Инвалидларга, мөмкинлеге чикләнгән кешеләргә карата толерант караш булдыру һәм аларның тормышындагы катлаулылыкка игътибар юнәлтү максатыннан Россия Мәгариф министрлыгы белән бергәләп сукыр ишетмәүчеләр фонды   мәктәпләрдә Мәрхәмәтлелек  интернет –дәресләре үткәрә. Бу дәресләр 15 нче декабрь көнне безнең мәктәптә дә узды. Дәресләр үткәргәндә Россия Мәгариф министрлыгы сайтына куелган конспектлар һәм видеороликлар файдаланылды.  Тирә-юнебездәге кешеләргә игътибарлырак, шәфкатьлерәк  булсак иде! Бу дәресләр шуңа өнди. 

Инвалидар декадасы кысаларында мәктәптә  “Мәрхәмәтлерәк булыйк!” исеме астында иҗади эшләр конкурсы булып узган иде. Конкурста 1 нче урынны 8 нче сыйныф укучысы Минвәлиева И., 2 нче урынны 7 нче сыйныф укучылары Сәгъдиева Л. һәм Салаватуллина А., 3 нче урынны 5 нче сыйныф укучысы Сабиров С., һәм 6 нчы сыйныф укучысы Сабирова И. алдылар. Бүген иртәнге линейкада  җиңүчеләргә грамоталар тапшырылды.

Безнең мәктәптә төрле танылган кешеләр белән очрашулар булып тора. 11 декабрь көнне  Казаннан  сатирик язучы Хәмзин Алмаз Наил улы һәм композитор, язучы  "Сабантуй" журналының  бүлек мөдире  Алмаз абый Гыймадиев мәктәпкә очрашуга килделәр. Күрешү бик кызыклы һәм истәлекле булды. Бу бәйрәмне хәтерләтә иде. Чөнки алар безгә истәлекле бүләкләр алып килделәр, балалар өчен “Сабантуй” журналын, ә өлкәнрәк сыйныф укучылырына  “Яңа Базар” китабын бүләк ителәр. Миңа да ул бүләкне алу бәхете тиде. Уен – көлке, табышмакларга кызыклы җаваплар табу, җыр – моң белән мәктәбебез гөрләп торды. Безнең мәктәптә мондый очрашулар еш булсалар да, минем өчен мондый күркәм очрашу булганы юк иде әле. Алмаз  абый Хамзиннан “ Сез ничек итеп шигырь язасыз?” - диеп сорадым, һәм  ул миңа үзенең үтемле, шул ук вакытта тирән мәгънәгә ия булган кинәшләрен бирде. Кайдан килә икән бу кешегә шуның кадәр талант?! Үзе яза, үзе җырлый, үзе пародияләр сөйли, үзе көйләр чыгара. Менә бу шәхескә Аллаһ биргән талантны! Кем генә хыялланмый икән бу турыда?! Әнием мәдәният йорты  мөдире булып эшләгәндә, Камил Кәримов белән Алмаз Хамзин килгәндә, миңа әле 6 гына яшь иде. Ул күрешүемдә үк минем нәни күңелем бу кешене ничектер якын иткән иде инде. Әллә шул күрешү мине шигырьләр язарга кызыктырдымы икән диеп уйлап куйдым. Белмим, кемгә ничектер, тик үзем бу күрешүдән бик канәгать  калдым. Мндый тирән мәгънәгә ия булган очрашуны оештырган укытучыларым, Сезгә барлык укучылар исеменнән олы рәхмәтемне белдерәм. Сез бала күңелен ничек канатландырырга икәнлеген аңлыйсыз шул. Өйгә кош кебек очып  кайттым. Шундый матур очрашулар соңгысы булмас, иншә Аллаһ. Тагын шундый күңелле очрашулар көтеп калабыз.

Мәрьям Минвәлиева,  “Көмеш каләм” түгәрәге әгъзасы

1993 нче елның 12 нче декабрендә Россия Конституциясе кабул ителгән. Бүген бу тарихи көн уңаенннан сыйныфларда Конституциянең җәмгыятьтәге әһәмияте, аның төп бүлекләре  турында әңгәмәләр үтте. 

 7 нче декабрьдән 12 нче декабрьгә кадәр башлангыч сыйныфлар атналыгы узды. Атналык барышында барлык укучылар да актив катнашты. Атналыкны башлангыч сыйныф укытучылары оештырды. Милли уеннар, күңелле стартлар, рәсем конкурсы, мөмкинлекләре чикләнгән инвалид балалар белән очрашу, спектакль һәм концерт номерларыннан торган атналык сизелмичә дә үтеп китте.

Бүген район башлыгының коррупциягә каршы ярдәмчесе Петухова Фәния Фәрит кызы район күләмендә  уздырылган “Коррупциягә юк-дибез!” конкурсында җиңгән укучыларга  грамоталар һәм кызыксындыру бүләкләре тапшырды. Бүләкләр 4 нче сыйныф укучысы Насретдинов Алмаз,   5 нче сыйныф укучысы Саттаров Айназ, 7 нче сыйныф укучысы Сафина Алсуга тапшырды. Афәрин!

Кичә   4 нче сыйныф укучылары укытучылары Хәмидуллина М.С. белән бергә мөмкинлеге чикләнгән бала Насретдинова Лилия янына “Мәрхәмәтлелек визиты” ясадылар. Алар бергәләп төрле уеннар уйнадылар, тәмле ризыклар белән сыйландылар. Ә бүген исә  Лилия үзе мәктәпкә кунакка килде. Ул балалар белән аралашты, рәсем дәресендә катнашты. Лилияне мәктәптә күрү -безнең өчен зур куаныч . Аны тагын мәктәптә көтеп калабыз.

Инвалидлар  декадасы кысаларында бүген мәктәптә тәрбия сәгатьләре үтте. Укучылар бу көннең тарихы белән таныштылар, дөньяны шаккаттырган инвалидлар турында документаль фильмнар һәм тапшырулар карадылар. Дәресләрдә толерантлык һәм мәрхәмәтлелекнең тормышта әһәмиятенә аеруча басым ясалды.