8 март - Халыкара хатын-кызлар көне

Кадерле хатын-кызлар!
Сезне язның иң күңелле һәм иң тормышчан бәйрәме – Халыкара хатын-кызлар көне 8 Март белән чын күңелдән котлыйбыз!
Һәрбер хатын-кыз иң ягымлы мактау сүзләренә, олы мәхәббәткә, ихтирамга һәм кайгыртуга лаек. Без, ир-атлар, бүген сезгә йөрәктә саклап йөрткән иң назлы сүзләребезне аеруча дулкынланып әйтәбез.
Бәхетле һәм сөекле булыгыз! Балалар һәм оныклар куанычын күреп яшәргә насыйп булсын. Тыныч тормыш, сәламәтлек, игелек һәм муллык телибез сезгә, кадерле хатын-кызлар!

     Биектау урта гомуми белем мәктәбенең 2 нче сыйныф укучылары экологик тәрбия бирү, табигатькә сакчыл караш тәрбияләү максатыннан “Без -  табигать балалары” дигән экологик уен күрсәттеләр.

    Уенда “Табигать дуслары” һәм “Яшеллек саклаучылар” исемле командалар катнашты. Уен 4 турдан торды. Беренче тур “Табигать – туган йортыбыз” дип аталып, балалар табигатьне саклауга кагылышлы сорауларга җавап бирделәр. Икенче тур “Татарстан табигате” дип аталды. Бу турда сүз Татарстан табигате, үсемлекләр һәм җәнлекләр дөньясы хакында барды. “Кызыл китап”ка кертелгән үсемлекләр, җәнлекләр, гөмбәләр турында да әйтелде. Өченче турда “Яшел даруханә”, ягъни дару үләннәре турында фикер алыштылар. Дүртенче тур “Капитаннар ярышы”булды. Монда ике якның капитаннары да җәнлекләргә, кошларга багышланган сорауларга җавап бирделәр.

    Башлангыч сыйныф укучылары барлык укучылар игътибарына "Әтәч универсиадага бара" дип аталучы сәламәтлек театры тәкъдим иттеләр. Укытучылар, укучылар әтәч һәм аның дусларының ничек итеп универсиадага  әзерләнгәннәрен карадык. Урман җәнлекләре барысы да төрле шөгыльләр күрсәттеләр.

    Әлеге театраль күренеш бик эчтәлекле һәм бик күңелле узды...

   Бүген Муса Җәлилгә 107 ел туу уңаеннан “Гомерем минем моңлы бер җыр иде” әдәби музыкаль тәнәфес үткәрелде. Укучыларыбыз балалар өчен язылган "Беренче дәрес", "Урланган мәче", "Маэмай белән", "Маэмай","Сәгать" шигырьләрен сөйләделәр, "Карак песи", "Салют сиңа, Муса Җәлил!" кебек җырларын башкардылар. Әдәби музыкаль тәнәфес һәркемнең дә күңелләренә хуш килде.

Раслыйм

Мәктәп директоры

Р.Ф.Каримов

Балык-Бистәсе  муниципаль районы Биектау урта гомуми белем мәктәбендә

2012/2013 нче уку елында үткәреләчәк башлангычлар атналыгының  эш планы.

    Бүген  бишенче сыйныф укучылары Ватанны саклаучылар көнен билгеләп үттеләр. Кызларыбыз бәйрәм белән котлап егетләребезне тәбрикләр, бик матур концерт куйдылар. Соңыннан бәйрәм чәй табыны артында дәвам итте.