфановалар Ләйлә, Әдилә-  6 сыйныф (7 буын)

“Иҗади төзелгән шәҗәрә”

1 урын-Хәйретдинова Ләйлә, 4 сыйныф, 2 урын-Садриев Гадел, 2 сыйныф, 3 урын-Фәизовлар Фәнис (3 сыйныф) Фәнил (2 сыйныф)

“Иң оригиналь шәҗәрә”Гыйләҗева Язилә- 2 сыйныф,

Кызксындыру бүләкләренә Саттаров Илсаф-2  сыйныф, Салаватуллина Айзилә (7 сыйныф), Әхмәтшиннар Илнур (9 сыйныф) Алия (7 сыйныф), Шәрәфиевлар Айрат (7 сыйныф), Айсылу (2 сыйныф) лаек булдылар.

Бәйрәм барышында, тарих битләрен ачып, Кошман авылының нинди нәселдән оешуы турында мәгълүмат бирелде, шәҗәрә төзү тәртибе аңлатылды, балалар үзләренең   шәҗәрәләре, әби-бабайлары белән таныштырып чыгыш ясадылар.

Бәйгедә олы кешеләр дә катнашты, ә җиңүче булып Кошман мәктәбенең башлангыч сыйныфлар укытучысы Хәмидуллина Мәдинә табылды. Ул үзенең 8 буын бабасын кертеп шәҗәрә ясаган.

Нәсел агачыңны белү, тамырларыңны эзләү-һәммәбезнең изге бурычы. 

 Бүген иртәнге линейкада укучылар арасында үткәрелгән дару үләннәре һәм макулатура җыю буенча конкурсларга йомгак ясалды. Җиңүче балаларга грамоталар һәм бүләкләр бирелде. 

Бу көннәрдә укучыларыбыз шефлкка алынган өлкән кешеләргә кар көрәргә булышалар.

 Өлкән сыйныф укучылары бүген иртәнге зарядка вакыт мәктәп территорясен кардан чистарттылар. Бер үк вакытта зарядка да ясадык, саф һава да суладык һәм файдалы эш тә эшләдек.

III нче чирек мәктәбебездә сыйныфларда оештырылган ата-аналар җыелышлары белән башланып китте. Шундый җыелышлар14  нче гыйнварда 1,3 нче. ә 16 нчы гыйнвар көнне 6 һәм 9 сыйныфларда да үткәрелде. 9 нчы сыйныфта "Балаларны һәм үзебезне булачак имтиханнарга ничек әзерләргә? Ничек стресска бирелмәскә?" темасы астында уздырылган җыелышта сыйныф җитәкчесеннән тыш, һәр фән укытучылары, мәктәп директоры, психологик үзәктән килгән психолог Федотова Людмила Николаевна да чыгыш ясады. Җыелышта каралган төп сораулар: укучыларның булачак имтиханнарга әзерлек эшләре барышы, беренче яртыеллыкта уку сыйфаты нәтиҗәләре белән танышу һәм имтиханнарга хәзерлек чорында килеп туган эмоциональ киеренкелеккә каршы көрәшү алымнары турында фикер алышу. Әлеге җыелышта оештырылган әңгәмәләр һәм психолог киңәшләре киләчәктә укучыларга, ата-аналарга һәм укытучыларга да ярдәм итми калмас.

“Татмедиа” АҖ филиалы һәм “Салават күпере” журналы редакциясе үткәргән “Китап сере”бәйгесендә катнашып, мәктәбебезнең Хәмидуллина М.С. җитәкчелегендәге 4 нче сыйныф укучылары җиңү яулады. Алар редакция  дипломы һәм бүләкләргә лаек булдылар. Афәрин! 

“Аллаһе Тәгалә без- кешеләрнең изге гамәлләрдә дәвамлы булуыбызны ярата”- диелә бер хәдистә. Шөкер, бу фикерне тормышка ашыручылар да бар арабызда. Шуларның берсе – мәчет һәм мәктәпләргә, мохтаҗларга ярдәм кулы сузучы элеккеге укучым , хәзерге вакытта җаваплылыгы чикләнгән “Заман” җәмгыяте директоры Җәләлиев Равил Гарәфетдин улы. Ул бу көннәрдә туган мәктәбенә зур бүләк юллады: татар теле һәм әдәбияты кабинетына тулы ремонт ясатты.

Ремонт эшләрен башкаручылар да элеккеге укучыларым-Нәфыйков Равил Фәрит улы һәм Гыйләҗев Илнур Кәбир улы.

Бу укучыларымның шундый игелекле кешеләр булулары белән чын күңелдән горурланам һәм аларга тирән рәхмәтемне җиткерәм.

Изге теләкләр белән элеккеге укытучыгыз Нәфыйкова Рушания Мөхәммәтша кызы.