Бүгеннән гимназиябездә инглиз теле атналыгы башланып китте. Укучылар өчен фотозона эшләнелде, җыр конкурсы һәм флешмоб оештырылды. Башлангыч сыйныф укучылары табышмакларга җаваплар эзләделәр, тәм- томнар белән бүләкләнделәр.

18 нче февраль көнне гимназиябездә айның иң грандиоз вакыйгасы - укучыларыбызның әтиләре арасында волейбол ярышы үткәрелде. Әлеге уенда 4 команда көч сынашты: "Барс", "Десятка", "Солянка" һәм "Галәм". Уен бик кызу, дустанә мөнәсәбәттә барды. Нәтиҗәдә, "Барс" командасы җиңү яулады. Ахырдан җиңгән барс командасы белән гимназиябез укучылары да үз көчләрен сынап карадылар.
Бу көнне алган тәэсирләр уенчылар, җанатарлар күңелендә матур, күңелле истәлекләр калдырды. Барлык командаларны котлыйбыз, алга таба да уңышлар һәм исәнлек- саулык теләп калабыз!

Татар теле атналыгын дәвам итеп, 17 нче февраль көнне укучылар юбиляр татар шагыйрьләре, язучыларының иҗатлары белән таныштырдылар. Проект эшләрен уңышлы якладылар. Юбиләр язучылар турында күп мәгълүматлар тупланды.

7б сыйныфы укучылары Кремль урамында урнашкан З.Н. Ушкова йортында булып кайттылар.
"Вестибюль көнчыгыш стилендә төзелгән, хәтта һәр ишек тоткасы да - аждаһа формасында. Француз мастеры Витражлары, Венеция көзгеләре, кызыл агачтан ясалган култыксалар - болар барысы да беренчел рәвештә сакланган. Ампир стилендәге парадный зал бүген китапханәнең уку залы буларак кулланыла. Сөйләшүләр хәрби атрибутика сурәтләре белән капланган һәм Наполеон Бонапартны аңлата торган "Н" хәрефе рәвешендәге вензельләр белән бизәлгән. Ирләрнең ял итү бүлмәсе мавритан стилендә эшләнгән" - дип, зур дулкынлану белән сөйләде укучылар.

Озынайтылган көн группасында(гпд) укучылар дәрес әзерләүдән тыш, кулдан төрле поделкалар ясау белән дә мавыгалар.

Бүген 9А сыйныфы укучылары "Россия- минем тарих" дип аталучы выставкада булып кайттылар.

Күчкәнме бу залга дөньяның бар яме
Күңелләр түрендә
Әлифба бәйрәме.
Бу матур бәйрәмгә,
кушыл дус, әйдәле.
Дөньяны гөрләтсен
Әлифба бәйрәме!
"Балачак иленең кабатланмас бәйрәмнәренең берсе нинди бәйрәм?" - дип сорасалар, бер дә икеләнмичә "Әлифба бәйрәме" дияр идек. Җир йөзендә кем генә булмасын, кайда гына эшләмәсен, ул зур дулкынлану белән үзенең нәни кулларына тәүге тапкыр Әлифба китабын алганын искә төшерә. Чөнки һәркемнең дә белем дөньясына беренче адымы Әлифбадан башлана бит.
Безнең гимназиябездә дә бүген "Әлифба бәйрәме" булып узды.
Әлифба бәйрәме - укучылар өчен дә, укытучылары өчен дә һәм инде әти-әниләре өчен дә зур тантана булып тора. Әлифба белән беррәттән укучыларның барысы да укырга, язарга, матур итеп сөйләргә, әдәпле булырга, өлкәннәрне һәм кечкенәләрне ихтирам итәргә, коллектив белән дус яшәргә, ярдәмчел булырга өйрәнделәр. Һәм инде шушындый күркәм сыйфатларга ия булу өчен 1 сыйныф укытучылары Гөлфия Рөстәмовна, Лилия Гансовна, Сиринә Ринатовна, Лилия Наилевнаның да тырышлыклары зур. Бу аларның беренче зур җиңүләре булды. Алдагы көннәрдә дә укучыларыбыз шундый зиһенле һәм тырыш, сау-сәламәт булсыннар, укытучы апаларын, әти-әниләрен тынласыннар һәм әлбәттә инде "4", "5" билгеләренә генә укысыннар дигән теләктә калабыз!????????????????

Идел буе федераль округының укучылар арасында узган " Что? Где? Когда?" интеллектуаль олимпиаданың региональ этабында гимназиябезнең "Галәм" командасы призер булды. Афәрин, укучылар!!! Укучыларны әзерләгән өчен тарих һәм җәмгыять белеме укытучысы Усманова Эльмира Расыховнага зур рәхмәтләребезне белдерәбез!!!

16 нчы февраль көнне 10-11 нче сыйныфлар арасында “Тамчы интеллектуаль уен - бәйге” үткәрелде. Татарстан елгалары, файдалы үсемлекләрен атауга бәйле сораулар, төрле мәкальләрне әйтеп бирүдә ярыштылар. Халык авыз иҗатына кергән биремнәрне үтәделәр, көч сынаштылар. Нәтиҗәдә 11 нче сыйныф укучылары 1 нче урынга лаек булдылар. Котлыйбыз!!!

Бүген Герой-шагыйрь Муса Җәлилнең туган көне уңаеннан “Гомерем минем моңлы бер җыр иде...” дигән әдәби кичә булып узды. Укучылар шагыйрьнең шигырьләрен сәнгатьле итеп сөйләделәр. Барысы бик әйбәт әзерләнгәннәр.Сөйләгән шигырьләре һәрберебезнең йөрәгенә үк үтеп керде. М.Җәлил иҗатына һәм шәхесенә карата ихтирам, милли үзаң, горурлык хисләре тәрбияләнде.