Бүген гимназиябез укучылары Идел буе районы яшүсмер егетләр арасында оештырылган бадминтон ярышында катнашып 5 нче урынга лаек булдылар. Афәрин, егетләр!!!

Бүген белем бирү учреждениеләре базасында ел саен Бөтенрәсәй буенча үткәрелә торган «Тоталь диктант» акциясе узды.
Бу акциядә безнең 10 нчы сыйныф укучылары да катнашты.
"Акциянең төп максаты - яшьләрне һәм халыкны рус телен популярлаштыру һәм грамоталылыкны арттыру мәсьәләләренә җәлеп итү"- ди, укыту эшләре буенча директор урынбасары Лилия Газинуровна

Кеше өчен сәламәтлек- төп кыйммәтләрнең берсе. 7 нче апрель- Бөтендөнья сәламәтлек көне билгеләп үтелә. Гимназиябез дә бу бәйрәмнән читтә кала алмады. Шул уңайдан 3Б сыйныфы укучылары белән "Сәламәтлек иленә сәяхәт» дигән күңел ачу чарасы уздырылды. Укучылар табышмаклар чиштеләр, мәкальләр төзеделәр, шәхси гигиена әйберләрен сортладылар, эстафетада ярыштылар. Шулай ук "Ни өчен үлән чәйләре файдалы? Ни өчен витаминнар эчәргә кирәк?" дигән сорауларга җаваплар эзләделәр, гигиена таләпләрен дөрес үтәргә, файдалы ризыкларны сайларга өйрәнделәр. Ә инде хәрәкәтле уеннар аларны уңай эмоцияләр белән тулыландырды. Әлеге чараны уздырган өчен Зөлфия Рафаильевна һәм Әлфия Гомәровнага зур рәхмәтләребезне белдерәбез!!!

3 апрельдән 7 апрельгә хәтле гимназиябездә "Дөрес туклану" атналыгы дәвам итте. Сыйныф сәгатьләрендә укучылар белән "Дөрес туклану- сәламәтлек нигезе" темасына сөйләшү алып барылды. Укучылар төрле видеоязмалар карадылар, табышмакларга җаваплар эзләделәр, сәламәтлек турында викторинада катнаштылар.

4 нче апрель көнне гимназиябездә "Террорга - юл юк!" дип исемләнгән эвакуация булып узды. Әлеге эвакуациядә укучыларның ничек дөрес итеп үз-үзләрен саклавы, яшеренүләре төп максат булып саналды. Киләчәктә дә мондый эвакуацияләр өйрәнү өчен генә булсын иде дигән теләктә калабыз! Илләребез, көннәребез тыныч булсын!

Бүген гимназия базасында Татарстан Республикасы Мәгарифне үстерү институты тарафыннан Вахитов һәм Идел буе районнарының гомуми белем бирү оешмалары җитәкчеләре өчен "Җитәкчеләр мәктәбе: идарә итүнең нәтиҗәле практикалары" программасы буенча квалификация күтәрү курслары уздырылды.

Яз - ул табигатьнең уяну вакыты гына түгел, чисталык һәм тәртип урнаштыру вакыты да.
Бөтен Рәсәй буенча җыештыру икеайлыгы башланып китү уңаеннан гимназиябездә дә язгы өмә булды. 5-11 нче сыйныф укучылары һәм аларның сыйныф җитәкчеләре мәктәп яны участогын, көнкүреш чүп-чарыннан, яфраклардан, коры үләннән спорт мәйданчыкларын җыештыру буенча эш алып бардылар. Территорияне чистарту буенча өмә үткәрү өчен генераль җыештыру чаралары планы төзелде, өмәдә эшләгәндә куркынычсызлык техникасы буенча инструктаж үткәрелде. Кирәкле инвентарь белән коралланып, балалар, педагоглар, гимназия хезмәткәрләре территорияне бик теләп тәртипкә китерделәр.
"Чисталык үзебез өчен" - ди, алар.

4 нче чирек дәүләт флагларын күтәрүдән һәм гимн җырлаудан башланып китте. Рәсәй һәм Татарстан гимннарын башкарганнан соң укучылар белән "Мөһим сөйләшүләр" үткәрелде. "Мөһим сөйләшүләрнең" темасы җир көненә багышланган иде. Төп максат- экологик проблемаларга битараф булмау. Укучылар әлеге тема буенча фикер алыштылар, видеоязма карадылар, рәсемнәр ясадылар.

Бүген гимназиябездә зур чара булып узды. Якутиядән килгән делегация белән "Яңартылган Федераль дәүләт белем бирү стандартлары нигезендә уку процессын оештыру" дигән тема астында стажировка уздырылды. Килгән кунаклар гимназиябезнең уку һәм тәрбия эше белән таныштылар: ачык дәресләр һәм дәрестән тыш эшчәнлек буенча мастер - класслар карадылар. Программа ахырында тәҗрибә алмашу - мастермайнд оештырылды. Якутиядән килгән делегация тәҗрибә белән уртаклашкан өчен рәхмәтләрен белдерделәр. Ә без үз чиратыбызда әлеге чарада катнашкан барлык укытучыларга һәм укучыларга зур рәхмәтләребезне җиткерәбез!!!

Бүген, Шәрыкъ клубында "Балалар китабы" көне уңаеннан Салават күпере журналы оештырган бәйрәмдә - 1 А сыйныфы укучысы Шакирова Зилә кунакта булып кайтты.