Хөрмәтле укытучылар һәм укучылар барыгызны да якынлашып килүче 2013 ел белән чын күңелдән котлыйбыз! 

Уй-борчуларыгыз үткән елда калып, яңа елан елы һәркайсыбызның өенә шатлык-куаныч, дөнья тынычлыгы,бәхет һәм кечкенә генә булса да могҗиза алып килсен!

Барлык яхшы теләкләребез тормышка ашсын, уңдырышлы ел булсын!!!

 Көн артыннан көннәр үтә,
Гүя еллар йомгак сүтә.
Иске елның матур киче
Саубуллашу кичен көтә.

Бөтерелә ак өермә
Кара, кара, карасана!
Кыш бабай килә түгелме,
Ак бизәкле чанасында?

Көтәбез без әйдә килсен,
Ак бәхетләр алып килсен!
Шул бәхетне барыбызга,
Тигез итеп бүлеп бирсен.

Бүген мәктәп күләмендә Яңа ел бәйрәме үткәрелде.Бәйрәм яңа ел котлавы белән ачылып китте. Шушы бәйрәмне үткәрергә ярдәм иткән спонсорларга рәхмәтләр әйтелде, уку алдынгыларына, сыйныфны бизәү,рәсем конкурсларына,күләмле уенчыкларга карата, җиңүчеләргә бүләкләр тапшырылды.

    Бәйрәм ике сменада үтте. Һәр смена да зур әзерлек белән яңа 2013 нче елны каршы алдылар. Бәйрәм җыр-бию, шигырьләр сөйләү, әкиятләр күрсәтү белән үрелеп барды. Кунакка дип урманнан шүрәлеләр, убырлылар, куяннар, тиеннәр килгән иде. Хәтта күрше Шомбыт авылыннан һәм ерак көнчыгыш якларынна килгән кунаклар да катнашты.  Яңа ел бәйрәме бик күркәм булды. Бу бәйрәм күңелләрдә озак сакланыр әле.

Уку елының 1 нче яртыееллыгы нәтиҗәләрен һәм укучыларның тәртипләрен барлау йөзеннән, 8 нче сыйныф укучыларының,гомуми ата-аналар җыелышы үткәрелде. 

     Яңа елга аяк басарга да санаулы гына көннәр калды. Һәркем бәйрәм мәшәкатьләре белән мәшгуль. Мәктәбебез яңа елга ничек әзерләнә соң? Шушы көннәрдә барлык класслар бизәлде, Кыш бабайга һәм Кар кызына багышлап җырлар, шигырьләр, кызыклы әкиятләр өйрәнелде. Башлангыч сыйныф укучылары яраткан рәсемнәрен, ә югары сыйныфлар күләмле уенчыкларын әзерләделәр.

     27 декабрьдә 10 сәгатьтә 1-5 нче сыйныфлар катнашында, ә 16  сәгатьтә 6-11 нче сыйныфлар катнашында, мәктәбебездә Чыршы бәйрәмен ачу тантанасы үтәчәк. 

     Бүген инглиз теленнән халыкара "Британский бульдог"конкурсы үткәрелде.  Конкурста  мәктәп күләмендә биш укучы катнашты. Без бу укучыларның җиңүләрен телибез.

    Яңа ел бәйрәменә барлык сыйныф укучылары да әзерләнә башлады. Кемдер сыйныф бүлмәсен бизи, кемдер күләмле уенчык ясый, кемдер кызыклы күренешләр куярага җыена.

     9 нчы декабрьдә коррупциягә каршы Халыкара көрәш көне. Шул уңайдан мәктәбебездә сыйныф сәгатьләре, рәсем конкурслары, китап күргәзмәсе оештырылды һәм укучылар тарафыннан сценка куелды.