Җиһанга алтын көз килде. Ни генә дисәң дә, Көз бәйрәме иң мул, сый-хөрмәтле, бәрәкәтле бәрәмдер ул.Табын түрндә күпереп пешкән икмәк торганда күңелләр күтәренке, йөзләр якты булыр. Бүген мәктәбебезнең 5-7 сыйныфлар белән "Алтын көз"бәйрәме оештырылды. Укучылар белән көз иленә сәяхәт иттек. Һәр сыйныф төрле тукталышларда үзләрен күрсәттеләр, җыр-биюләр, әкитя геройлары исеменнән котлаулар бүләк иттеләр.

Шулай ук, 9-11 сыйныфлар да үзара көч сынашты. Көзге бал мәктәбебез директоры Мөбәрәков Р.Г. котлавы белән башланып китте. Жюри сайлап куелды. Һәр сыйныф үз командасы өчен җан атты. Укучылар төрле спорт ярышларында, шигырь, теләк язу, романтик эчтәлектәге уеннарда үзләрен күрсәттеләр. Нәтиҗәдә: I урын 10-11 сыйныфларга, II урын - 9 сыйныфларга, III урын - 8 сыйныфларга бирелде һәм истәлекле бүләкләр тапшырылды.

20 октябрь - Халыкара пешекчеләр көне.  Мәктәбебезнең пешекчеләре Баһманова Гөлназ Мөхәмәтдиновнаны, Галимова Гөлнур Гәбделбәровнаны һөнәри бәйрәмнәре белән тәбрик итәбез. Сезнең тормышыгыз үзегез әзерләгән таталы ризыклардай баллы, кайнар ашлардай җылы булсын! Аяк-кулларыгыз сызлаусыз булсын!

Бүген мәктәбебездә башлангыч сыйныф укучылары белән "Сөмбелә" бәйрәме оештырылды. Укучылар белән көз турында җырлар, шигырьләр сөйләдек, төрле уеннар белән үзара көч сынаштык. Нәтиҗәдә: 1 сыйныфлар - "Иң тырыш сыйныф", 2 сыйныфлар - "Иң алдынгы сыйныф", 3 сыйныфлар- "Иң өлгер сыйныф", 4 сыйныфлар- "Иң белемле сыйныф" исеменә лаек булдылар.

Бүген мәктәбебезнең пешекчесе Галимова Гөлнур Гәбделбәр кызының 50 яшьлек юбилее. Гөлнур ханымны мәктәп коллективы чын күңелдән гомер бәйрәме белән тәбрик итә. Сезгә киләчәк тормышыгызда саулык, гаилә иминлеге, эшегездә тырышлык һәм сабырлык телибез! 

Бүген Тимершык мәдәният йортында Тимершык, Мичән, Симетһәм Шыңар мәктәпләрендә укучы 8,10 сыйныф укучылары өчен профилактик чара оештырылды. Чарада көнүзәк мәсьәләләргә ачыклык һәм яшүсмерләр арасында хокук бозуларны кисәтү максатыннан районыбыз оешмаларында эшләүче белгечләр дә катнашты.  Чараның тематик өлешеннән соң, укучылар өчен практик өлеше дә оештырылды. Укучылар "Син беләсеңме?" дип исемләнгән квест-уенында көч сынаштылар, "Сәламәт яшәү рәвеше" темасына плакатлар иҗат иттеләр.
Нәтиҗәдә: квест-уены буенча I урын - Тимершык урта мәктәбенә, II урын - Симет урта мәктәбенә, III урын - Шыңар һәм Мичән төп мәктәпләренә бирелде;
плакат ясау буенча I урын - Шыңар урта мәктәбенә, II урын - Симет урта мәктәбенә, III урын - Тимершык урта мәктәбенә бирелде. Укучылар медальләр һәм истәлекле бүләкләре белән бүләкләнделәр.

7-16 октябрьда Республикабызда табигатьне саклауга юнәлдерелгән "Урман атналыгы-2017" акциясе бара. Бүген укучыларыбыз белән табигатькә экскурсиягә чыктык. Көз көне агачлар аеруча да матур, алтын яфраклар өстеннән йөрүләре үзе бер күңелле.

Бүген районыбызның Балалар иҗат үзәгендә дума активлары утырышы узды.. Әлеге чарада мәктәбебезнең дума спикеры Гарифуллина Гөлчәчәк катнашты. Укучылар Шәмәрдән лицее укучысы Гарипов Илмир оештырган төрле тренингларда катнаштылар һәм 2017-2018 елга эш планы белән таныштылар.

Бүген Кече Шыңар мәдәният йортында мәктәбебезнең рус теле һәм рус әдәбияты укытучысы Касыймова Әнисә Нурулловнага  50 яшь тулу уңаеннан, иҗат кичәсе оештырылды. Кичәдә мәктәбебез укучылары бик актив катнашты. Бүген укытучыбызга багышлап бик күп теләкләр, җырлар яңгырады. Әнисә Нурулловнаны тагын бер кат юбилее белән тәбрик итәбез. Киләчәк тормышыгызда гаилә иминлеге. сәламәтлек, иҗатыгызга яңа иҗат җимешләре, хезмәтегездә сабырлык телибез!