Мәктәбебез июль, август айларында төрлетөрдәге. төрле төстәге чәчәкләргә күмелде.Чәчәкләр-шатлык һәм матурлык чыганагы. Алар безнең тормышыбызны бизи, рухыбызны күтәрә, кешеләр арасында эчкерсез дуслык билгесе булып та хезмәт итә.

Пешекчеләребез кыяр һәм помидор тозлый башладылар.

Бүген тәҗрибә кишәрлегендә эшләүче укучылар соңрак утырткан суганны җыйдылар һәм саклауга куйдылар.

Яңа уку елына хәзерлек максатыннан мәктәптә ремонт   төгәлләнеп килә. Шулай ук мәктәп территориясен матурлау эшләре дәвам итә.

Укытучылар, тәрбиячеләр һәм хезмәткәрләр бүген мәктәп кырыйларын, су буйларын чаптылар

Мәктәптә ремонт эшләре башланды.

 Дару үләннәрен җыю этабы бара. ТР мәгариф бүлеге тәкъдим иткән исемлеккәге үләннәрнең инде күбесе җыелып киптерелгән булырга тиеш. Шуңа да укучыларыбыз дару үләннәре җыю белән мәшгуль. 

Киләчәген журналистика белән бәйләргә теләүче Чулпан ГАРИФУЛЛИНА 23 июньнән 29 июньгә кадәр "АЛТЫН КАЛӘМ" фестивалендә булды. Аның быелгысы Бөек Җиңүнең 70 еллыгына, фестивальнең 20 еллыгына да багышланган иде. Әлеге фестиваль журналистика дөньясына алып керүче зур күпер булып санала. Ул "ВОЛГА" Яшьләр Үзәгендә үтте. Аны тантаналы төстә ачу тантанасында Татарстан Журналистлар берлеге рәисе Римма Ратникова, күренекле журналистлар, төрле министрлыклар вәкилләре катнашты. Фестивальнең беренче көнендә үк Казан федераль универститетының журналистика факультеты мөдире Светлана Шәйхетдинова укучылар белән мастер класс үткәрелде. Укучылар анда газета чыгару серләренә төшенде, үзләре дә мәкаләләр язып, газеталар чыгарды. Фестивальдә 7 төрле төркем эшләде: рус, татар матбугаты;ТВ;радио;дизайн;PR;фото. Чулпан - татар матбугатында. 7 көннән соң нәтиҗәләр билгеле булды: “Алтын каләм“ балалар, яшүсмерләр һәм яшьләр матбугатының XX республика фестиваленнән җиңү белән әйләнеп кайтты. Ул "Татар телендә иң яхшы публикация" номинациясендә 2 нче урынга лаек булды һәм диплом белән бүләкләнде. Котлыйбыз һәм синең белән горурланабыз, Чулпан. Алга таба да зур иҗади уңышлар телибез!

 Мәктәп еллары һәр кешенең тормышында иң истәлекле, иң кадерле, иң бәхетле еллар булып истә кала. Балалары өчен янып- көеп йөрүче, аларны ялгышлардан саклаучы, шатлык – борчуларын бүлешеп яшәүче әти –әниләр һәм якты кояш кебек, күңелләрне назлап җылыткан, авыр чакта ярдәм кулын сузган, сабыр сүзе белән юаткан укытучылар күңелендә дә якты эз, матур хатирләр калдыра ул.

Шулай итеп, бүген 9 нчыларыбызга өлгергәнлек аттестатын тапшыру тантанасы бик матур узып китте

Канат ярган әни кошлар сыман

Талпынасыз очып китәргә.

Яшьтән күңелегезне җилкендергән

Хыялларны чынлык итәргә.

Аерыласыз сөйгән мәктәп белән

Гомерегезнең алсу таңында.

Хәерле юл теләп озатабыз

Саф чәчәктәй тормыш язына.

22 июнь – Россия тарихындагы иң кайгылы көннәрнең берсе — Бөек Ватан сугышы башланган көн.Бүген бер төркем укучылар һәйкәл янына килделәр. Алар сугышта һәлак булганнар хөрмәтенә чәчәкләр куйдылар.