Бүген мәктәптә соңгы уку көне. Көн дәвамында сыйныф җитәкчеләре  классларда җыелышлар үткәрделәр. Аннары укучылар, укытучылар йомгаклау линейкасына җыелды. Линейкада төрле оештыру мәсьәләләре каралды , уку елы нәтиҗәләре әйтелде, актив укучыларга Грамоталар бирелде. Укытучыларга, барлык мәктәп хезмәткәрләренә, укучыларыбызга файдалы, күңелле яллар, саулык-сәламәтлек телибез.Без укучыларыбыз белән саубуллашмыйбыз, аларны мәктәп лагеренда көтеп калабыз. 

Авылыбызның бер төркем егетләре Ватан алдындагы бурычларын Россия Армиясе сафларында үтиләр. Менә алар - Габитов Илназ, Гатиятуллин  Зөлфәт, Сәгъдиев Динар, Садриев Булат, Сираҗиев Фаил, Гатауллин Динарлар. Май ахырында  Сәгъдиев Динар, Садриев Булат, Сираҗиев Фаил  исән-сау туган авылыбызга әйләнеп кайттылар. Кайткан солдатларыбызның һәрберсе диярлек туган мәктәбен күреп, укытучылар, хезмәткәрләр һәм укучылар белән күрешеп, хәл белеп китәләр. Егетләребезнең, аларның ата-аналарының, туганнарының  шатлыкларын без дә уртаклашабыз.  Хезмәтләрен дәвам итүче солдатларыбыз белән дә куанычлы күрешүләр насыйп булсын!

Соңгы кыңгырау яңгырый — сихри аваз…

Ул гаҗәеп моңсу сагышлы…
Шундый көн бу — олы бәйрәм үзе,
Үзгәртә дә куя язмышны…

Бүген,  матур яз көнендә “Соңгы кыңгырау”багышланган тантаналы линейка булды. Моңсу да, шул ук вакытта шатлыклы да көн бу. Моңсу, чөнки мәктәпне бетерүче укучыларыбыз бүген соңгы дәрескә керәләр, соңгы тапкыр алар өчен мәктәп кыңгыравы яңгырады. Шатлыклы да,чөнки алар өчен яңа кызыклы тормыш  башлана. 9 ел рәттән алар олы тормыш юлына үзләренең өлкән дусларын озатып калдылар, ә бүген үзләре мәктәп белән саубуллашалар. 9 нчы сыйныфны 9 укучы тәмамлады. Алар сыйныф җитәкчеләре Насретдинова Алия белән бу бәйрәмгә бик тырышып хәзерләнделәр. 9 нчы сыйныфларның  чыгышы барыбызны да дулкынландырды.  Аларга имтиханнарын яхшы тапшыруларын  һәм исәнлек-саулык телибез.   
  

Мәктәптә бүген Шатлык көне булып узды. Традиция буенча бу көнне без авылыбызның Сабан туе урынына барып,  балалар белән Кече Сабан туе үткәрәбез. Быел да шул традициягә тугрылыклы калдык. Укытучылар укучылар белән төрле уеннар оештырдылар, балалар концерт номерлары күрсәттеләр. Бер җиңүче дә бүләксез калмады. Бүләкләрне спонсорыбыз, “Заман” оешмасы җитәкчесе, Җәләлиев Р.Г.  мулдан алган иде. Балалар һәр бүләккә куандылар. Соңыннан укучылар ял иттеләр, аннары барыбыз да учакта пешкән тәмле уха һәм кайнар самовар чәе белән сыйландык.

17 майда Яшел Үзән районында татар-башкорт көрәше буенча Гайнуллин Галим Шйхуллович истәлегенә Ачык зональ турнир булды. Турнирны Татарстан Республикасыныд туризм һәм яшьләр эшләре буенча министрлыгы үткәрде. Көрәшчеләребез бу юлы да сынатмады : 40 кг га кадәрге үлчәмдә Фәйзуллин Нәфкать 3 нче урын, Фәйзуллин Шәфкать 2 нче урын, 50 кг га кадәрге үлчәүдә Какаев Айдар 2 нче урынны алдылыр.Әфарин!

Мәктәбебезнең район балалар Думасы депутаты Гарифуллина Чулпан район делегациясе составында Казанда “Инициатива-2014” фестивалендә катнашты. Фестиваль 144 нче мәктәптә узган.  Фестивальдән соң катнашучылар өчен автобуста Казан буйлап экскурсия ясаганнар.

15 нче май көнне мәктәптә гомуми ата-аналар җыелышы булды. Җыелышта уку елын йомгаклау, җәйге ял, мәктәп бакчасында график буенча эшләү һәм яңа уку елына хәзерлек мәсьәләләре каралды,  мәктәп формасына таләпләргә тагын бер кат басым ясалды. 15 нче май –Гаилә көне, 17 май –Ышаныч телефоны көннәре икәне әйтелде. Бу көннәрнең әһәмияте турында сөйләнде.

Официаль өлештән соң җыелыш мәктәп бакчасында дәвам итте. Ата-аналар тәҗрибә кишәрлегендә башкарылган һәм башкарылачак эшләрнең күләме белән таныштылар. Соңыннан мәктәп директоры Хәмидуллин И.И. ата-аналарга чәчәклектә эшләргә һәм мәктәп территориясе янындагы агачларны кисүдә  ярдәм итүләрен сорап мөрәҗәгать итте

12 мая в рамках общероссийской акции «Мой паспорт – я гражданин» у нас в гостях побывал специалист ТП УФМС России по РТ Яруллин Ильфир В ходе этой акции в школах по всей России проводятся открытые уроки, посвященные институту гражданства, истории паспорта в нашей стране, необходимости своевременного оформления главного документа, его бережного хранения и аккуратного использования. В завершении встречи Яруллин Ильфир напомнил ребятам, что каждый из них скоро станет участником важного события  − получит паспорт гражданина Российской Федерации, и обратили внимание на их обязанность оформить документ в срок и бережно хранить его.  Рассказал так же ребятам об истории российского паспорта со средних веков до наших дней. Ученики с большим интересом слушали рассказ о том, какие изменения претерпевал паспорт в разные исторические эпохи, прежде чем приобрести современный вид.

 Татарстан Экология һәм табигый ресурслар министрлыгы тарафыннан 12 май – Халыкара Экологик белем бирү  көненә багышлап үткәрелүче әлеге акция елдан-ел киңрәк колач ала.

Акциянең максаты – үсеп килүче яшь буында табигатькә карата сакчыл караш тәрбияләү, аларда экологик культура булдыру.  Бу көнне сыйныфларда төрле темаларга дәресләр үтте.

Без барыбыз да– кешеләр, хайваннар,үсемлекләр, кошлар һәм башка организмнар Җир планетасында яшибез. Бу безнең уртак йортыбыз. Безнең барыбызга да суларга, ашарга, эчәргә, кайда да булса яшәргә, балалар үстерергә кирәк. Бик күп мең, хәтта миллион еллар элек үк хайваннарның һәм үсемлекләрнең барлык төрләре, бер–берләренә һәм аларны чолгап алган табигатькә яраклашкан, ияләшкән. Шулай итеп табигатьтә тигезләнеш урнашкан, барлыкка килгән. Нәкъ үлчәүдәге кебек,  ике як тәлинкәдә дә бертөрле герләр куйган кебек. Әйдәгез, бу үлчәнешне бозмыйк! Үзебез яшәгән табигатьне  саклыйк! Дәресләрдә укучылар белән укытучылар әнә шул турында сөйләштеләр, фикер алыштылар.

    69 ел инде...

    Кайтмый калганнарны көтәбез.

    Авыл уртасындагы зур һәйкәлгә

    Чал башыбызны иеп үтәбез.

Укучыларыбыз 9 май көнне дә сугышта һәлак булганнар хөрмәтләп обелиск янында постта торуны дәвам иттеләр. Үлгәннәрне онытмыйк, һәрберебезнең күңелендә алар мәңге саклансын!