Инвалидлар ункөнлеге уңаеннан, бүген озын тәнәфестә, башлангыч сыйныф укучылары арасында кечкенә генә концерт оештырылды. Концертта күңелле һәм мәгънәле җырлар җырланды, шигырьләр сөйләнде.

Бәхетле булсын җирдә һәр кешенең

Күге аяз, җире гел чәчәк.

Һәммәбезгә - сезгә, безгә, илгә

Без телибез якты киләчәк.

   Россиядә, шул исәптән Татарстанда да декабрь аенда елдагыча инвалидлар ун­көнлеге уза. Бу вакыт кысаларында физик мөмкин­лекләре чикләнгән кешеләр­нең тормышы, яшәеше, проб­лемалары калкурак күрсә­телә. Шул уңайдан без дә эшне, аерым план нигезендә, мохтаҗларга шефлык ярдәме күрсәтүдән башлап җибәрдек.

   Бүген 9 нчы сыйныфта ата-аналар җыелышы үткәрелде. Төп тема булып, укучыларның ГИА га әзерлекләре турында сүз барды. Бу уңайдан барлык фән ияләре дә ата-аналар каршында чыгыш ясады. Укытучылар үзләренң фикерләрен әйттеләр,имтиханнарның елдан-ел катлаулана баруын җиткерделәр, тәкъдимнәр керттеләр, сорауларга җавап бирделәр

   Җомга көнне мәктәбебездә "Әниләр көне" үткәрелде. Бәйрәмдә күп кенә кунаклар да чакырылды. Килгән кунаклар укучыларга изге теләкләрен җиткерделәр, ә укучылар әниләрен бәйрәм белән котлап җырлар җырладылар, шигырьләр сөйләделәр.

    20 ноябрь - халыкара балаларның хокукларын яклау көне. Шушы уңайдан бүген 7 нче сыйныфта “Бала хокукларын яклау турындагы конвенция” темасына класс сәгате үткәрелде. Әңгәмә, кыскача сценарий ярдәмендә тарих укытучысы Шәймарданова Н.Ф. укучыларга бу документның эчтәлеген аңлатты.