Татарстанда көзге мәрхәмәтлелек атналыгы бара. Шул уңайдан бүген 4 нче сыйныф укучылары,  укытучылары Хәмидуллина М.С. белән,  үзебез авылда яшәүче мөмкинлеге чикләнгән бала - Насретдинова Лилия янына барып күчтәнәчләр бирделәр, аралаштылар, бергәләп таган атындылар һәм уеннар  уйнадылар. 

Кичә асоциаль күренешләрне профилактикалау максатыннан уздырыла торган “Свежий ветер-2015” фестиваленең муниципаль туры булды. Безнең мәктәптән бу фестивальдә педагог-оештыручы Кадырова А.С. җитәкчелегендәге 6-7 нче сыйныф укучыларыннан торган “Лачыннар” агитбригадасы катнашты. 

В школе прошли экологические уроки "Сделаем вместе" с целью вовлечения подрастающего поколения в природоохранную деятельность

Бүген мәктәп бакчасында бәрәңге уңышы җыеп алынды. Чыннан да бәрәңге бик уңган: үзе эре, үзе күп. Көн кояшлы, җылы булганга чүплисе бик күңелле булды. Шулай итеп мәктәпнең яшелчә саклагычына кышы буена җитәрлек икенче икмәк салып куелды.

2005 нче елдан бирле илебездә һәр 3 сентябрь терроризм белән көрәшүгә теләктәшлек итү көне.

Бүген мәктәптә бу көнгә багышланган гомуми тәрбия сәгате булып узды.  Тәрбия эшләре буенча директор урынбасары Сабирова Г.Х. бу көннең тарихы турында искә төшереп киткәннән соң  Бесланда һәлак булган тоткыннарны 1 минутлык тынлык белән искә алдык. Тәрбия сәгатенә Ибраһим хәзрәт тә чакырулы иде. Ибраһим хәзрәт үз чыгышында ислам, христиан, будда, яһүд диннәренең һәрберсе кеше үтерүгә каршы һәм террор белән бәйле түгел дип билгеләп үтте. Бер дин дә кеше рәнҗетергә өйрәтми, ислам дине тоткан кеше террорчы була алмый,  киресенчә ислам тынычлык дине һәм без үзебезнең гамәлләребез белән  моны расларга,- тиеш диде ул.

 Ил-көннәребез тыныч булсын, җәмгыятебездә мондый күренешләр кабатланмасын!

1 сентябрь - Белем бәйрәме. Белем булган җирдә җиңү бар, белемле кешеләр булган җирдә һәр авыр мәсьәлә секунд арасында чишелә. Мәктәп бусагасыннан атлап керү - безнең һәрберебез өчен дә зур шатлык булып калсын, алган белемнәрнең, аны өләшкән укытучыларның, белем алу өчен мөмкинлекләр булдырылган мәктәпләрнең кадерен белеп яшик. Мәктәптән белем алып кайткан һәр көн хәтеребездә иң яхшы истәлек булып гомерлеккә саклансын. Мәктәбебездә яңа уку елы тантаналы линейка белән башланып китте. Линейкада килгән кунаклар, укучылар чыгыш ясады,"5" кә генә укыган укучыларга, уңышлы эшләгән укытучыларга,  хезмәткәрләргә  грамоталар тапшырылды.  Яңа уку елы уңышлы булсын!

Укытучыларның традицион август киңәшмәсе алдагы уку елына старт бирде. Быел ул «Заманча мәгариф: яңа стратегик юнәлешләр – яңа карарлар» исеме астында узды. Мәктәп коллективы анда "Мелодия цветов" дип атлган чәчәкләр композициясе һәм методик күргәзмә тәкъдим итте.

"Мәкәпкә җыенырга ярдәм ит" хәйрия акциясе республикабызда 9 елдан бирле бара  . Бу еллар дәвамында күпме балаларга ярдәм ителгән, иганәчеләргә күп  рәхмәтләр әйтелгән. Быел да бу акциянең йомгаклау тантанасы Олы Кайбыч  мәдәният йортында бик матур булып  узып китте. Безнең мәктәптән дә 3 укучыга ярдәм күрсәтелде. Укучыларыбызны шатландырган хәйриячеләргә бик зур рәхмәт.

Бүген мәктәбебезгә Тәтеш муниципаль районыннан  мәктәпләрне яңа уку елына хәзерләү, тәҗрибә кишәрлегендә эшне оештыру  буенча тәҗрибә уртаклашу өчен мәктәп директорлары килде. Алар чәчәклекне, тәҗрибә кишәрлеген һәм мәктәпне карадылар һәм мәктәпнең яңа уку елына хәзерлеген бик ошатып киттеләр.

Бүген укучыларыбыз җәй буе җыеп киптерелгән дару үләннәрен тапшырдылар. Мәктәп буенча барлыгы 43 кг нан артык дару чималы җыелган. Бу эштә актив катнашкан укучыларга, әти-әниләргә зур рәхмәт.