Яңа ел котлауларыннан  ветеран хезмәткәрләребез дә читтә калмады. Елдагыча, Кыш бабай Кар кызы белән бәйрәм күчтәнәчләрен мулдан алып, озак еллар мәктәптә эшләп, лаеклы ялга киткән ветераннарны өйләренә барып тәбрик итте, аларның һәрберсенә матур изге теләкләрен җиткерде.

Яңа еллар сезгә бары ныклы сәламәтлек, җан тынычлыгы, тән сихәтлеге, балаларыгыз җылысын алып килсен! Озак еллар безнең арада калыгыз, табыннарыгыз мул, тормышларыгыз иркен булсын! Яңа ел белән сезне, хөрмәтле ветераннар!

Район башлыгы Рахматуллин А.И. инициативасы белән үткәрелгән " Яңа елга иң  матур бизәлешле мәгариф учреждениесе"  конкурсында  мәктәп коллективы кызыксындыру призына ия булды.

Молодцы, тырышлыгыбыз бушка китмәде! Барлык хезмәткәрләргә, укучыларга, булышкан ата-аналарга зур рәхмәтебезне белдерәбез! Киләсе елда да уңышлар юлдаш булсын!

29- декабрьдән балаларның кышкы каникуллары башланды. Ул 11- гыйнварга кадәр дәвам итәчәк.

Яңа ел кичәсе мәктәбебездә шундый матур теләкләр белән башланды. 1-9 сыйныф укучылары, балалар бакчасында тәрбияләнүчеләр, әти-әниләр 7, 9 сыйныфлар әзерләгән тылсымлы, астрологик фаразлар белән тулы сихри тамашаны яратып карадылар. Барысы да Яңа елның төп бизәге - яшел чыршы тирәли  җырлап әйләнде, Кыш бабай янында яраткан шигырьләрен сөйләп бүләкләр алдылар, рәхәтләнеп куңел ачты, ял иттеләр. Әлбәттә, нинди Яңа ел бүләксез булсын инде? Барлык балаларга да Кыш бабай Яңа ел күчтәнәчләре өләште, Президетыбыз Миңнеханов Р.Н. һәм районыбыз башлыгы Рахматуллин А.И.ның  котлау открыткалары бирелде.  

Яңа еллар мөбарәк булсын! Тынычлык- иминлек, уңышлар алып кил, 2015 - ел!

Мөрәле кар шәһәрчегенә бәя бирү өчен күптән көтелгән кунаклар килде. 

Тыныч вакытта күпме ватандашларыбызның – әле иңнәре дә ныгып җитмәгән 18-19 яшьлек егетләрнең – моңарчы күрмәгән-белмәгән таулы-ташлы җирдә канлы бәрелешләрдә туган илләренә тугрылыгын сынаган, сугышчан дусларын югалту ачысы йөрәкләрендә мәңге төзәлмәс яра калдырган, күпме аналарның газиз улларын мәңгелеккә тартып алган  ул әфган сугышы! Бүген сыйныф җитәкчеләре бай эчтәлекле әңгәмәләр  үткәрде.

Ватан кушкан бурычны үтәүчеләрнең дә канатлары каерылмасын иде! 
Башка мондый сугышлар кабатланмасын, кайгы-хәсрәт, югалтулар берәүнең дә ишеген какмасын иде. 

Райондагы биналарны һәм аның территориясен зәвыклы итеп бизәүчеләрне ачыклау максатыннан оештырылган конкурста безнең мәктәп тә бик теләп катнашты.  Укучылар белән берлектә мәктәп коллективы зур көч куйды. Кардан 24 сын әвәләп, кар шәһәрчеге ясадык.

Башта сыйныфларда узган ата-аналар җыелышлары 2-чирек йомгакларына багышланган иде. Ахырдан гомуммәктәп җыелышында сүз бала тәрбияләүдә гаилә - әти һәм әнинең  роле турында барды. Хәзерге катлаулы чорда  гаиләдәге мөнәсәбәтләр, балага уңай үрнәк, аңа терәк булу, аның киләчәге өчен җаваплылык  ата-анага тагын да зуррак бурычлар йөкли. Балаларыбызның ышанычлы киләчәге- безнең кулларда. Шуны онытмасак иде!

27 декабрь Россия Федерациясендә Коткаручылар көне. Әлеге һөнәр—иң куркыныч һәм үтә дә җаваплы хезмәтләрнең берсе. Районыбыз коткаручыларының эшчәнлеге белән танышу максатыннан,  МЧС хезмәткәрләре белән очраштык. 

 "Нәрсә ул җирле үзидарә?", "Ул нәрсә өчен кирәк?", "Анда нинди эш белән шөгыльләнәләр?", "Анда кайсы һөнәр ияләре эшли? һ.б. күп кенә сорауларга ачыклык кертү  максатыннан башлангыч сыйныф укучылары авылыбызның җирле үзидарәсенә юл алды. Үзидарәдә аларны Гибадуллина Гүзәлия апалары каршы алды. Ул укучыларны үзидарәнең эшчәнлеге белән таныштырды, сорауларына җавап бирде.